Ўзбекистон республикаси олий ва ўрта махсус таълим вазирлиги 3

Акциядорлик жамияти – бу жисмоний шахслар капиталларининг 
бирлашуви бўлиб, у акциялар чиқариш йўли билан ташкил этилади. 
Жамият жамланган капиталига қараб махсус қимматли қоғоз – акция 
чиқаради. Акцияни сотиб олганлар ҳиссадорларга айланишади ва 
фойдадан ўз ҳиссаси – диведендни олиб турадилар. Акциядорлик 

---

65 
жамияти ўз мажбуриятлари бўйича ўзига тегишли бутун мол-мулк 
билан жавобгар ҳисобланади. Акциядорлар жамияти мажбуриятлари 
бўйича жавобгар эмас ва унинг фаолияти билан боғлиқ зарарлар учун 
фақат ўзларига тегишли акциялар қиймати доирасида жавобгар 
ҳисобланади. 
Акциядорлик жамиятининг устав фонди акциядорлар сотиб олган 
акцияларнинг номинал қийматларидан ташкил топади. Жамият 
чиқарадиган барча акцияларнинг номинал қиймати бир хил бўлиши 
лозим. Акция бўлинмас ҳисобланади. 
Акциядорлик жамиятини таъсис этишда унинг жами акциялари 
таъсисчилар орасида тарқатилиши керак. 
Акция фонд биржаларида муомалада бўлади, бир шахсдан 
бошқасига эркин ўтади ва акциялар учун унинг ҳиссаси тўғрисидаги 
ҳужжатт ҳисобланади. Акциядорлик жамиятини: 
- акциядорнинг умумий мажлиси; 
- кузатув кенгаши; 
- ижро органи бошқаради. 
Акциядорларнинг умумий мажлиси олий бошқарув органи 
ҳисобланади. Агар қонун ҳужжатларида бошқача тартиб белгиланмаган 
бўлса, у акциядорлик жамияти фаолияти билан боғлиқ барча 
масалаларни ҳал қилиш ҳуқуқига эга. Акциядорлик жамиятининг 
кузатув кенгаши жамият фаолиятида умумий раҳбарликни амалга 
оширади. Акциядорлик жамиятининг жорий (кундалик) фаолиятига 
ягона ижро органи (директор) ёки коллегиал (маслаҳат) ижро органи 
(бошқарув, дирекция) раҳбарлик қилиши мумкин. 
Акциядорлик 
шаклидаги 
тадбиркорликнинг қуйидаги 
афзалликлари бор: 
- акциядорлик жамияти – бу бизнеснинг кўпроқ демократик 
шаклидир. Унга хоҳлаган киши бевосита ёки обуна бўлиш йўли билан 
акцияни сотиб олиб, аъзо бўлиши ва мулк эгасига айланиши мумкин; 
- вақтинча бекор турган сармоялар марказлашувига эришилади; 
- нисбатан самарали соҳаларга капитал оқимини ташкил қилиш 
имконияти туғилади; 
- давлат мулкини хусусийлаштириш имкониятлари кенгаяди; 
- молиявий барқарорликка эришилади; 
- тадбиркорликда таваккалчилик хавфи камаяди (ҳиссадор ўз 
акцияси миқёсида зиён кўрса, корхона эгаси бутун мулкидан 
ажралади); 
- бир вақтнинг ўзида ишлаб чиқарувчилар, товар етказиб 
берувчилар, ҳаридорлар 
ва 
маҳаллий 
давлат 
органлари 
манфаатларининг ўзаро мувофиқлашувига эришилади. 
Акциядорлик жамияти очиқ ва ёпиқ турда бўлиши мумкин.