Ўзбекистон Республикаси Олий ва ўрта махсус таълим вазирлиги Андижон давлат университети Хорижий тиллар факультети

Информацион услуб
Информацион услуб нейтрал интонацион турларнинг иштатилиши билан характерланади. У сўзловчи томонидан ҳеч қандай ҳиссий, эмоционал туйғулар ифодаламай мулоқотга киришишда намоён бўлади. Бу нутқий услуб радио, телевидение бошловчилари томонидан об-ҳаво, янгиликларни эълон қилишда, турли расмий жараёнларда ишлатилади. Информацион услуб стилистик нейтрал ҳисобланади. Бу услубдан фойдаланаётган сўзловчи ҳар қандай гапни: хабар ёки сўроқ, таклиф ёки буйруқ, мустақил ёки номустақил бўлишидан қатъий назар ўзига ҳос тарзда тингловчига тушунарли қилиб етказиб беради. Сўзловчи тингловчига нутқнинг асосий маъносини тушунишга ҳалақит берадиган турли усуллардан: ҳиссий, эмоционал гаплардан қочиши керак. Шундай экан, сўзловчининг нутқи ҳеч қандай ҳиссий бўёқдорлик ҳусусиятига эга бўлмаслиги даркор. Информацион услубнинг яна бир характерли хусусияти меъёрий нутқий тезлик ва тўғри ритмдир.
Камдан-кам ҳолатларда товуш тонининг юқорига кўтарилиши тоннинг пастлашиши ўрнига ишлатилади. Асосан, маълумотни муҳим қисмини баён қилишда овоз тонининг кўтарилиши, асосий маънога берилган қўшимча маълумотларда эса овоз тонининг пастлашиши кузатилади.
Қуйидаги парчада инглиз радиосухандонининг интонацияси мисол тариқасида келтирилиши мумкин:
ANNOUNCER: ... \Early Yesterday ,MORNING | the engine 'depot at ,ROUEN | was the target of 'SABOTEURS. II The heavy-MACHINE shops | were totally GUTTED | and eleven 'LOCOMOTIVES | com ‘pletely DESTROYED.

A: Do you 'think you could 'change my ,NOTE for me, please?

В: * How shall I GIVE it to you?
A: Notes and 'large SILVER, please.
A: Was there 'anything ,ELSE?
B: Yes, \ could you 'tell me my /BALANCE?
Информацион услубда нутқий интонация ҳеч қачон сўзлар ва сўзлар тузилишида ифодаланган лексик ҳамда грамматик маънолар билан қиёсланмайди. Ички паузалар маъно жиҳатдан баён бўлади чунки нутқий оҳанг маъно жиҳатдан боғланган сўзлардан ташлик топган. Бундан ташқари шуни таъкидлаш жоизки, нутқий оҳанг (интонация) ифодаланишига кўра қисқа, тўхталиш (пауза)ларнинг давомийлигига кўра ўртача ва узун бўлиши мумкин. Қисқа тўхталиш(пауза) баъзи вазиятларда учрайди.