Ўзбекистон республикаси олий ва ўрта махсус таълим вазирлиги қарши муҳандислик иқтисодиёт институти

Биринчидан, жаҳон тажрибаси шуни кўрсатадики, кичик бизнес ички
бозорни зарур товар ва хизматлар билан тўлдирадиган, иқтисодиётнинг
таркибий негизини белгилаб берадиган энг муҳим сектор ҳисобланади,
шунингдек аҳолини иш билан таъминлашда, унинг даромадларини
оширишда энг асосий омил ва манба бўлиб хизмат қилади.
Иккинчидан, ҳозирги шароитда жаҳон ва минтақавий бозорларда
рақобат кескинлашиб бораётгани ҳаммамизга аён. Айнан кичик бизнес
ўзининг ҳаракатчанлиги, кам сармоя талаб қилиши ҳисобидан ишлаб
чиқаришни енгилроқ ва тез модернизация қилиш, ишлаб чиқарилаётган
маҳсулот турларини янгилаш имкониятига эга экани ва шу тариқа бозор
конъюнктурасининг ўзгарувчан талабларига яхши мослаша олиши билан
эътиборлидир.
Учинчидан, кичик бизнес ва тадбиркорликни ривожлантиришнинг
моҳияти ҳақида гапирар эканмиз, бу борода ўта муҳим бир масалани
эътибордан четда қолдирмаслик керак.
Кичик бизнес ва тадбиркорлик ўсиши билан биз мамлакатимизда
таянчимиз ва суянчимиз бўлмиш мулкдорлар ўрта синфини шакллантириш
вазифасини бевосита ҳал қилишга эришамиз. Буни ҳеч қачон
20
Каримов И.А.– “Инсон манфаатлари устуворлигини таъминлаш – барча ислоҳот ва ўзгаришларимизнинг
бош мақсадидир”. "Тошкент оқшоми" газетаси, 2008 йил 9 февраль.

---

53
унутмаслигимиз ва ўзимизга яхши тасаввур этишимиз лозим.
Бир сўз билан айтганда — кичик бизнес ва хусусий тадбиркорлик
бугунги кунда аҳоли бандлигини таъминлайдиган ва унинг асосий даромад
манбаи бўлган муҳим бўғинга айланмоқда.
Айни пайтда у иқтисодиётни изчил ривожлантиришнинг энг муҳим
омили, жамиятимиз ижтимоий ва сиёсий барқарорлигининг кафолати,
мамлакатимизни 
тараққиёт 
йўлидан 
олға 
етаклайдиган 
фаол
ҳаракатлантирувчи куч сифатида намоён бўлмоқда.
Сўнгги йилларда кичик бизнес ва хусусий тадбиркорликни
ривожлантириш учун қулай шарт-шароит яратиш йўлида бир қанча иш
қилинди.
Юқорида айтилганидек давлатнинг бизнес фаолиятига аралашуви
кескин чекланди, кичик бизнес субъектларини рўйхатга олиш жараёни
сезиларли 
даражада 
соддалаштирилди 
ва 
уларнинг 
ошкоралиги
таъминланди, солиқ ставкалари унификация қилинди ва камайтирилди,
маҳсулотларни 
стандартлаш 
ва 
сертификациялаш 
тизими
такомиллаштирилди, биржа 
савдоларини 
ривожлантириш 
орқали
тадбиркорларнинг моддий-техник ресурслардан эркин фойдаланиши билан
боғлиқ кўп масалалар ҳал қилинди, микрокредитлаш ва микролизинг йўли
билан тадбиркорларга кредит беришнинг янги шакллари жорий этилди.
Бундан ташқари, ёш оилаларни қўллаб-қувватлаш мақсадида,
Ўзбекистон Республикаси Президентининг жорий йилда чиқарган фармони,
ҳозирги кунда ёш оилаларни тадбиркорлик фаолиятини бошлашга
бошланғич сармоя сифатида хизмат қилиш билан биргаликда, уларга уй-жой
сотиб олиш ёки қуришларида тижорат банкларидан оладиган имтиёзли
кредитлари муҳим дастак бўлиб ҳисобланади.