Ўзбекистон республикаси олий ва ўрта махсус таълим вазирлиги бухоро давлат университети

Гипотеза- тажрибада текшириб кўрилишини ва назарий асосланишни,тасдиқланишни талаб қилувчи илмий таҳмин.
Даволаш жисмоний тарбияси (ҳаракат реабилитацияси) - жисмоний маданиятнинг бир қисми бўлиб, жисмоний тарбиядан организмнинг касаллик,жароҳатланиш,чарчаш ва бошқа сабаблар туфайли издан чиққан функцияларини тиклаш ва даволаш воситаси сифатида фойдаланишдир. Дарснинг мотор(ҳаракат) зичлиги- бу дарс жараёнида ўқувчиларнинг ҳаракат бажаришга сарфлаган вақти бўлиб, ҳаракатларни бажаришга кетган вақтнинг умумий вақтга нисбати билан аниқланади.
Дарснинг умумий зичлиги- бу педагогик жиҳатдан рационал сарфланган вақтнинг умумий вақтга нисбатидир.
Жисмоний камолот- инсон организмининг ҳаёт талабларига оптимал мослашганлик, ҳар томонлама жисмоний ривожланганлиги ва тайёрланганлигининг тарихан асослаган идеали.
Жисмоний маданият назарияси илмий фан сифатида- жисмоний маданиятнинг моҳияти,ундан инсон жисмоний камолоти йўлида фойдаланиш қонуниятлари тўғрисидаги умумлаштирилган билимлар системасидир. Жисмоний маданият назарияси ўқув фани сифатида- жисмоний тарбия ва спорт ихтисослиги бўйича профессионал таълим берувчи асосий мутахассислик фани.
Жисмоний маданият тизими- Ўзбекистон фуқароларининг жисмоний тарбиясини ташкиллаштирадиган,амалга оширадиган ва назорат қиладиган давлат ҳамда жамоат ташкилотлари фаолиятининг йиғиндисидир.
Жисмоний маданият- шахс ва жамият умумий маданиятининг бир қисми бўлиб,инсон жисмоний камолоти йўлида яратиладиган ва фойдаланиладиган моддий ва маънавий ютуқларнинг йиғиндисидан иборат.
Жисмоний машқ- жисмоний тарбия вазифаларини ҳал этишга қаратилган ва унинг қонуниятларига мос равишда шакллантирилган ҳамда фойдаланиладиган ҳаракатлардир.
Жисмоний машқлар классификацияси- бу жисмоний машқларни уларнинг хусусиятларига кўра гуруҳларга бўлиш.
Жисмоний машқлар техникаси- жисмоний машқларни бажаришнинг энг рационал ва самарали усули.
Жисмоний маълумот- жисмоний тарбиянинг таркибий қисми бўлиб,инсонда ҳаракат кўникмалари ва малакаларини шакллантиришга,шунингдек жисмоний тарбия бўйича билимларни ўзлаштиришга йўналтирилган педагогик жараён.