Қурилишнинг эскиз лойиҳаси
|
Қурилишнинг эскиз лойиҳаси лойиҳалаштириш объектини (турар жой тумани, квартал, шаҳарсозлик мажмуаси) композициясини танлаш учун ишлаб чиқилади
|
Қурилиш лойиҳаси
|
Тугалланаётган ёки реконструкция қилинаётган турар жой тумани (квартал) бўйича қабул қилинган қарорларни аниқлаштиради ва деталлаштиради.
|
Қурилишнинг эскиз лойиҳаси ва Қурилиш лойиҳаси бўйича қўшимча маълумотлар:
Туман, турар жой тумани ва бошқа ҳудудларни батафсил режалаштиришнинг тасдиқланган лойиҳаси бўлмаса, Қурилишнинг эскиз лойиҳаси ва Қурилиш лойиҳаси ишлаб чиқилади. Улар қизил чизиқлар, давлат тасарруфидаги ва индивидуал мулкчилик (шу жумладан, лойиҳаланаётган) бино ва иншоотлари ер участкаларини объектлар бўйича алоҳида чегараларини, аҳолига маданий-маиший ва коммуналхизмат кўрсатиш объектларининг тегишли ижтимоий таркиби ва жойлашувини, транспорт хизматини ташкил этишни, муҳандислик коммуникациялари жойлашувини, кўчалар қирқимларини, муҳандислик тайёргарликни, ҳудудни ободонлаштириш ва атроф-муҳитни муҳофаза қилишни аниқловчи ва белгиловчи асосий шаҳарсозлик ҳужжатлари ҳисобланади. Қурилишнинг эскиз лойиҳаси ҳажмий фазовий ва композицион ечимлар, тарихий ва маданий ёдгорликларни сақлаш, ландшафт бўйича ҳам таклифларни кзда тутади.
Қурилишнинг эскиз лойиҳаси учун дастлабки ҳужжатлар
1. Туман, турар жой тумани ва бошқа ҳудудларни батафсил режалаштириш лойиҳаси (тасдиқланган).
2. Қурилишнинг эскиз лойиҳаси ишлаб чиқиш учун топшириқ.
3. 100 метр радиусда жойлашган атрофдаги ҳудудни қамраб олган лойиҳа чегарасида геодезик асос, М 1:500 (Қурилишнинг эскиз лойиҳаси учун М 1:2000 ёки М 1:1000).
4. Муҳандислак тармоқларига уланиш шартлари.
5. Тарихий архитектуравий таянч режа.
Қурилишнинг эскиз лойиҳаси таркиби:
1. Дастлабки ҳужжатлар.
2. Лойиҳанинг барча бўлимлари бўйича қабул қилинган қарорлари ва асосий техник-иқтисодий кўрсаткичлари ва асосланиши кўрсатилган тушунтириш хати.
3. Ҳолат режаси – турар жой туманининг қизил чизиқлари чегарасидаги фойдаланилаётган ҳудуднинг ер участкаларининг хар бир объекти алоҳида кўрсатилган чегаралари билан биргаликдаги режаси.
4. Ер участкаларининг лойиҳаланаётган чегаралари билан биргаликдаги қурилишнинг бош режаси, М 1:500 (1:1000).
5. Қурилишнинг композицион ечимлари ва фрагментлари вариантлари.
6. Қурилишнинг эскиз лойиҳаси учун рельефни ташкил этиш схемаси.
7. Қурилишнинг эскиз лойиҳаси учун: муҳандислик тармоқлари, иншоотлар жойлашуви схемаси, ер ости жойларидан фойдаланиш, рельеф ва ҳудудни муҳандислик тайёрловни ташкил этиш схемаси.
8. Биноларнинг қабул қилинган лойиҳалари режалари ва фасадлари, М 1:500 (1:200).
9. Қурилишни ташкил этиш лойиҳаси.
10. Атроф-муҳитни муҳофаза қилиш.
11. Тарихий ва маданий ёдгорликларни сақлаш бўйича лойиҳалар.
12. Смета ҳужжатлари.
|
|
Do'stlaringiz bilan baham: |
