Ўзбекистон Республикаси Президенти Ш. Мирзиёевнинг 2022-йил 6-октябр куни Сирдарё вилоятига ташрифи давомида қишлоқ хўжалигида амалга оширилаётган ишлар билан танишиш ҳамда фаоллар, кластерлар фермерлар, ёшлар

Бажарилмоқда.
1.Топшириқ ижросини таъминлаш мақсадида:
-Жанубий Мирзачўл канали бош иншоотини реконструкция қилиш;
-Боёвут туманидаги “ПР-4” ирригация тизими каналини реконструкция қилиш;
-Ховос туманида 26 дона суғориш тик қудуқларини қуриш;
- Мирзаобод туманидаги 1500 гектар экин майдонларини фойдаланишга қайтариш мақсадида “Чўлқувар-2” насос станциясини модернизация қилиш ҳамда 20 км қувурлар системасини қайта тиклаш ишларининг лойиҳа-смета ҳужжатларини ишлаб чиқиш учун 2023 йилда ҳамда қурилиш ишлари учун 2024 йилда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурлари доирасида зарур маблағлар ажратилиши режалаштирилган.
2.Ўзбекистон Республикаси Президентининг 2021 йил 24 февралдаги ПҚ-5005-сон қарорининг 10-бандида, 2021 йилдан бошлаб, Ўзбекистон Республикаси Давлат бюджети параметрлари доирасида ҳар йили суғориладиган ерларнинг мелиоратив ҳолатини яхшилаш тадбирлари доирасида объектларни таъмирлаш-тиклаш харажатлари Ўзбекистон Республикаси республика бюджетидан вилоятлар маҳаллий бюджетларига ўтказилган.
Шунга асосан, Марказий Мирзачўл коллекторининг ПК0+00 дан ПК300+00 гача бўлган қисмларини таъмирлаш-тиклаш ишлари 2023 йилда маҳаллий бюджет маблағлари ҳисобидан амалга оширилади.
3.Вазирлар Маҳкамасининг 2020 йил 24 февралдаги 109-сон қарорига мувофиқ “Қишлоқ хўжалигида фойдаланилмаётган ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларни қоплаб бериш тартиби тўғрисидаги Низом тасдиқланган.
Маркур Низомнинг 2-иловасига мувофиқ Лойиҳа ташаббускорларининг ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларини давлат бюджетидан қоплаш схемаси тасдиқланган.
Шунга кўра, Мирзаобод туманидаги “Сардоба темир йўл агросаноат мажмуаси” унитар корхонаси томонидан захирага қайтарилган 1200 гектар экин майдонларининг сув таъминоти ва мелиоратив ҳолатини яхшилаш мақсадида 18 км суғориш тармоқлари ҳамда 32 км коллектор тармоқларини реконструкция қилиш ва таъмирлаш ишлари Вазирлар Маҳкамасининг 2020 йил
24 февралдаги 109-сон қарори билан тасдиқланган низом талабларига асосан амалга оширилади.