Rp.: Magnesii oxydi 40,0
Natrii hydrocarbonatis 10,0
M.f. pulvis
D.S. 1/3 choy qoshig‘idan kuniga 3 mahal ichilsin.
Dozalarga taqsimlangan sochmalar bir martalik dozasi kog‘ozchalarga o‘ralgan holda 10, 20, 30 marta qabul qilishga yetadigan qilib qog‘oz xaltachalarga solib beriladi. Retseptda Rp.: dan keyin dori moddaning nomi, miqdori D.t.d.N. dan keyin sochmalar soni va S. dan keyin qanday ichish kerakligi yoziladi. Dozalarga taqsimlangan sochmalarning og‘irligi 0,1 dan 1,0 gacha (o‘rtacha 0,3 - 0,6) bo‘ladi. Dori moddaning dozasi 0,1 dan kam bo‘lsa, uning og‘irligini 0,3 - 0,6 ga yetkazish uchun yordamchi indiferent moddalar oddiy shakar – Saccharus, choy sodasi - Natrii hydrocarbonas va boshqalar qo‘shiladi.
Misollar: 1. Oddiy sochmalarga:
Atsetilsalitsilat kislotasining (td = 0,5) 10 ta sochmasiga retsept
yozilsin. 1 ta sochmadan bosh og‘riganda ichish uchun buyurilsin.
Rp.: Acidi acetylsalicylici 0,5
D.t.d.N.10
S. 1 ta sochmadan bosh og‘riganda ichilsin.
2.Murakkab sochmalar:
Analgin (td = 0,5) va amidopirin (td = 0,25) dan iborat 10 ta
sochmaga retsept yozilsin. 1 sochmadan kuniga 2 mahal ichish
buyurilsin.
Rp.: Analgini 0,5
Amidopyrini 0,25
M.f. pulvis
D.t.d.N.10
S. 1 ta sochmadan kuniga 2 mahal ichilsin.
Dozasi 0,1 dan kam sochmalar:
Kodein fosfatning (td - 0,025) 20 ta sochmasiga, 1 ta sochmadan qabul qilish uchun retsept yozilsin.
Do'stlaringiz bilan baham: |
