1901-модда. Бюджет жараёнининг очиқлигини таъминлаш тартибини бузиш
Маълумотнинг ушбу Кодекс 1661-моддасида назарда тутилган муддатлар бузилган ҳолда тегишли ташкилотларнинг расмий веб-сайтларида мавжуд эмаслиги, тўлиқ жойлаштирилмаганлиги ва (ёки) жойлаштирилмаганлиги бюджет жараёнининг очиқлигини таъминлаш тартибини бузишдир.
191-модда. Ўзбекистон Республикасига беғараз ёрдам доирасида келиб тушган товарлардан фойдаланиш тартибини бузиш
Ўзбекистон Республикасига беғараз ёрдам доирасида келиб тушган товарларни сотиш, ижарага бериш ёки бошқа тижорат мақсадларига йўналтириш улардан фойдаланиш тартибини бузишдир.
192-модда. Бюджет тўғрисидаги қонунчиликни бузганлик учун жавобгарлик
Бюджет тўғрисидаги қонунчиликни бузганликда айбдор шахслар белгиланган тартибда жавобгар бўлади.
Do'stlaringiz bilan baham: |
