199-модда. Ходимнинг моддий жавобгарлигини истисно этувчи ҳолатлар
Агар зарар, уни бартараф этиш мумкин бўлмаган кучлар, нормал хўжалик таваккалчилиги оқибатида, охирги зарурат ёки зарурий мудофаа натижасида келиб чиққан бўлса, ходимнинг моддий жавобгарлиги истисно этилади.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.06.00.00 Меҳнат шартномаси тарафларининг моддий жавобгарлиги / 05.06.03.00 Иш берувчига етказилган зарар учун ходимнинг моддий жавобгарлиги / 05.06.03.03 Иш берувчининг ходимдан зарарни ундиришдан воз кечиш ҳуқуқи]
200-модда. Иш берувчининг ходимдан зарарни ундиришдан воз кечиш ҳуқуқи
Иш берувчи зарар етказилган чоғдаги аниқ ҳолатларни ҳисобга олиб, айбдор ходимдан зарарни ундиришдан қисман ёки тўлиқ воз кечишга ҳақли. Давлат мулки шаклидаги корхоналарда ана шундай қарор, агар у жамоа шартномасида назарда тутилган бўлса, қабул қилиниши мумкин. Бундай ҳолда етказилган зарар корхона фойдаси ҳисобидан қопланади.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.06.00.00 Меҳнат шартномаси тарафларининг моддий жавобгарлиги / 05.06.03.00 Иш берувчига етказилган зарар учун ходимнинг моддий жавобгарлиги / 05.06.03.04 Ходимнинг моддий жавобгарлиги чегараси]
201-модда. Ходимнинг моддий жавобгарлиги чегараси
Агар ушбу Кодексда бошқача ҳолат назарда тутилмаган бўлса, ходим етказилган зарар учун ўзининг ўртача ойлик иш ҳақи миқдори доирасида моддий жавобгар бўлади.
LexUZ шарҳи
Қаранг: мазкур Кодекснинг 169 ва 202-моддалари.
Меҳнат шартномасини ғайриқонуний равишда бекор қилиш ёки ходимни ғайриқонуний равишда бошқа ишга ўтказишда айбдор бўлган мансабдор шахслар ушбу Кодекснинг 274-моддасида белгиланган миқдорда моддий жавобгар бўладилар.
[ОКОЗ:
1.05.00.00.00 Меҳнат ва аҳолининг бандлиги тўғрисидаги қонунчилик / 05.06.00.00 Меҳнат шартномаси тарафларининг моддий жавобгарлиги / 05.06.03.00 Иш берувчига етказилган зарар учун ходимнинг моддий жавобгарлиги / 05.06.03.05 Ходимнинг тўлиқ моддий жавобгарлиги ҳоллари]
Do'stlaringiz bilan baham: |
