Ózbekstan respublikasí mektepke shekem hám mektep bilimlemdiriw ministrligi respublikalíq bilimlendiriw orayí

O. Y. Musurmonkulova - Respublikalıqbilimlendiriw orayı metodisti.

TARIYX 9-KLASS

2022-2023-oqıw jılında ulıwma orta bilim beriw mektepleriniń 9-klaslarında tariyx páninen juwmaqlawshı imtihan ushın usınılıp atırǵan imtihan materialları tiykarında awızeki túrde ótkeriledi.

Ulıwma orta bilim beriw mákemeleri metod birlespeleriniń jıynalıs qararına muwapıq juwmaqlawshı imtihan materiallarına 15%-20% ǵa shekem ózgertiwler kirgiziwi múmkin.Sonday-aq, tariyx páni tereńlestirilip oqıtılatuǵın klass hám mekteplerde imtihan biletlari 4 sorawdan ibarat boladı.Tariyx páni tereńlestirilip oqıtılatuǵın klass hám mekteplerdiń imtihandaǵı tórtinshi sorawı oqıtıwshı tárepinen dúzilip, mektep metod birlespesi tárepinen tastıyıqlanadı.
Tariyx páninen juwmaqlawshı attestaciya imtihanları ushın usınılıp atırǵan usı tapsırmalar ulıwma orta bilim beriwdiń mámleketlikbilimlendiriw standartları tiykarında tayarlanǵan. Bul tapsırmalar biletlerde sáwlelendirilgen bolıp, hárbir bilette úshbaǵdardaǵı tema tiykarında úshewden soraw beriledi. Tapsırmalar tómendegi mazmunda dúziledi:
1. Ózbekstan yamasa Jáhán tariyxında bar bolǵan qandayda bir-bir orın ataması menen baylanıslı boladı.
2. Ózbekstan yamasa Jáhán tariyxı páninde mámleket basqarıw iskerligi kórsetilgen húkimdarlardan biri beriledi.
3. Ózbekstan hám Jáhán tariyxı páninde úyreniletuǵın temalardaǵı atamalarǵa túsindirme beriledi.

Birinshi soraw boyınsha oqıwshılardıń bilimleri tómendegi kriteriyalar
tiykarında bahalanadı :

Q/s	Bahalaw	Ball
1	Orın atamasınıń atala baslaǵan dáwirin ayta alıwı	1 ball
2	Qay jerde jaylasqanlıǵın kartadan kórsete alıwı	1 ball
3	Tariyxıy mámleketlerdi salıstıra alıwı	1 ball
4	Sol aymaqta qanday mámleketler bar ekenligin biliwi	1 ball
5	Házirgi kúndegi ornın (mámleket, wálayat ) biliwi	1 ball
	Jámi	5 ball