Ózbekstan respublikasi joqarí HÁm orta arnawlí bilim ministrligi

II. Tiykarǵı bólim (lekciya shınıǵıwları )
II. I. Pán quramına tómendegi temalar kiredi:
1-tema. Qaraqalpaqstanda futbol oyınınıń payda bolıwı hám rawajlanıw tariyxı.
Qaraqalpaqstanda dene tárbiyası hám sporttıń rawajlanıwı Petroaleksandrovsk (Házirgi Tórtkul) qalası menen baylanıslı boldı. 1874 jılı usı jerde baslawısh mektep hám kóp uzamay sol mektep tiykarında qalalıq uchilishe dúziledi. Biraq uchilishede arnawlı qániygelerdiń bolmawı sebepli dene tárbiyası, sport hám sonıń ishinde futbol oyının eń bir ápiwayı tárizde alıp barıladı.
Qaraqalpaqstanda dene tárbiyası hám sporttıń rawajlanıwında úlken burılıs 1924 jılı júz berdi.
Respublikalıq oraylıq mámleketlik arxivinde saqlǵanan hújjetlerge qaraǵanda, 1924 jılı yanvar ayında Qaraqalpaqstan Avtonomiyalı oblastlıq atqarıw komitetiniń janında dene tárbiyası boynısha oblastlıq keńes dúziledi.
2-tema. Jarıslardı shólkemlestiriw hám ótkeriw.
Futbol jarısları oqıw-shınıǵıw jumıslarınıń tiykarǵı bólegin quraydı. Olar shınıǵıwlarda qızıgıwshılıqtı asıradı, mámlekette futboldıń ǵalabalıq rawajlanıwına járdem beredi. Futbolshı oyınlarda úzliksiz qatnaspay turıp joqarı nátiyjelerge erise almaydı. Jarıslar jarıs qatnasıwshısılarınıń hám uluwma komandanıń fizikalıq, texnikalıq, taktik hám aqıllılıq-erkinlik tayarlıqları dárejesin anıqlaydı, oqıw-shınıǵıw protsesiniń jaǵdayı hám bagdarın anıqlaw imkaniyatın beredi.
3-tema. Kóp jıllıq shınıǵıw protsessinde taktik tayarlıq
Futbolshılardıń oyın iskerligi sharayatlarında jaqsı móljel (orientir) alıw hám taktik tárepten tuwrı qarar qabıllaw qábileti kóp tárepten texnikalıq usıllardı maqsetke muwapıq túrde qóllaw, yagniy olardıń texnikalıq qurallanǵanlıǵı menen belgilenedi. Sol sebepli jas futbolshı texnikalıq usıllardı úzliksiz rawajlandırıp barıp júdá kóp muǵdardaǵı háreket kó nlikpelerin iyelep alǵanda ǵana, jaqsı taktik tayarlıqqa jetiwi múmkin. Oyinshınıń texnikalıq uqıbı yamasa sergeklikleri menen xızmetlikde, yamasa individual túrde qálegen taktik ideyaniń ámelge asırılıwın támiyinlewi kerek. Hár bir futbolshınıń taktik tárepten joqarı individual tayarlıqları pútkil komanda taktikasınıń nátiyjeli bolıwın belgilep beredi.