«Ўзкоммунхизмат» агентлиги

4-§. Танлов буюртмаларини баҳолаш
108. Танлов комиссияси танлов ҳужжатлари талабларига жавоб беради, деб топилган танлов буюртмаларини баҳолайди.
109. Танлов таклифларининг баҳоланиши танлов ҳужжатларида баён этилган мезонлар асосида амалга оширилиши керак. Айни пайтда танлов таклифларида келтирилган қўшимча техник, ташкилий ва тижорий афзалликлар, таклиф этилган нархларнинг мавжуд бозор конъюктурасига мослиги, шунингдек танлов иштирокчисининг нуфузи эътиборга олиниши мумкин.
110. Танлов таклифларини ҳар бир мезон бўйича баҳолаш турлича усулларда амалга оширилиши мумкин. Уларнинг айримлари қуйида таърифланади.
А усул. Пудратчининг таклифини ҳар бир мезон бўйича баҳолаш беш ёки ўн балли шкала асосида амалга оширилиши мумкин.
Мазкур усулнинг камчилиги шундаки, у буюртмачига (хусусий уй-жой мулкдорлари ширкати) муайян мезонларнинг (масалан, нархлар ёки ишларни бажариш муддати) алоҳида аҳамиятини эътиборга олиш имконини бермайди.
Б усул. Ҳар бир мезон турлича баллар сони билан баҳоландаи. Балларнинг максимал даражаси ушбу мезоннинг буюртмачи учун аҳамиятини ифодалайди. Масалан,

• 
  ишларнинг нархи – 15 баллгача;
  
• 
  ишларни бажариш муддати – 5 баллгача;
  
• 
  пудртачининг обрўйи - 10 баллгача ва ҳ.з.
  

В усул. Пудратчи таклифни ҳар бир мезон бўйича баҳолаш беш ёки ўн балли шкала асосида амалга оширилади. Айни пайтда ҳар бир мезонга аҳамиятлилик коэффициенти берилади (ушбу мезоннинг буюртмачи учун муҳимлиги). Ҳар бир мезон бўйича баҳолаш берилган баллни мезоннинг аҳамиятлилигига кўпайтириш орқали ҳисоблаб чиқилади.
111. Ҳар бир усул учун танлов таклифининг умумий нархи барча мезонлар бўйича баллар йиғиндиси сифатида ҳисоблаб чиқилади.
112. Танлов таклифини баҳолаш учун ҳар бир таклиф бўйича олдиндан ишлаб чиқилган мезонларга ва таклифларни баҳолаш усули бўйича алоҳида баҳолаш жадвалига мос равишда алоҳида баҳолаш жадвалини тузиш мумкин. Пудратчилар таклифни 3-усулда баҳолашга мисоллар