«zooinjeneriya» fakulteti

Albendazol (alben, valbazen, orivermin) 10 yamasa 20 % li poroshok, tabletka hámde 2,5% hám 10 % li suspenziya formasında shıǵarıladı, sonıń ushın albendazoldıń hár bir formasın qollanǵanda ondaǵı aktiv tásir etiwshi zatlar (ATZ) muǵdarın itibarǵa alıp qollaw lazım. Monieziozǵa qarsı albendazol 2,5-5 mg/kg muǵdarda (ATZ esabında), awız arqalı bir márte beriledi.
Aralaspa quramına qosıw ushın fenotiazin ornına jańa zamanagóy antigel`mint preparatlarınan paydalanıladı. Bulardan albendazol (alben, albendazol, orivermin), fenbendazol (panakur,fenkur, vermitan hám basqalar), tetramizol (nilverm, levamizol hám basqalar) sıyaqlı benzimidazollar toparına kiriwshi preparatlar tańlandı. Jańa preparatlar aralaspa quramında júdá az muǵdarda aktiv tásir etiwshi zatlar (ATZ) esabında tek ǵana 0,02 % qosıladı, fenotiazin bolsa 10% qosılar edi. Sonıń ushın jańa aralaspa ulıwma qáwipsiz esaplanadı hám joqarı nátiyjeli, keń antigel`mint tásir etiw iye.Sol sebebli jana aralaspalar bahası fenotiazinli aralaspaǵa salıstırǵanda 4-5 esege tómen, yaǵnıy arzan boladı. Joqarıdaǵılarǵa tiykarlanıp (A.O.Oripov hám basqalar ) 2002 jılda ámeliyatta qollaw ushın 3 túrdegi jańa antigel`mintli duz aralaspasın islep shıǵıp usınıs qıldı.
Bular tómendegishe:
1.Aralaspa- 10% li albendazol (albendazol, orivermin), mıs kuporosı hám as duzınan ibarat, 0,2:1:98,8 qatnasında dúzilgen;
2.Aralaspa – 20%li fenbendazol (panakur, vermitan), mıs kuporosı hám as duzınan ibarat, 0,1:1:98,9 qatnasında dúzilgen;
3.Aralaspa — 20% li tetramizol (nilverm), mıs kuporosı hám duzdan ibarat, 0,1:1:98,9 qatnasında dúzilgen aralaspa.
Aktiv tásir etiwshi zatlar (ATZ) profilaktik tásiriniń mexanizmi (tiykarı) olar organizmge túsgen gel`mint máyegi-lichinkalarınıń qonıp qalıwǵa jol qoymaydı,nátiyjede bul invazion elementler «tranzit» sıpatında shıǵıp ketedi.Bul jańa aralaspalar bir neshe qarakólshilik xojalıqlarında (Abay,Nurota,Qizilcha,Razgon,Karnabota,Sarmish,Karmana,Kattakurgon hám basqada) ámeliy sınawlardan ótkizilgen hám jaqsı nátiyje berdi
Demek, anoplocefalyatozlar, asqazan-ishek nematodozları diktiokaulyoz, hátte fasciolyoz hám basqa trematodozlarǵa qarsı profi­laktik qural sıpatında joqarıda kórsetilgen,jańa antigel`mintli duz aralaspalarınan keń kólemde paydalanıya lazım. Juwmaqlap aytqanda bul is-ilaj, qoylardıń barlıq gel`mintlerine qarsı nátiyje beredi hám qoydıń ónimdarlıǵın asıradı hámde organizmniń hár qıylı juǵımlı keselliklerge shıdamlılıǵın arttıradı..M. benedenidıń jetilgen máyekleri on hám geyde on eki múyeshtegi formada bolıp, mikroskop astında qıysıq tórtmuyeshsh - kvadrat ; geydesi bes múyesh formasında taǵa tárizlı múyeshtegi kóriniste boladı.