«zooinjeneriya» fakulteti

Fyulliborn usuli – Fyulliborn usulı menen tekseriw ushın as duzınıń toyınǵan eritpesinen paydalanamız. Bizler shelekte suwdı qaynatamız, suw qaynaǵannan soń as duzı salıp eritemiz. Hár bir litr suwǵa 350-400 gr NaCİ salınadı. Toyınǵan eritpeniń salıstırma awırlıǵı 1,18 ge teń.
Bul usıldı islew ushın arnawlı stakan alınıp oǵan 5-10 g tezek salınadı hám onıń ústine biraz NaCİ dıń toyınǵan eritpesinen salamız hám jaqsılap aralastıramız. Soń jáne as duzınıń toyınǵan eritpesi salınadı, yaǵnıy 1:20 salıstırmalı bolıwı kerek. Jáne aralastırıp, soń taza stakanda sim tor yaki marlı arqalı súziledi. Súzilgen úlgi qıymıldamaytuǵın jerde 30-40 minut qoyıladı,sońınan ótkir sımlı ilmek alınıp eritpeniń betinen bir neshe tamshı suyıqlıq alınıp, ıdıs aynasına ótkizilip, qaplaǵısh ayna menen bekitilip, mikraskopta tekseriledi.
Kalantaryan usulında as duzınıń toyınǵan eritpesi ornına natriy nitrat duzınan (NaNO3) paydalanıladı. Toyınǵan eritpeni tayarlaw ushın 1 litr suwǵa 1 kg natriy nitrat salınadı. Salıstırma awırlıǵı 1,4 ge teń. Kalantaryan usılında da sol taqilette Fyulliborn usılına uqsas tekseriledi.
Sherbovich usulı – bul usıl menen tezekti tekseriw ushın magniy sulfat duzınıń toyınǵan eritpesinen paydalanamız. 1 litr qaynap turǵan suwda 920,0 gramm magniy sulfat salınadı. Bul usıl da sol taqlette Fyulliborn usulina usas bolıp keledi.
Darling usılı – Birinshi máyeklerdi shókpege túsirip, ekinshi ret qalqıtıp shıǵaramız.
Darlńg usulı menen tekseriw ótkiziw ushın stakanǵa alıp 5-10,0 tezek salınadı. Onıń ústine taza suw quyıladı, keyninen jaqsılap aralastırıp, aralspa sımlı tor arqalı taza ıdısqa filtirlenedi hám aralaspa centrifuga probirkalariga qoyiladi. Probirka centrifugaga qoyılıp 1000 aylanba tezlikte 5 minut dawamında aylantırıladı.
Sonnan keyin probirkanı alıp suyıq bólimi tógip taslanadı, shókpesiniń ústine bolsa Darling suyıqlıǵı quyıladı (Darling suyuqlinıń quramı: as duzınıń toyınǵan eripesi hám glicirin eritpesiniń teń muǵdarındaǵı aralaspası). Sonnan keyin aralaspanı centrifugaga quyılıpb 1000 aylanba tezliginde 5 minut dawamında aylandıramız. Sonnan soń centrifuga probirkalardı ásten shtativge quyıp, sımlı ilmek penen bir neshe tamshı alıp, ıdıs aynasına ótkiziledi hám qonlagich ayna menen qaplap mikraskopta tekseriledi.