1 – Ma’ruza Mavzu: kirish. O‘zbekiston respublikasidagi agrar siyosat. Fanning maqsadi, vazifasi va oliy ta’limdagi
Download 224.04 Kb. Pdf ko'rish
|
1 - Ma’ruza
- Bu sahifa navigatsiya:
- O‘RNI. QXM TASNIFI. REJA: 1. Mashinalarni rusumlash va ularni tasniflanishi.
- Mashinalarni rusumlash va ularni tasniflanishi.
- Mashinalarni tasniflanishi
- Qishloq xo‘jaligi mashinalari fanining rivojlanish tarixi.
- Bakalavr kadrlarni tutgan o‘rni.
- Nazorat savollar
1 – Ma’ruza Mavzu: KIRISH. O‘ZBEKISTON RESPUBLIKASIDAGI AGRAR SIYOSAT. FANNING MAQSADI, VAZIFASI VA OLIY TA’LIMDAGI O‘RNI. QXM TASNIFI. REJA: 1. Mashinalarni rusumlash va ularni tasniflanishi. 2. Qishloq xo‘jaligi mashinalari fanining rivojlanish tarixi 3. Fanning vazifasi
Agrar sektorning yuksalishi O‘zbekiston iqtisodiyoti rivojlanishining asosiy omili va manbai hisoblanadi. Qishloq xo‘jaligining ulushi milliy daromadda 35% dan, eksport hajmida 60% dan ortiqroq. Agrar sohaga mamlakat yalpi mahsulotining chorak qismi to‘g‘ri keladi va bu soha bilan ishlab chiqarish va intelektual salohiyatning yarmidan ortiqrog‘i bevosita aloqador. SHuning uchun qishloq xo‘jaligini rivojlantirish hozirgi davrning o‘ta muhim vazifasidir. Bu esa ko‘p ukladli qishloq xo‘jaligi ishlab chiqarishini hisobga olgan holda uning moddiy texnika bazasini mustahkamlash bilan bog‘liq. Qishloq xo‘jaligida mashinalarni qo‘llash mehnat unumdorligini oshiradi, barcha ishlarni talablarga qat’iy rioya qilgan holda, eng maqbul muddatlarda bajarishga imkon yaratadi. Bu pirovardida mehnat va harajatlar sarfini kamayishiga olib keladi. Qishloq xo‘jaligi uchun mashinalar Mashinalar tizimiga asosan yaratiladi va qo‘llaniladi. Mashinalar tizimi ishlab chiqarishni kompleks mexanizatsiyalashning ilmiy va texnik asosi hisoblanadi.
optimal agrotexnik muddatlarda eng kam mehnat sarf qilib bajaradigan o‘zaro o‘zviy bog‘langan traktor va qishloq xo‘jaligi mashinalarining yig‘indisidir. Mashinalar tizimi, odatda, ma’lum davr uchun ishlab chiqiladi va doimiy takomillashtiriladi. Mamlakatimizning mustaqilligiga qadar oltita mashinalar tizimi qo‘llanilgan: 1955...1965 y., 1966...1970 y., 1971...1975 y., 1976...1980 y., 1981...1990 y., 1991...2000 y. 1998 yilda 1998...2000 yillarga mo‘ljallangan, so‘ngra esa 2010 yilgacha istiqbolli mashinalar tizimi ishlab chiqildi. Amaldagi mashinalar tizimi to‘rt qismdan iborat: dehqonchilik, chorvachilik, melioratsiya, o‘rmon xo‘jaligi. Davlatimiz olib borayotgan texnik siyosatga asosan tuzilgan yangi mashinalar tizimiga kiritilgan texnik vositalarga quyidagi asosiy talablar qo‘yilgan: mexanizatorlar uchun komfort ish sharoitlarini yaratish; qishloq xo‘jalik ishlarini bajarish sifatining dastlabki talablariga maksimal mehnat unumdorligi ko‘rsatkichi va yoqilg‘i iqtisodi bilan rioya qilish; texnik vositalar ishonchliligining yuqori ko‘rsatgichlarini ta’minlash; texnik vositalarni ekologiyaga mosligi, shu jumladan yurish qismlarining tuproqqa minimal ta’siri.
Mashinalarni rusumlash va ularni tasniflanishi. Amaldagi mashinalarni rusumlash ma’lum bir prinsipga asoslangan. Rusum harf va son qismlaridan iborat. Birinchisi – mashinani vazifasini, turini va ta’sir prinsipini, ikkinchisi - modelning tartibini yoki mehnat unumdorligi, qamrash kengligi va boshqa ko‘rsatgichlarini xarakterlaydi.
manbai bilan bog‘lanishi va undan foydalanishi bo‘yicha ajratilishi. Vazifasiga ko‘ra mashinalar quyidagi guruhlarga bo‘linadi: tuproqqa ishlov berish; ekish va ko‘chat o‘tqazish; o‘g‘itlash; o‘simliklarni zararkunanda va kasalliklardan himoyalash; o‘tlar va silos o‘simliklarni yig‘ish; donli, donli dukkakli, moy o‘simliklarini yig‘ish va yig‘ishdan keyin ishlov berish; makkajo‘xorini donga yig‘ish; ildiz-mevalilar va sabzavotlarni yig‘ish; meliorativ mashinalar. Har bir guruh bir nechta mashina turlaridan iborat. Mashinalar ta’sir prinsipiga asosan uzluksiz va davriy ta’sir qiladigan, energiya manbai bilan bog‘lanish bo‘yicha tirkama, yarimosma, o‘zi yurar va statsionarlarga, ishchi organini energiyadan foydalanish usuliga qarab passiv, faol (aktiv) va kombinatsiyalashgan ishchi organli mashinalarga ajratiladi. Qishloq xo‘jaligi mashinalari fanining rivojlanish tarixi. Dehqonchilik qadimiy kasb bo‘lib, u bilan bog‘liq bo‘lgan qurollar kup asrlik rivojlanish va takomillashish tarixiga ega. Ammo qishloq xo‘jalik mashinasi va qurollari to‘g‘risidagi fan nisbatan yaqinda paydo bo‘ldi. Bu ilmiy fanning yuzaga kelishi va rivojlanishi mashhur rus olimi akademik Vasiliy Proxorovich Goryachkin (1868- 1935 yil) nomi bilan bog‘langan. V.P. Goryachkinga qadar qishloq xo‘jaligi mashinalari to‘g‘risidagi fan yarim hunarmandchilik zavodlaridan chiqariladigan mashinalarning tuzilishi va konstruksiyasining o‘ziga xos xususiyatlarini o‘rganishdan iborat bo‘lgan. Qishloq xo‘jaligi mashinalarini loyihalash ilmiy asossiz «tusmol bilan», intuitiv ravishda, namunalar va xatolar usulida olib borilgan, chunki konstruktorlar hech qanday dastlabki hisoblar qilishni bilmaganlar. Akademik V.P.Goryachkin 1919 yilda chop qilingan «Dehqonchilik mexanikasi» nomli klassik asarida birinchi bo‘lib mexanika qonunlarini qishloq xo‘jaligi mashinalarining ish jarayonlarini taxlil qilishda qo‘llagan. V.P.Goryachkinning bu va keyingi ishlari, u dehqonchilik mexanikasi deb nomlagan, yangi ilmiy-amaliy texnik fanni yaratish uchun asos bo‘lib xizmat qildi. Bu fan qishloq xo‘jaligi mashinalarining maqbul konstruksiyalarini yaratish va optimal ish rejimlarini asoslash maqsadida ularni texnologik va ish jarayonlarini tadqiq qilish uchun keng imkoniyatlarni ochib berdi. Akademik V.P.Goryachkinning asarlari hozirgacha o‘zining ulkan ahamiyatini yo‘qotgani yo‘q. V.P.Goryachkinning klassik asarlari, uning davomchilari akademiklar I.I.Artobolevskiy, V.A. Jeligovskiy, N.D.Luchinskiy, I.F.Vasilenko, P.M.Vasilenko, A.N.Karpenko, M.V.Sablikov, G.E.Listopad, professorlar A.N.Gudkov, N.I.Klenin, V.A.Sakun va boshqalarning ilmiy ishlari tufayli qishloq xo‘jalik mashinalari bo‘yicha mantiqiy fan yuzaga keldi. Bu fanning rivojlanishiga O‘zbekiston olimlari ham o‘z hissalarini qo‘shdi. Ular qatoriga akademiklar M.V. Sablikov, G.M.Rudakov, A.X.Xajiev, A.D.Gluщenko, R.M.Matchanov, professorlar M.S.G‘aniev, R.I.Baymetov, A.S.Sadriddinov, A.A.Rizaev, M.T.Tashboltaev, N.X.Kulametov, A.Tuxtaqo‘ziev, M.Murodov, I.T.Ergashev va boshqalarni kiritish mumkin. Bir qator qishloq xo‘jaligi mashinalari: ikki yarusli pluglar, paxta terish, chekanka qilish, g‘o‘zapoya yig‘ish va ko‘sak terish mashinalari, pushtaolgich, paxta tozalagich, paxta seyalkalari, kulьtivatorlar va boshqa mashinalar respublikamiz olimlari va konstruktorlari tomonidan yaratilgan.
yuqori suratda zamonaviy, ayniqsa xorijiy texnikalar: pluglar, seyalkalar, don kombaynlari, paxta
terish mashinalari va boshqa
texnikalar bilan
qurollantirilmoqda. Bu texnikalar malakali texnik xizmatni talab qiladi. SHu nuqtai nazardan agrosanoat korxonalari uchun qipshloq xo‘jaligini mexanizatsiyalash yo‘nalishi bo‘yicha yuqori malakali bakalavr kadrlarni tayyorlashga e’tibor kuchaymoqda. Bakalavrlarni qishloq xo‘jaligi ishlab chiqarishi jarayonlarini kompleks mexanizatsiyalash bo‘yicha amaliy vazifalarni echishda tutgan o‘rni o‘ta muhim.
Fanning vazifasi. Qishloq xo‘jaligida muhandislik-texnik xizmatni va mashinalardan samarali foydalanishni to‘g‘ri va maqbul tashkil qilish uchun bakalavrlarga qishloq xo‘jaligi mashinalari konstruksiyasi va ish jarayonlari nazariyasi bo‘yicha chuqur bilim, ishlov beriladigan materialni o‘zgarib turadigan xossalari va holatiga bog‘liq ravishda bu mashinalarni optimal ish tartibiga sozlash bo‘yicha maxorat kerak. SHuning uchun «Qishloq xo‘jaligi mashinalari» fanining vazifasi qishloq xo‘jaligi mashinalarining tuzilishi va ish jarayonlari hamda ularni nazariyasi va texnologik hisoblari bo‘yicha kerakli ma’lumotlarni berishdan iborat. Mashinalarni takomillashishi tufayli rusumlarini tez o‘zgarib turishi, ammo ularning ta’sir prinsiplari ko‘p yillar davomida jiddiy o‘zgarishlarsiz qolishini hisobga olgan holda darslikda rusumlar bo‘yicha mashinalarning konstruksiyasini tavsifi keltirilmagan va, asosan eng istiqbollilarining tayanch modellari keltirilib, ular texnologik jarayonlari bo‘yicha tartibga solingan. Ushbu fanni bakalavrlar o‘rganishi uchun ularga agronomiya asoslari, tuproqshunoslik, chizma geometriya, nazariy mexanika, mexanizm va mashinalar nazariyasi, materiallar qarshiligi, mashina detallari, metallar texnologiyasi kabi fanlardan bilim talab qilinadi.
Nazorat savollar
2. Qishloq xo‘jaligi mashinalari fanining rivojlanish tarixi haqida tushuncha bering. 3. Fanning vazifasi haqida tushuncha bering. Download 224.04 Kb. Do'stlaringiz bilan baham: |
ma'muriyatiga murojaat qiling