1. Odil sudlov. Huquq-tartibotni muhofaza qilish



[OKOZ:

1.17.00.00.00 Odil sudlov / 17.02.00.00 Sud tizimi / 17.02.11.00 Harbiy sudlar;

2.17.00.00.00 Odil sudlov / 17.02.00.00 Sud tizimi / 17.02.14.00 Sudyalar malaka hay’atlari;

3.17.00.00.00 Odil sudlov / 17.02.00.00 Sud tizimi / 17.02.17.00 Sudyalarning malaka darajasi]

[TSZ:

1.Odil sudlov. Huquq-tartibotni muhofaza qilish. Adliya / Umumiy masalalar]

O‘zbekiston Respublikasi Oliy Majlisining
Qarori
Sudyalarning malaka hay’atlari to‘g‘risidagi, sudyalarning malaka darajalari to‘g‘risidagi, sud xodimlarining mansab darajalari to‘g‘risidagi, harbiy sudlar faoliyatini tashkil etish to‘g‘risidagi nizomlarga o‘zgartishlar va qo‘shimchalar kiritish haqida
LexUZ sharhi
Mazkur qaror O‘zbekiston Respublikasining 2021-yil 28-iyuldagi O‘RQ-703-sonli “Sudlar to‘g‘risida”gi Qonuniga asosan o‘z kuchini yo‘qotgan.
“Sudlar to‘g‘risida”gi O‘zbekiston Respublikasi Qonuniga muvofiq O‘zbekiston Respublikasi Oliy Majlisi qaror qiladi:
O‘zbekiston Respublikasi Oliy Kengashining 1993-yil 2-sentabrdagi “Sudyalarning malaka hay’atlari to‘g‘risidagi, Sudyalarning malaka darajalari to‘g‘risidagi, Sud xodimlarining mansab darajalari to‘g‘risidagi, Harbiy sudlar faoliyatini tashkil etish to‘g‘risidagi Nizomlarni tasdiqlash haqida”gi (O‘zbekiston Respublikasi Oliy Kengashining Axborotnomasi, 1993-yil, № 10, 370-modda) qarori bilan tasdiqlangan Sudyalarning malaka hay’atlari to‘g‘risidagi, Sudyalarning malaka darajalari to‘g‘risidagi, Sud xodimlarining mansab darajalari to‘g‘risidagi, Harbiy sudlar faoliyatini tashkil etish to‘g‘risidagi nizomlarga o‘zgartishlar va qo‘shimchalar kiritilib, ularning yangi tahriri tasdiqlansin (ilova qilinmoqda).
O‘zbekiston Respublikasi Oliy Majlisining Raisi E. XALILOV
Toshkent sh.,
2000-yil 14-dekabr,
164-II-son
O‘zbekiston Respublikasi Oliy
Majlisining 2000-yil 14-dekabrdagi
164-II-sonli qarori bilan tasdiqlangan
Sudyalarning malaka hay’atlari to‘g‘risida
NIZOM
I. Sudyalarning malaka hay’atlarini saylash tartibi, ularning faoliyatini tashkil etish va vakolatlari
1. “Sudlar to‘g‘risida”gi O‘zbekiston Respublikasi Qonuniga muvofiq sudyalarning malaka hay’atlari sudya kadrlar bilan ishlashda demokratik asoslarni kuchaytirish, munosib nomzodlar ko‘rsatish hamda sudyalar mustaqilligi kafolatlarini kuchaytirish maqsadida tuziladi.
2. Umumiy yurisdiksiya sudlari sudyalarining oliy malaka hay’ati (bundan buyon matnda Sudyalar oliy malaka hay’ati deb yuritiladi) O‘zbekiston Respublikasi Oliy sudi Plenumi tomonidan O‘zbekiston Respublikasi Oliy sudi raisining taqdimnomasiga binoan O‘zbekiston Respublikasi Oliy sudi sudyalari orasidan besh yil muddatga saylanadi.
Xo‘jalik sudlari sudyalarining malaka hay’ati O‘zbekiston Respublikasi Oliy xo‘jalik sudi Plenumi tomonidan O‘zbekiston Respublikasi Oliy xo‘jalik sudi raisining taqdimnomasiga binoan xo‘jalik sudlari sudyalari orasidan besh yil muddatga saylanadi.
Fuqarolik va jinoyat ishlari bo‘yicha Qoraqalpog‘iston Respublikasi, viloyatlar va Toshkent shahar sudlari sudyalarining malaka hay’atlari tegishli sudlar sudyalarining konferensiyalarida, harbiy sudlar sudyalarining malaka hay’atlari esa, harbiy sudlar sudyalarining konferensiyalarida tegishli sudlar raislarining taqdimnomasiga binoan besh yil muddatga saylanadi.
3. Sudyalar malaka hay’atlari a’zolarining soni ularning ish hajmiga qarab belgilanadi, ammo sudyalar malaka hay’ati raisi va uning o‘rinbosarlari bilan birgalikda to‘qqiz kishidan oshib ketmasligi kerak.
4. Sudyalarning malaka hay’atlari o‘z faoliyati to‘g‘risida o‘zlarini saylab qo‘ygan organlarga bir yilda kamida bir marta axborot beradilar.
5. Sudyalar oliy malaka hay’ati; Xo‘jalik sudlari sudyalarining malaka hay’ati:
1) O‘zbekiston Respublikasi Oliy sudi sudyaligiga, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, shuningdek O‘zbekiston Respublikasi Harbiy sudi raisligi va rais o‘rinbosarligiga, xo‘jalik sudi sudyaligiga nomzodlarning bu lavozimlarda ishlashga tayyorligini baholaydi;
2) O‘zbekiston Respublikasi Oliy sudi sudyalarining, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, O‘zbekiston Respublikasi Harbiy sudi raislari va rais o‘rinbosarlarining, shuningdek xo‘jalik sudlari sudyalarining vaqti-vaqti bilan malaka attestatsiyasini o‘tkazib turadi;
3) sudyalarga malaka darajalari beradi;
4) O‘zbekiston Respublikasi Oliy sudi sudyalarining, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, O‘zbekiston Respublikasi Harbiy sudi raislari va rais o‘rinbosarlarini, shuningdek xo‘jalik sudlari sudyalarini ma’muriy javobgarlikka tortishga rozilik berish masalasini ko‘radi;
5) O‘zbekiston Respublikasi Oliy sudi sudyalarining, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, O‘zbekiston Respublikasi Harbiy sudi raislari va rais o‘rinbosarlarining, shuningdek xo‘jalik sudi sudyalarining intizomiy javobgarligi to‘g‘risidagi ishlarni ko‘radi;
6) O‘zbekiston Respublikasi Oliy sudi sudyalarining, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, O‘zbekiston Respublikasi Harbiy sudi raislari va rais o‘rinbosarlarining, shuningdek xo‘jalik sudi sudyalarining vakolatlarini to‘xtatish to‘g‘risida qaror qabul qiladi;
7) sudyaning vakolatlarini muddatidan ilgari tugatish haqida xulosa beradi.
Sudyalar oliy malaka hay’ati fuqarolik va jinoyat ishlari bo‘yicha sudlar, shuningdek harbiy sudlar sudyalarining malaka hay’atlari qarorlari ustidan berilgan taqdimnoma va shikoyatlarni ham ko‘radi.
6. Fuqarolik va jinoyat ishlari bo‘yicha Qoraqalpog‘iston Respublikasi, viloyatlar va Toshkent shahar sudlari, shuningdek harbiy sudlar sudyalarining malaka hay’atlari:
1) Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyaligiga nomzodlarning shu lavozimlarda ishlashga tayyorligini baholaydi;
2) Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalarining vaqti-vaqti bilan malaka attestatsiyasini o‘tkazib turadi;
3) Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalarini ma’muriy javobgarlikka tortishga rozilik berish masalasini ko‘radi;
4) Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalarining intizomiy javobgarligi to‘g‘risidagi ishlarni ko‘radi;
5) Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, shuningdek harbiy sudlar sudyalarining vakolatlarini to‘xtatish to‘g‘risida qaror qabul qiladi;
6) sudyaning vakolatlarini muddatidan ilgari tugatish haqida xulosa beradi.
7) sudyalarning zaxirasini shakllantiradi.
7. Sudyalar malaka hay’atlarining majlislari zaruriyatga qarab o‘tkaziladi.
Sudyalar malaka hay’ati o‘z zimmasiga yuklatilgan vakolatlarni hay’at a’zolarining yarmidan kam bo‘lmagan tarkibida amalga oshiradi.
Sudyalar malaka hay’atining majlisini tayyorlash sudyalar malaka hay’atining raisi yoki uning topshirig‘iga binoan rais o‘rinbosari yoxud sudyalar malaka hay’atining a’zolaridan biri tomonidan ta’minlanadi.
Sudyalar malaka hay’atining majlisi tegishli taqdimnoma yoki intizomiy javobgarlik to‘g‘risidagi ish sudyalarning malaka hay’atiga kelib tushgan kundan boshlab bir oy muddat ichida o‘tkazilishi lozim.
Sudyalar malaka hay’atining raisi majlis o‘tkaziladigan vaqt va joyni belgilaydi, ko‘rilayotgan masalaga aloqador bo‘lgan shaxslar bu haqda oldindan xabardor qilinadi.
Sudyalar malaka hay’atlari o‘z vakolatlarini amalga oshirish uchun zarur bo‘lgan ma’lumotlarni sudlar, O‘zbekiston Respublikasi Adliya vazirligi huzuridagi maxsus vakolatli organ, boshqa davlat organlari va jamoat birlashmalari rahbarlaridan, shuningdek mansabdor shaxslar va fuqarolardan talab qilib olish huquqiga ega.
8. Sudyalar malaka hay’atining majlisiga raislik qiluvchi majlisni belgilangan vaqtda ochadi, qanday masala ko‘rilajagini hamda sudyalar malaka hay’atining tarkibini e’lon qiladi.
Sudyalar malaka hay’atining majlisda ishtirok etayotgan a’zosi o‘zini o‘zi rad etishi mumkin, sudyalar malaka hay’atining majlisida masalasi ko‘rilishi kerak bo‘lgan sudya yoki sudyalikka nomzod esa sudyalar malaka hay’atining a’zolarini rad etishga haqli.
O‘zini o‘zi rad etish yoki sudyalar malaka hay’atining a’zosini rad etish masalasi yopiq maslahatlashuvda hal etiladi.
Masalani ko‘rish raislik qiluvchining yoki sudyalar malaka hay’atning taqdim etilgan hujjatlar va materiallarni oldindan o‘rganib chiqqan a’zolaridan birining ma’ruzasi bilan boshlanadi. Sudyalar malaka hay’ati vakolatlariga taalluqli va hal etilishi lozim bo‘lgan masalalarning mohiyatiga qarab, hay’at majlisiga taklif qilingan shaxslarning fikri eshitiladi, zarur hujjat va materiallar tahlil qilinadi, so‘ngra sudyalar malaka hay’ati o‘z xulosasini beradi yoki tegishli qaror qabul qiladi. Sudyalar malaka hay’atining majlisida bayonnoma yuritiladi va u raislik qiluvchi hamda sudyalar malaka hay’atining kotibi tomonidan imzolanadi.
9. Qaror yoki xulosa shu majlisda ishtirok etgan sudyalar malaka hay’ati a’zolarining ko‘pchilik ovozi bilan yopiq maslahatlashuvda qabul qilinib, chiqarilgan xulosa bayon etilgan holda ular tomonidan imzolanadi va o‘qib eshittiriladi.
Sudyalar malaka hay’atining ish bo‘yicha qabul qilingan qarorga rozi bo‘lmagan a’zosi sudyalar malaka hay’atining qaroriga imzo qo‘yadi va o‘zining alohida fikrini yozma ravishda bildiradi, bu fikr majlis bayonnomasiga qo‘shib qo‘yiladi.
10. Sudyalarning malaka hay’ati sudyalarning ma’muriy va intizomiy javobgarligi to‘g‘risidagi hamda ularning vakolatlarini to‘xtatib turish haqidagi masalalar ko‘rilganda qaror chiqaradi, boshqa masalalar ko‘rilganda esa xulosa beradi.
11. Sudyalar malaka hay’atining qarori yoki xulosasida quyidagilar ko‘rsatilishi kerak: sudyalar malaka hay’atining nomi, uning tarkibi, ish ko‘rilgan joy va vaqt; ishi ko‘rilayotgan sudyaning familiyasi, ismi, otasining ismi va mansabi; taqdimnoma kiritgan yoki intizomiy javobgarlik to‘g‘risida ish qo‘zg‘atgan shaxsning mansabi va familiyasi; ish holatlari; sudyaning tushuntirishlari va uning shaxsini tavsiflovchi ma’lumotlar; qabul qilingan qaror yoki xulosaning daliliy asoslari; belgilangan intizomiy jazo chorasi yoki intizomiy javobgarlik to‘g‘risidagi ishni tugatish asoslari; qaror (xulosa) ustidan shikoyat qilish tartibi va muddatlari.
12. Sudyalar oliy malaka hay’atining, shuningdek Xo‘jalik sudlari sudyalari malaka hay’atining qaror va xulosalari ustidan shikoyat qilinmaydi.
Sudyalarning boshqa malaka hay’atlari qarorlari va xulosalari ustidan qaror yoki xulosa qaysi sudya xususida chiqarilgan bo‘lsa, shu sudya, shuningdek taqdimnoma kiritgan yoki intizomiy javobgarlik to‘g‘risida ish qo‘zg‘atgan shaxs Sudyalar oliy malaka hay’atiga shikoyat qilishi mumkin.
Masalani qayta ko‘rish to‘g‘risidagi shikoyat yoki taqdimnoma qaror qabul qilingan yoki xulosa chiqarilgan kundan boshlab bir oy muddat ichida qaror yoki xulosa chiqargan sudyalar malaka hay’ati orqali beriladi.
Shikoyat yoki taqdimnoma tushishi bilanoq material zudlik bilan Sudyalar oliy malaka hay’atiga yuborilishi lozim.
13. Sudyalar oliy malaka hay’ati shikoyat yoki taqdimnoma bilan kelgan materialni bir oy muddat ichida ko‘rib chiqadi Sudyalar oliy malaka hay’ati:
qaror yoki xulosani o‘zgarishsiz, shikoyat yoki taqdimnomani esa qanoatlantirishsiz qoldirishga;
qaror yoki xulosani bekor qilish va materialni yangidan ko‘rish uchun yuborishga;
qaror yoki xulosani bekor qilish va materialni o‘z ish yuritishiga olishga;
qarorni bekor qilish va intizomiy javobgarlik to‘g‘risidagi ishni tugatishga;
qarorni o‘zgartirish va sudyaga boshqa intizomiy jazo chorasi qo‘llashga haqlidir.
Sudyalar oliy malaka hay’atining va Xo‘jalik sudlari sudyalari malaka hay’atining qarori yoki xulosasi tegishli ravishda O‘zbekiston Respublikasi Oliy sudi raisiga va O‘zbekiston Respublikasi Oliy xo‘jalik sudi raisiga, umumiy yurisdiksiya quyi sudlarining sudyalariga taalluqli masalalar bo‘yicha esa, O‘zbekiston Respublikasi Adliya vazirligi huzuridagi maxsus vakolatli organga, fuqarolik va jinoyat ishlari bo‘yicha Qoraqalpog‘iston Respublikasi, viloyatlar va Toshkent shahar sudlari, harbiy sudlar sudyalari malaka hay’atlarining qarorlari yoki xulosalari O‘zbekiston Respublikasi Adliya vazirligi huzuridagi maxsus vakolatli organga, tegishli sudlarning rahbarlariga, shuningdek qaror yoki xulosa qaysi sudya xususida chiqarilgan bo‘lsa, shu sudyaga besh kunlik muddat ichida yuboriladi. Mazkur malaka hay’atlarining qarorlari yoki xulosalari ana shu muddat mobaynida O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga yuboriladi.
II. Malaka imtihoni o‘tkazish
14. Quyidagilarning:
O‘zbekiston Respublikasi Oliy sudi sudyaligiga nomzodlarning malaka imtihoni hamda ularning shu lavozimda ishlashga tayyorligini baholash — O‘zbekiston Respublikasi Oliy sudi raisi taqdim etgan materiallar asosida Sudyalar oliy malaka hay’ati tomonidan;
Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, O‘zbekiston Respublikasi Harbiy sudi raisligi va rais o‘rinbosarligiga nomzodlarning malaka imtihoni hamda ularning shu lavozimda ishlashga tayyorligini baholash — O‘zbekiston Respublikasi Adliya vazirligi huzuridagi maxsus vakolatli organ taqdim etgan materiallar asosida Sudyalar oliy malaka hay’ati tomonidan;
Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, O‘zbekiston Respublikasi Harbiy sudi sudyaligiga nomzodlarning malaka imtihoni hamda ularning shu lavozimda ishlashga tayyorligini baholash — mazkur sudlarning raislari taqdim etgan materiallar asosida sudyalarning tegishli malaka hay’atlari tomonidan;
fuqarolik ishlari bo‘yicha tumanlararo, tuman (shahar) sudlari jinoyat ishlari bo‘yicha tuman (shahar) sudlari sudyaligiga nomzodlarning malaka imtihoni hamda ularning shu lavozimda ishlashga tayyorligini baholash — O‘zbekiston Respublikasi Adliya vazirligi huzuridagi maxsus vakolatli organ taqdim etgan materiallar asosida sudyalarning tegishli malaka hay’ati tomonidan;
okrug va hududiy harbiy sudlar sudyaligiga nomzodlarning malaka imtihoni va ularning shu lavozimda ishlashga tayyorligini baholash— O‘zbekiston Respublikasi Adliya vazirligi huzuridagi maxsus vakolatli organ taqdim etgan materiallar asosida harbiy sudlar sudyalarining malaka hay’ati tomonidan;
xo‘jalik sudlari sudyaligiga nomzodlarning malaka imtihoni va ularning shu lavozimda ishlashga tayyorligini baholash — O‘zbekiston Respublikasi Oliy xo‘jalik sudi raisining taqdimnomasiga binoan xo‘jalik sudlari sudyalarining malaka hay’ati tomonidan o‘tkaziladi.
15. Sudyalikka nomzodning malaka imtihoni u bilan suhbat o‘tkazish, og‘zaki savol-javoblar, ro‘yxati sudyalarning tegishli malaka hay’ati majlisida tasdiqlanadigan amaliy masalalarni hal etishdan iborat bo‘ladi.
16. Sudyalarning malaka hay’ati sudyalikka nomzodning malaka imtihonidan o‘tgan yoki o‘tmaganligi to‘g‘risida xulosa beradi. Malaka imtihonini topshira olmagan sudyalikka nomzod kamida bir yildan keyin qaytadan imtihonga qo‘yilishi mumkin.
17. Sudyalar malaka hay’atining nomzodni yuqori sudyalik lavozimiga tavsiya etish mumkinligi haqidagi xulosasi tegishli sud raisi taqdim etgan materiallar asosida beriladi.
18. Sudyalar malaka hay’atining raisi nomzodning yoki sudyaning tayyorligi haqidagi masalaga oid xulosani materialni taqdim etgan sud rahbariga yoki O‘zbekiston Respublikasi Adliya vazirligi huzuridagi maxsus vakolatli organga yuboradi.
19. Fuqarolik ishlari bo‘yicha tumanlararo, tuman (shahar) sudlarining, jinoyat ishlari bo‘yicha tuman (shahar) sudlarining, shuningdek Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar va Toshkent shahar sudlarining, harbiy sudlarning vakolatlari muddati tugayotgan sudyalariga nisbatan ularning nomzodini yangi muddatga ko‘rsatish to‘g‘risidagi masala sudyalarning tegishli malaka hay’ati tomonidan ko‘riladi. Sudyalar malaka hay’atlarining mazkur shaxslarning o‘z lavozimiga munosibligi yoki munosib emasligi xususidagi hamda ularni yangi muddatga tayinlash mumkinligi haqidagi xulosasi O‘zbekiston Respublikasi Adliya vazirligi huzuridagi maxsus vakolatli organga yuboriladi, bu organ taqdim etilgan materiallarni o‘rganib chiqqanidan keyin ularni o‘zi tayyorlagan xulosa bilan birga O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga yuboradi.
III. Sudyalarni malaka attestatsiyasidan o‘tkazish va ularga malaka darajalari berish tartibi
20. Sudyalarning malaka attestatsiyasi “Sudlar to‘g‘risida”gi O‘zbekiston Respublikasi Qonuniga muvofiq hamda sudyalar sifat tarkibini yaxshilash, ularning kasb malakasi oshishiga baho berish va rag‘batlantirish, odil sudlovni amalga oshirish borasidagi mas’uliyatini oshirish maqsadida o‘tkaziladi.
21. Malaka attestatsiyasi:
O‘zbekiston Respublikasi Oliy sudi sudyalari, Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar va Toshkent shahar sudlarining, O‘zbekiston Respublikasi Harbiy sudining raislari va rais o‘rinbosarlariga nisbatan — O‘zbekiston Respublikasi Oliy sudi raisining taqdimnomasiga binoan Sudyalar oliy malaka hay’ati tomonidan;
Qoraqalpog‘iston Respublikasi fuqarolik va jinoyat ishlari bo‘yicha oliy sudlarining, fuqarolik va jinoyat ishlari bo‘yicha viloyatlar va Toshkent shahar sudlarining, fuqarolik ishlari bo‘yicha tumanlararo, tuman (shahar) sudlarining, jinoyat ishlari bo‘yicha tuman (shahar) sudlarining sudyalariga nisbatan — Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari raislarining taqdimnomasiga binoan sudyalarning tegishli malaka hay’ati tomonidan;
O‘zbekiston Respublikasi Harbiy sudining, okrug va hududiy harbiy sudlarning sudyalariga nisbatan — O‘zbekiston Respublikasi Harbiy sudi raisining taqdimnomasiga binoan harbiy sudlar sudyalarining malaka hay’ati tomonidan;
xo‘jalik sudlari sudyalariga nisbatan — O‘zbekiston Respublikasi Oliy xo‘jalik sudi raisining taqdimnomasiga binoan Xo‘jalik sudlari sudyalarining malaka hay’ati tomonidan o‘tkaziladi.
22. Birinchi marta sudyalik lavozimiga saylangan (tayinlangan) shaxslarning malaka attestatsiyasi ular ish faoliyatining dastlabki uch oyi ichida o‘tkazilishi kerak.
Sudyalarning navbatdagi malaka attestatsiyasi ularga berilgan malaka darajasida bo‘lish muddati tamom bo‘lgan kundan e’tiboran bir oydan kechiktirmay o‘tkaziladi.
Sudyaga muddatidan oldin yuqoriroq malaka darajasi berish uchun unga avval berilgan malaka darajasida bo‘lish muddatining yarmi o‘tganidan keyingina navbatdagi malaka attestatsiyasi o‘tkazilishi mumkin.
23. Malaka attestatsiyasidan o‘tkazilishi lozim bo‘lgan sudyaga attestatsiya o‘tkazishdan kamida bir oy oldin uning kasb faoliyatiga, ishchanlik va axloqiy jihatlariga baho berilgan tavsifnoma hamda ishi haqidagi ma’lumotnoma tayyorlanadi.
Tegishli sudning rahbari sudyani u haqda tayyorlangan tavsifnoma va ma’lumotnoma bilan malaka attestatsiyasi o‘tkazish to‘g‘risidagi materiallarni sudyalarning tegishli malaka hay’atiga yuborishdan oldin tanishtirishi lozim.
Malaka attestatsiyasi o‘tkaziladigan vaqt haqida sudyaga kamida ikki hafta oldin xabar qilinishi kerak.
24. Malaka attestatsiyasi taqdimnoma tushgan kundan boshlab bir oy ichida, qoida tariqasida, attestatsiyadan o‘tuvchi sudyaning ishtirokida o‘tkaziladi.
Taqdimnoma kiritgan sudning rahbari sudyalar malaka hay’atining majlisida ishtirok etishi mumkin.
25. Sudyani malaka attestatsiyasidan o‘tkazish raislik qiluvchining yoki sudyalar malaka hay’atining taqdim qilingan hujjat va materiallarni oldindan o‘rganib chiqqan a’zolaridan birining ma’ruzasi bilan boshlanadi. Shundan so‘ng attestatsiyadan o‘tuvchining, zarur hollarda esa, sudyani attestatsiyadan o‘tkazish to‘g‘risida taqdimnoma yuborgan mansabdor shaxsning fikri eshitiladi.
26. Sudyalarning malaka hay’ati sudyaning kasbiy bilim darajasi, ishchanlik jihatlari, ish staji va tajribasi, egallab turgan lavozimiga qarab quyidagi xulosalardan birini beradi:
sudyaga taqdimnomada ko‘rsatilgan malaka darajasi berish mumkinligi to‘g‘risida;
sudyaga yuqoriroq malaka darajasi berish mumkinligi to‘g‘risida;
sudyani ilgari berilgan malaka darajasida qoldirish to‘g‘risida.
Sudyalar malaka hay’atining xulosasi malaka attestatsiyasi materiallari bilan birgalikda Sudyalar oliy malaka hay’atiga yuboriladi.
27. Sudyalar oliy malaka hay’ati sudyaga malaka darajasi berish to‘g‘risidagi masalani sudyalarning malaka hay’ati chiqargan xulosa bilan bog‘liq bo‘lmagan holda hal etadi.
28. Xo‘jalik sudlari sudyalarining malaka hay’ati xo‘jalik sudlarining sudyalariga malaka darajalarini umumiy yurisdiksiya sudlarining sudyalariga beriladigan tartibda beradi.
29. Sudyaga malaka darajasi berilganligi to‘g‘risida guvohnoma beriladi. Sudyalar tegishli malaka hay’atining malaka darajasi berish to‘g‘risidagi qarori O‘zbekiston Respublikasi Oliy sudi yoki O‘zbekiston Respublikasi Oliy xo‘jalik sudi matbuot organlarida e’lon qilinadi, shuningdek sudyaning shaxsiy ishiga qo‘shib qo‘yiladi.
IV. Sudyalarning intizomiy javobgarligi haqidagi ishlarni ko‘rish tartibi
30. “Sudlar to‘g‘risida”gi O‘zbekiston Respublikasi Qonunining 73-moddasiga muvofiq sudya:
odil sudlovni amalga oshirish chog‘ida qonunchilikni buzganligi uchun;
sud ishini tashkil etishdagi beparvoligi yoki intizomsizligi oqibatida yo‘l qo‘ygan kamchiliklari uchun, shuningdek xizmat borasidagi yoki obro‘siga putur yetkazadigan boshqa xatti-harakati uchun faqat sudyalar malaka hay’atining qaroriga asosan intizomiy javobgarlikka tortilishi mumkin.
Harbiy sudning sudyasi harbiy intizomni buzganligi uchun ham intizomiy javobgarlikka tortilishi mumkin.
Sud qarorining bekor qilinishi yoki o‘zgartirilishining o‘zi sud qarorini chiqarishda qatnashgan sudyaning, agar u ataylab qonun buzilishiga yoki jiddiy oqibatlarga olib kelgan vijdonsizlikka yo‘l qo‘ymagan bo‘lsa, javobgar bo‘lishiga sabab bo‘lmaydi.
31. Sudyalar oliy malaka hay’ati:
O‘zbekiston Respublikasi Oliy sudi sudyalarining;
Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari raislari va rais o‘rinbosarlarining;
O‘zbekiston Respublikasi Harbiy sudi raisi va rais o‘rinbosarlarining intizomiy javobgarligi haqidagi ishlarni ko‘radi.
Fuqarolik va jinoyat ishlari bo‘yicha Qoraqalpog‘iston Respublikasi, viloyatlar va Toshkent shahar sudlari sudyalarining malaka hay’atlari sudyalarning intizomiy javobgarligi haqidagi ishlarni o‘z vakolatlari doirasida ko‘radilar.
Harbiy sudlar sudyalarining malaka hay’ati harbiy sudlar sudyalarining intizomiy javobgarligi haqidagi ishlarni o‘z vakolatlari doirasida ko‘radi.
Xo‘jalik sudlari sudyalarining malaka hay’ati xo‘jalik sudlari sudyalarining intizomiy javobgarligi haqidagi ishlarni ko‘radi.
32. Intizomiy javobgarlik to‘g‘risida ish qo‘zg‘atish huquqiga quyidagilar ega:
O‘zbekiston Respublikasi Oliy sudi raisi — umumiy yurisdiksiya sudlari sudyalariga nisbatan;
Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari raislari — shu sudlar sudyalari, fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari sudyalariga nisbatan;
O‘zbekiston Respublikasi Harbiy sudi raisi — shu sud sudyalariga hamda okrug va hududiy harbiy sudlar sudyalariga nisbatan;
O‘zbekiston Respublikasi Oliy xo‘jalik sudi raisi — xo‘jalik sudlari sudyalariga nisbatan.
33. Intizomiy javobgarlik to‘g‘risida ish qo‘zg‘atish haqida tegishli sudlarning rahbarlari qaror chiqaradilar, unda intizomiy javobgarlik to‘g‘risida ish qo‘zg‘atishga sabab bo‘lgan asoslar ko‘rsatilishi shart.
Intizomiy javobgarlik to‘g‘risida ish qo‘zg‘atgan shaxs sudyani javobgarlikka tortish asoslariga taalluqli ma’lumotlarni oldindan tekshiradi va undan yozma tushuntirish talab qiladi.
Ustidan ish qo‘zg‘atilgan sudya intizomiy javobgarlik to‘g‘risidagi ish materiallari bilan bu materiallarni sudyalar malaka hay’atiga yuborishdan oldin tanishtirilishi shart. Bunda sudya qo‘shimcha tushuntirishlar taqdim etishga yoki qo‘shimcha tekshiruv o‘tkazishni talab qilishga haqli.
Intizomiy javobgarlik to‘g‘risida ish qo‘zg‘atish haqidagi qaror zarur materiallar bilan birga sudyalarning tegishli malaka hay’atiga ko‘rib chiqish uchun yuboriladi.
34. Intizomiy javobgarlik to‘g‘risida ish qo‘zg‘atish haqidagi qaror uni qo‘zg‘atgan shaxs tomonidan ishni sudyalar malaka hay’atida ko‘rib chiqish boshlangunga qadar chaqirib olinishi mumkin.
O‘ziga nisbatan intizomiy javobgarlik to‘g‘risida ish qo‘zg‘atish haqidagi qaror chaqirib olinayotgan sudya ishni mazmunan ko‘rib chiqishni sudyalarning malaka hay’atidan talab qilishga haqli.
35. Sudya, nojo‘ya xatti-harakat qilganligi aniqlangan kundan boshlab xizmat tekshiruvlariga ketgan vaqt, sudyaning uzrli sabablarga ko‘ra ishda bo‘lmagan vaqti hamda sudyalarning malaka hay’atida intizomiy javobgarlik to‘g‘risidagi ishni ko‘rib chiqishga ketgan vaqtni hisoblamaganda, kechi bilan bir oy ichida, ammo nojo‘ya xatti-harakat sodir etilgan kundan e’tiboran esa, kechi bilan olti oy ichida intizomiy jazoga tortilishi mumkin.
36. Zarur hollarda, ishni ko‘rib chiqish boshlangunga qadar sudyani intizomiy javobgarlikka tortish asoslari qo‘shimcha ravishda tekshiriladi, bunday tekshirishni o‘tkazishni sudyalar malaka hay’atining raisi sudyalar malaka hay’ati a’zolaridan biriga topshiradi. Bunda qo‘shimcha hujjat va materiallar, shuningdek ko‘rib chiqish chog‘ida sudya qonun buzilishiga yo‘l qo‘ygan sudlar ishlari ham talab qilib olinishiga yo‘l qo‘yiladi.
37. Sudyalarning tegishli malaka hay’ati quyidagi qarorlardan birini chiqarishi mumkin:
intizomiy jazo chorasi qo‘llash to‘g‘risida;
intizomiy javobgarlik to‘g‘risidagi ishni tugatish to‘g‘risida;
intizomiy javobgarlik to‘g‘risidagi ish materiallarini sudyaning vakolatlarini muddatidan ilgari tugatish masalasini qo‘zg‘atish huquqiga ega bo‘lgan organlarga yuborish haqida.
Agar sudyalarning tegishli malaka hay’ati tomonidan sudyaning vakolatlarini muddatidan ilgari tugatish masalasi oldiga qo‘yilgan organ yoki mansabdor shaxs bunga asos yo‘q deb topsa, intizomiy javobgarlik to‘g‘risidagi ish sudyalarning malaka hay’atiga qaytariladi va ish yuritish qaytadan boshlanadi. Dastlabki qaror chiqqan kundan ishni qaytargunga qadar o‘tgan vaqt intizomiy javobgarlikka tortish muddatlariga kirmaydi.
38. Sudyalarning tegishli malaka hay’ati quyidagi intizomiy jazo choralaridan birini qo‘llashi mumkin:
hayfsan;
jarima.
Jazo qo‘llanayotganida qoidabuzarlikning xususiyati va uning oqibatlari, nojo‘ya xatti-harakatning og‘ir-yengilligi, sudyaning shaxsi, uning aybdorlik darajasi hisobga olinadi.
39. Sudyalarning tegishli malaka hay’ati:
sudya intizomiy javobgarlikka asossiz tortilgan bo‘lsa;
ushbu Nizomning 35-bandida nazarda tutilgan intizomiy javobgarlikka tortish muddatlari o‘tkazib yuborilgan bo‘lsa;
intizomiy javobgarlik to‘g‘risidagi ishni majlisda muhokama etish bilangina chegaralanib, intizomiy jazoni qo‘llashni maqsadga muvofiq emas deb topsa, intizomiy javobgarlik to‘g‘risidagi ishni tugatadi.
V. Sudyaning vakolatlarini to‘xtatish
40. “Sudlar to‘g‘risida”gi O‘zbekiston Respublikasi Qonunining 71-moddasiga muvofiq, sudyaning vakolatlari quyidagi hollarda sudyalarning malaka hay’ati qarori bilan to‘xtatiladi, agar:
sudya o‘z lavozimiga zid faoliyat bilan shug‘ullanayotgan bo‘lsa;
sudya tibbiy yo‘sindagi majburlov choralariga tortilgan yoki sud qarori bilan uning muomala layoqati cheklangan bo‘lsa;
sudya sud qarori bilan bedarak yo‘qolgan deb topilgan bo‘lsa.
Sudyalarning tegishli malaka hay’ati sudyaning vakolatlarini to‘xtatishga sabab bo‘lgan asoslar bekor bo‘lgunga qadar uning vakolatlarini to‘xtatib turadi, ushbu asoslar bekor bo‘lganidan keyin esa sudyaning vakolatlari to‘xtatilishini olib tashlaydi.
VI. Sudyaning vakolatlarini muddatidan ilgari tugatish tartibi
41. “Sudlar to‘g‘risida”gi O‘zbekiston Respublikasi Qonunining 72-moddasida nazarda tutilgan asoslarga ko‘ra:
O‘zbekiston Respublikasi Oliy sudi, O‘zbekiston Respublikasi Oliy xo‘jalik sudi sudyasining vakolatlari — O‘zbekiston Respublikasi Prezidentining taqdimnomasiga binoan O‘zbekiston Respublikasi Oliy Majlisi tomonidan;
viloyatlar, Toshkent shahar sudlari, tumanlararo, tuman (shahar) sudlari, harbiy sudlar sudyasining vakolatlari — O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasining taqdimnomasiga binoan O‘zbekiston Respublikasi Prezidenti tomonidan;
xo‘jalik sudlari sudyasining vakolatlari — O‘zbekiston Respublikasi Oliy xo‘jalik sudi raisining taqdimnomasiga binoan O‘zbekiston Respublikasi Prezidenti tomonidan;
fuqarolik va jinoyat ishlari bo‘yicha Qoraqalpog‘iston Respublikasi sudlari sudyasining vakolatlari — Qoraqalpog‘iston Respublikasi Jo‘qorg‘i Kengesi Raisining taqdimnomasiga binoan Qoraqalpog‘iston Respublikasi Jo‘qorg‘i Kengesi tomonidan muddatidan ilgari tugatiladi.
Sudyaning vakolatlari: u sudyaning qasamyodini buzgan taqdirda; sudyalarning tegishli malaka hay’ati tomonidan ogohlantirish qilinganidan yoki vakolatlari to‘xtatilganidan keyin u sudya lavozimiga zid faoliyat bilan shug‘ullanishni davom ettiravergan taqdirda; sog‘lig‘i holatiga yoki boshqa uzrli sabablarga ko‘ra uzoq vaqt mobaynida sudyalik vazifasini bajarishga qodir bo‘lmay qolgan taqdirda tegishli sudyalar malaka hay’atining qarori asosida muddatidan ilgari tugatilishiga yo‘l qo‘yiladi.
42. Sudyalarning vakolatlarini muddatidan ilgari tugatish to‘g‘risidagi taqdimnomani sudyalarning malaka hay’atiga kiritish huquqiga quyidagilar ega:
O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasi — umumiy yurisdiksiya sudlarining sudyalariga nisbatan;
O‘zbekiston Respublikasi Oliy xo‘jalik sudi raisi — xo‘jalik sudlari sudyalariga nisbatan.
43. Sudyalarning vakolatlarini muddatidan ilgari tugatish haqidagi taqdimnoma va materiallar:
O‘zbekiston Respublikasi Oliy sudi sudyalariga, Qoraqalpog‘iston Respublikasi fuqarolik va jinoyat ishlari bo‘yicha oliy sudlari, fuqarolik va jinoyat ishlari bo‘yicha viloyatlar va Toshkent shahar sudlari, shuningdek O‘zbekiston Respublikasi Harbiy sudi raislari va rais o‘rinbosarlariga nisbatan — Sudyalar oliy malaka hay’atiga;
boshqa sudlarning sudyalariga nisbatan — sudyalarning tegishli malaka hay’atlariga yuboriladi.
44. Sudyalarning malaka hay’ati sudyaning vakolatlarini muddatidan ilgari tugatish haqidagi masalani ko‘rib chiqib, uning vakolatlarini muddatidan ilgari tugatishga rozilik berish yoki bermaslik to‘g‘risida xulosa chiqaradi.
Sudyalar malaka hay’atining xulosasi kechi bilan besh kun ichida O‘zbekiston Respublikasi Prezidenti huzuridagi Sudyalarni tanlash va lavozimlarga tavsiya etish bo‘yicha oliy malaka komissiyasiga yuboriladi.
VII. Sudyalar zaxirasini shakllantirish
45. Umumiy yurisdiksiya sudlarining sudyaligiga nomzodlar zaxirasi sudlarning ixtisoslashuvini hisobga olgan holda respublika mintaqalari bo‘yicha sudyalarning tegishli malaka hay’atlari tomonidan shakllantiriladi. Sudyalarning malaka hay’atlari O‘zbekiston Respublikasi Adliya vazirligi huzuridagi maxsus vakolatli organning hududiy bo‘limlari bilan o‘zaro hamkorlikda eng yaxshi tayyorgarlik ko‘rgan, yuqori malakali yuristlar orasidan nomzodlar tanlovini amalga oshiradi.
46. Sudyalar malaka hay’ati shaxsan suhbat o‘tkazish hamda taqdim etilgan materiallarni o‘rganib chiqish yo‘li bilan sudyalikka nomzodning kasbiy layoqat darajasini, bilim saviyasini, dunyoqarashini aniqlaydi. Sudyalar malaka hay’ati sudyalikka nomzodni malaka imtihoni natijalariga binoan sudyalikka nomzodlar zaxirasiga kiritish to‘g‘risida yoki kiritishni rad etish to‘g‘risida qaror chiqaradi.
47. Sudyalikka nomzodlar zaxirasiga kiritilishi rad etilgan shaxs shu zaxiraga kirish uchun tegishli ariza bilan bir yil muddat o‘tganidan so‘ng takror murojaat etishi mumkin.
48. Sudyalar malaka hay’ati taqdim etilgan barcha materiallarni o‘z qarori bilan birga O‘zbekiston Respublikasi Adliya vazirligi huzuridagi maxsus vakolatli organga yuboradi, bu organ sudyalikka nomzodlar zaxirasiga kiritilgan shaxslarni tayyorlash va o‘qitish ishlarini tashkil etadi.
49. Sudyalik lavozimi bo‘shab qolgan taqdirda O‘zbekiston Respublikasi Adliya vazirligi huzuridagi maxsus vakolatli organning hududiy bo‘limi sudyalik lavozimi zaxirasida turgan shaxslarga taalluqli materiallarni sudyalarning tegishli malaka hay’atiga taqdim etadi.
50. Sudyalarning tegishli malaka hay’ati sudyalik lavozimi zaxirasida turgan shaxslarning sudyalik lavozimiga layoqat darajasini sudlarning ixtisoslashuvini hisobga olgan holda imtihon qabul qilish yo‘li bilan baholaydi, bunda ularning mehnat faoliyati, shaxsi va dunyoqarashini e’tiborga oladi.
Sudyalar malaka hay’ati bo‘shab qolgan sudyalik lavozimiga taqdim etilgan shaxslar orasidan bitta lavozimga kamida ikki-uch nafar nomzodni tanlab oladi hamda ularga doir materiallarni o‘zi tayyorlagan xulosalar bilan birga O‘zbekiston Respublikasi Adliya vazirligi huzuridagi maxsus vakolatli organning hududiy bo‘limiga yuboradi.
Xo‘jalik sudlarining sudyalari zaxirasini shakllantirish “Sudlar to‘g‘risida”gi O‘zbekiston Respublikasi Qonuni hamda ushbu Nizom talablariga rioya etilgan holda Xo‘jalik sudlari sudyalarining malaka hay’ati tomonidan amalga oshiriladi.
O‘zbekiston Respublikasi Oliy
Majlisining 2000-yil 14-dekabrdagi
164-II-sonli qarori bilan tasdiqlangan
Sudyalarning malaka darajalari to‘g‘risida
NIZOM
1. “Sudlar to‘g‘risida”gi O‘zbekiston Respublikasi Qonuniga muvofiq ushbu Nizom O‘zbekiston Respublikasi sudyalari uchun malaka darajalari joriy etish va berish tartibini belgilaydi.
2. Oltita malaka darajasi joriy etiladi:
Oliy malaka darajasi
Birinchi malaka darajasi
Ikkinchi malaka darajasi
Uchinchi malaka darajasi
To‘rtinchi malaka darajasi
Beshinchi malaka darajasi.
3. Malaka darajalari quyidagicha beriladi:
a) sudlar sudyalariga:

Oliy malaka darajasi Birinchi malaka darajasi Ikkinchi malaka darajasi	O‘zbekiston Respublikasi Oliy sudi sudyalariga;
Birinchi malaka darajasi Ikkinchi malaka darajasi Uchinchi malaka darajasi	Qoraqalpog‘iston Respublikasi fuqarolik va jinoyat ishlari bo‘yicha sudlari, fuqarolik va jinoyat ishlari bo‘yicha viloyatlar va Toshkent shahar sudlari, Qoraqalpog‘iston Respublikasi, viloyatlar va Toshkent shahar iqtisodiy va ma’muriy sudlari, shuningdek O‘zbekiston Respublikasi Harbiy sudi sudyalariga;
Uchinchi malaka darajasi To‘rtinchi malaka darajasi Beshinchi malaka darajasi	fuqarolik ishlari bo‘yicha tumanlararo, tuman (shahar) sudlari, jinoyat ishlari bo‘yicha tuman (shahar) sudlari, tumanlararo, tuman (shahar) iqtisodiy sudlari, tuman (shahar) ma’muriy sudlari, shuningdek hududiy harbiy sudlar sudyalariga.

(3-bandning “a” kichik bandi O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
Oldingi tahrirga qarang.
(3-bandning “b” kichik bandi O‘zbekiston Respublikasining 2017-yil 14-sentabrdagi O‘RQ-446-sonli Qonuniga asosan chiqarilgan — O‘R QHT, 2017-y., 37-son, 978-modda)
4. Oliy malaka darajasi O‘zbekiston Respublikasi Oliy sudi raisi taqdimnomasiga binoan O‘zbekiston Respublikasi Prezidenti tomonidan beriladi.
Boshqa malaka darajalari tegishli sudlar raislarining taqdimnomasiga binoan Sudyalarning oliy malaka hay’ati tomonidan beriladi.
Birinchi marotaba saylangan (tayinlangan) sudyalarga malaka darajalari ish faoliyatining birinchi uch oyi mobaynida beriladi.
(4-band O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
5. Har bir malaka darajasida bo‘lish muddatlari ijobiy malaka attestatsiyasi mavjud bo‘lgan taqdirda quyidagicha belgilanadi:

	beshinchi malaka darajasida	—	ikki yil
	to‘rtinchi malaka darajasida	—	uch yil
	uchinchi malaka darajasida	—	to‘rt yil
	ikkinchi malaka darajasida	—	besh yil.

Birinchi malaka darajasida bo‘lish muddati belgilanmaydi.
Yuqori malakali sudyalarga ish tajribalarini hisobga olib, egallab turgan lavozimi uchun nazarda tutilgan darajadan qat’i nazar, ketma-ketlikka rioya etmagan holda, lekin unga berilgan malaka darajasidan ikki darajadan yuqori bo‘lmagan malaka darajasi berilishiga yo‘l qo‘yiladi.
6. Sudyalar odil sudlovni amalga oshirish vaqtida qonuniylikni qo‘pol buzgan taqdirda malaka darajasidan mahrum etilishi mumkin.
Malaka darajasidan mahrum etish shu malaka darajasini bergan mansabdor shaxs yoki organ tomonidan amalga oshiriladi.
7. Malaka darajasiga ega bo‘lgan sudyalarning mansab maoshlariga O‘zbekiston Respublikasi Vazirlar Mahkamasi tomonidan belgilangan miqdorda qo‘shimcha haq tayinlanadi.
LexUZ sharhi
Malaka darajalari uchun sudyalarning lavozim maoshlariga qo‘shiladigan qo‘shimcha haq miqdorlari O‘zbekiston Respublikasi Vazirlar Mahkamasining 1993-yil 9-iyuldagi 343-son qarorining 1-ilovasida belgilangan.
8. Sudyalarni malaka attestatsiyasidan o‘tkazish tartibi Sudyalarning malaka hay’atlari to‘g‘risidagi Nizom bilan belgilanadi.
O‘zbekiston Respublikasi Oliy
Majlisining 2000-yil 14-dekabrdagi
164-II-sonli qarori bilan tasdiqlangan
Sud tizimi xodimlarining mansab darajalari to‘g‘risidagi
nizom
(nizom nomi O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
1. Ushbu Nizom sud, O‘zbekiston Respublikasi Sudyalar oliy kengashi (bundan buyon matnda Kengash deb yuritiladi), O‘zbekiston Respublikasi Sudyalar oliy kengashi huzuridagi Sudyalar oliy maktabi (bundan buyon matnda Oliy maktab deb yuritiladi) va O‘zbekiston Respublikasi Oliy sudi huzuridagi Sudlar faoliyatini ta’minlash departamenti (bundan buyon matnda Departament deb yuritiladi) hamda uning hududiy bo‘limlari xodimlariga maxsus unvonlar — mansab darajalari berish tartibini belgilaydi.
(1-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
2. Sud, Kengash, Oliy maktab va Departament xodimlarining maxsus unvonlari quyidagi mansab darajalaridan iborat:
(2-moddaning birinchi xatboshisi O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
1-darajali Davlat adliya maslahatchisi
2-darajali Davlat adliya maslahatchisi
3-darajali Davlat adliya maslahatchisi
1-darajali adliya maslahatchisi
2-darajali adliya maslahatchisi
3-darajali adliya maslahatchisi
1-darajali yurist
2-darajali yurist
3-darajali yurist.
(2-modda O‘zbekiston Respublikasining 2017-yil 6-iyundagi O‘RQ-435-sonli Qonuni tahririda — O‘R QHT, 2017-y., 23-son, 444-modda)
3. Mansab darajalari ijobiy attestatsiyasi, oliy yuridik ma’lumoti yoki boshqa oliy ma’lumoti mavjud bo‘lgan taqdirda, malakasi, egallab turgan lavozimi va ish stajiga qarab, shuningdek ilgarigi ish yoki xizmat joyida berilgan maxsus unvonini va mansab darajasini e’tiborga olgan holda navbati bilan beriladi.
(3-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
4. Mansab darajalari:

1-darajali Davlat adliya maslahatchisi	—	Kengash raisiga;
2-darajali Davlat adliya maslahatchisi	—	Oliy maktab direktoriga;
3-darajali Davlat adliya maslahatchisi	—	Departament direktoriga, Oliy maktab direktorining o‘rinbosariga;
1-darajali adliya maslahatchisi	—	O‘zbekiston Respublikasi Konstitutsiyaviy su�i kotibiyati mudiriga, O‘zbekiston Respublikasi Oliy sudi boshqarmalari boshliqlariga, Kengash kotibiga, Oliy maktabning kafedra mudiriga, kafedra professoriga, kafedra dotsentiga, Departament direktorining o‘rinbosariga;
2-darajali adliya maslahatchisi	—	O‘zbekiston Respublikasi Konstitutsiyaviy sudining katta ekspertlariga, O‘zbekiston Respublikasi Oliy sudining boshqarma boshliqlari o‘rinbosarlariga va bo‘lim boshliqlariga, O‘zbekiston Respublikasi Konstitutsiyaviy sudi raisining, Oliy sudi raisining yordamchilariga, Kengashning yetakchi inspektorlariga va birinchi bo‘limi mudiriga, Oliy maktabning bo‘lim boshliqlariga, kafedra o‘qituvchilariga, Departamentning bo‘lim va hududiy bo‘limlari boshliqlariga;
3-darajali adliya maslahatchisi	—	O‘zbekiston Respublikasi Konstitutsiyaviy sudining ekspertlariga, O‘zbekiston Respublikasi Oliy sudi Plenumi va Rayosati kotibiyatining boshlig‘iga, O‘zbekiston Respublikasi Oliy sudining bo‘lim boshliqlari o‘rinbosarlariga, bosh va katta konsultantlariga, Kengashning arxiv mudiriga va devonxona mudiriga, Oliy maktabning yuriskonsultiga, bosh va yetakchi mutaxassislariga, Departamentning bosh mutaxassislariga, kadrlar bo‘yicha bosh inspektoriga va yuriskonsultiga;
1-darajali yurist	—	Qoraqalpog‘iston Respublikasi sudi, viloyat sudi, Toshkent shahar sudining, O‘zbekiston Respublikasi Harbiy sudining bo‘lim boshliqlariga, bosh mutaxassislariga, sudya katta yordamchilariga, Oliy maktabning devonxona mudiriga, arxiv mudiriga;
2-darajali yurist	—	Qoraqalpog‘iston Respublikasi sudi, viloyat sudi, Toshkent shahar sudining, O‘zbekiston Respublikasi Harbiy sudining katta mutaxassislariga, devonxona mudirlariga, sudyalar malaka hay’atlari kotiblariga, Departament hududiy bo‘limlarining bosh mutaxassislariga;
3-darajali yurist	—	tumanlararo, tuman (shahar) sudlarining, hududiy harbiy sudlarning sudya yordamchilariga, devonxona mudirlariga beriladi.

(4-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
5. 1, 2 va 3-darajali Davlat adliya maslahatchisi mansab darajalari O‘zbekiston Respublikasi Prezidenti tomonidan beriladi.
1, 2 va 3-darajali adliya maslahatchisi, shuningdek 1, 2 va 3-darajali yurist mansab darajalari:
Kengashning va Oliy maktabning xodimlariga — Kengash raisi tomonidan;
O‘zbekiston Respublikasi Konstitutsiyaviy sudining devoni xodimlariga — O‘zbekiston Respublikasi Konstitutsiyaviy sudining raisi tomonidan;
O‘zbekiston Respublikasi Oliy sudi va quyi turuvchi sudlarning devonlari, Departament va uning hududiy bo‘limlari xodimlariga — O‘zbekiston Respublikasi Oliy sudining raisi tomonidan beriladi.
O‘zbekiston Respublikasi Konstitutsiyaviy sudining raisi, Oliy sudining raisi, Kengash raisi ushbu Nizomning 4-moddasida nazarda tutilmagan lavozimni shtat jadvalida mavjud muayyan lavozimga tenglashtirishga hamda 1-darajali adliya maslahatchisi va ungacha bo‘lgan mansab darajasini berishga haqli.
(5-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
6. Har bir mansab darajasida bo‘lish muddati ijobiy attestatsiya mavjud bo‘lgan taqdirda 3, 2, 1-darajali yuristlar uchun — ikki yarim yilni, 3, 2 va 1-darajali adliya maslahatchilari uchun — to‘rt yilni tashkil etadi.
1, 2, 3-darajali Davlat adliya maslahatchisi darajalarida bo‘lish muddati belgilanmaydi.
(6-modda O‘zbekiston Respublikasining 2017-yil 6-iyundagi O‘RQ-435-sonli Qonuni tahririda — O‘R QHT, 2017-y., 23-son, 444-modda)
6¹. Ushbu Nizomning 5-moddasiga muvofiq sud, Kengash, Oliy maktab, Departament va uning hududiy bo‘limlari xodimlariga 1-darajali Davlat adliya maslahatchisi mansab darajasigacha bo‘lgan mansab darajasini berishga — egallab turgan lavozimi bo‘yicha nazarda tutilgan darajadan qat’i nazar, izchillikka va mansab darajasida bo‘lish muddatiga rioya etmagan holda yo‘l qo‘yiladi.
(6¹-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
7. Sudlarga, Kengashga, Oliy maktabga, Departamentga va uning hududiy bo‘limlariga huquqni muhofaza qiluvchi organlardan va boshqa tashkilotlardan ishga o‘tgan xodimlarga mansab darajalari ular qaysi lavozimga tayinlanganligi, bilimi va ish tajribasi, shuningdek ilgarigi ish yoki xizmat joyida berilgan maxsus unvonlari va mansab darajalari hisobga olingan holda beriladi.
(7-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
8. O‘zbekiston Respublikasi Konstitutsiyaviy sudi raisi, Oliy sudi raisi, Kengash raisi:
(8-moddaning birinchi xatboshisi O‘zbekiston Respublikasining 2017-yil 6-iyundagi O‘RQ-435-sonli Qonuni tahririda — O‘R QHT, 2017-y., 23-son, 444-modda)
1) oldingi mansab darajasida bo‘lish uchun belgilangan muddat tugamasdan, ishda alohida o‘rnak ko‘rsatganligi yoki xizmat burchini namunali bajarganligi uchun;
2) xodim yuqori lavozimga tayinlanayotganda navbat tartibiga rioya qilmagan holda, lekin uning o‘z darajasidan ikki mansab darajasidan yuqori bo‘lmagan;
3) attestatsiyadan birinchi marta o‘tayotgan xodimlarga ularning lavozimlari bo‘yicha belgilangandan bir pog‘ona past mansab darajasi berish huquqiga ega.
9. Ish staji bo‘lmagan shaxslarga ular lavozimga tayinlanganidan keyin kamida olti oy vaqt o‘tgach mansab darajasi beriladi.
(9-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
10. Bir mansab darajasida belgilangan muddat xizmat qilgan, lekin xizmat faoliyatida yoki xulqida jiddiy kamchiliklari bo‘lgan sud, Kengash, Oliy maktab, Departament va uning hududiy bo‘limlari xodimlarining mansab darajasi ko‘tarilmaydi.
(10-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
11. Mansab darajasi berilgan xodimlar shu mansab darajasida umrbod bo‘ladilar va faqat sudlarda, Kengashda, Oliy maktabda, Departamentda va uning hududiy bo‘limlarida ishlashga noloyiq xatti-harakatlari uchun mehnat shartnomasi bekor qilinganda undan mahrum qilinishlari mumkin.
(11-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
12. Xizmat burchini qo‘pol buzgani yoki xizmat vazifasini muttasil lozim darajada bajarmagani uchun xodimning mansab darajasi unga berilganidan ikkidan ortiq bo‘lmagan mansab darajasiga pasaytirilishi mumkin. Mansab darajasidan mahrum qilish yoki uni pasaytirish mansab darajasi berish huquqiga ega bo‘lgan tegishli mansabdor shaxslar tomonidan amalga oshiriladi.
(12-modda O‘zbekiston Respublikasining 2017-yil 6-iyundagi O‘RQ-435-sonli Qonuni tahririda — O‘R QHT, 2017-y., 23-son, 444-modda)
13. Sud, Kengash, Oliy maktab, Departament va uning hududiy bo‘limlari xodimlariga mansab darajalari berish uchun attestatsiya o‘tkazish tartibi O‘zbekiston Respublikasi Konstitutsiyaviy sudi raisi, Oliy sudi raisi, Kengash raisi tomonidan ularning vakolati doirasida belgilanadi.
(13-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
14. Mansab darajasi bo‘lgan sud, Kengash, Oliy maktab, Departament va uning hududiy bo‘limlari xodimlarining farqlash belgilari va mansab maoshlariga ustama haq miqdorini O‘zbekiston Respublikasi Vazirlar Mahkamasi belgilaydi.
(14-modda O‘zbekiston Respublikasining 2019-yil 10-maydagi O‘RQ-536-sonli Qonuni tahririda — Qonun hujjatlari ma’lumotlari milliy bazasi, 11.05.2019-y., 03/19/536/3114-son)
LexUZ sharhi
Malaka darajalari uchun sudyalarning lavozim maoshlariga qo‘shiladigan qo‘shimcha haq miqdorlari O‘zbekiston Respublikasi Vazirlar Mahkamasining 1993-yil 9-iyuldagi 343-son qarorining 1-ilovasida belgilangan.
O‘zbekiston Respublikasi Oliy
Majlisining 2000-yil 14-dekabrdagi
164-II-sonli qarori bilan tasdiqlangan
Harbiy sudlar faoliyatini tashkil etish to‘g‘risida
NIZOM
1. Harbiy sudlar O‘zbekiston Respublikasi sud tizimiga kiradi hamda O‘zbekiston Respublikasi Harbiy sudi va hududiy harbiy sudlardan iborat bo‘ladi.
(1-bandning birinchi xatboshisi O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
Harbiy sudlar chiqaradigan hal qiluv qarorlari va hukmlar O‘zbekiston Respublikasi nomidan e’lon qilinadi.
2. O‘zbekiston Respublikasi Harbiy sudi viloyat sudi huquqida ish olib boradi hamda rais, sudyalar va xalq maslahatchilaridan iborat bo‘ladi.
Hududiy harbiy sudlar tuman sudi huquqida ish olib boradi va rais, xalq maslahatchilaridan iborat bo‘ladi.
(2-band O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
3. Harbiy sudlarning sudyalari “Sudlar to‘g‘risida”gi O‘zbekiston Respublikasi Qonunida belgilangan tartibda saylanadilar va tayinlanadilar.
4. O‘zbekiston Respublikasi harbiy sudlari:
Oldingi tahrirga qarang.
a) O‘zbekiston Respublikasi Mudofaa vazirligining, Milliy xavfsizlik xizmatining, favqulodda vaziyatlar vazirligining, Ichki ishlar vazirligi qo‘shinlarining va qonun hujjatlariga muvofiq tashkil etiladigan boshqa harbiy tuzilmalarning harbiy xizmatchilari, shuningdek o‘quv yig‘inlarida bo‘lgan vaqtda harbiy xizmatga majburlar tomonidan sodir etilgan jinoyatlar to‘g‘risidagi ishlarni;
(4-bandning “a” kichik bandi O‘zbekiston Respublikasining 2009-yil 22-dekabrdagi O‘RQ-238-son Qonuni tahririda — O‘R QHT, 2009-y., 52-son, 553-modda)
b) harbiy qismlar, qo‘shilmalar va birlashmalar, harbiy boshqaruv organlarining qo‘mondonligiga nisbatan harbiy xizmatchilarning da’volari bo‘yicha fuqarolik ishlarini va harbiy boshqaruv organlari hamda harbiy mansabdor shaxslarning harbiy xizmatchilarning huquq va erkinliklarini buzuvchi xatti-harakatlari (qarorlari) ustidan shikoyatlarni;
v) alohida holatlarga ko‘ra sudlar faoliyat ko‘rsatmayotgan joylarda barcha fuqarolik va jinoyat ishlarini;
(4-band birinchi xatboshisining “v” kichik bandi O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
g) davlat sirlariga taalluqli ishlarni;
d) qonun hujjatlariga muvofiq boshqa ishlarni ko‘radi.
Ushbu bandning “a” kichik bandida ko‘rsatib o‘tilgan shaxslar harbiy yoki unga tenglashtirilgan xizmatni o‘tash davrida sodir etgan jinoyatlar to‘g‘risidagi ishlar, agar ular ish sudda ko‘rilish paytiga kelib xizmatdan bo‘shab ketgan bo‘lsalar ham harbiy sudlar tomonidan ko‘riladi.
Ushbu bandning “a” kichik bandida ko‘rsatib o‘tilgan shaxslar harbiy yoki unga tenglashtirilgan xizmatga chaqirilgunga yoki kirgunga qadar sodir etgan jinoyatlar to‘g‘risidagi va ma’muriy huquqbuzarliklar to‘g‘risidagi ishlar jinoyat ishlari bo‘yicha sudlar va ma’muriy sudlar tomonidan ko‘riladi.
(4-bandning uchinchi xatboshisi O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
5. O‘zbekiston Respublikasi harbiy sudining sudloviga:
oliy ofitserlar tarkibidagi mansabdor shaxslar tomonidan sodir etilgan jinoyatlar to‘g‘risidagi ishlar, shuningdek ushbu shaxslarga taalluqli boshqa ishlar va shikoyatlar;
sodir etilganligi uchun umrbod ozodlikdan mahrum qilish tarzidagi jazo belgilanishi mumkin bo‘lgan jinoyatlar to‘g‘risidagi ishlar;
polkovnik, 1-darajadagi kapitan unvoniga ega bo‘lgan shaxslarning jinoyatlari to‘g‘risidagi ishlar yoxud brigada komandiri lavozimidagi shaxslar hamda xizmat mavqeyi bo‘yicha ularga teng shaxslarning jinoyatlari to‘g‘risidagi ishlar, shuningdek ushbu shaxslarga taalluqli boshqa ishlar va shikoyatlar tegishlidir.
Hududiy harbiy sudlar sudloviga podpolkovnik, 2-darajadagi kapitandan yuqori bo‘lmagan harbiy unvondagi shaxslarning jinoyatlari to‘g‘risidagi ishlar, shuningdek ushbu shaxslarga taalluqli boshqa ishlar va shikoyatlar tegishlidir.
(5-band O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
6. Bir guruh shaxslarni ayblashga oid ish bo‘yicha, garchi ayblanuvchilardan loaqal biri xususidagi ish harbiy sud sudloviga taalluqli bo‘lsa va uni qonunga ko‘ra alohida ish yuritishga ajratish mumkin bo‘lmasa, fuqaro shaxslarga oid ishlarning harbiy sud tomonidan ko‘rilishiga yo‘l qo‘yiladi.
Yakka shaxs yoki bir guruh shaxslar bir necha jinoyatni sodir etishda ayblanib, garchi jinoyatlardan loaqal biri to‘g‘risidagi ish harbiy sud sudloviga taalluqli bo‘lsa, hamma jinoyatlar to‘g‘risidagi va barcha shaxslarga oid ish harbiy sud tomonidan ko‘riladi.
7. Harbiy sudlar jinoyat ishlari bilan birga harbiy qismlar, korxonalar, muassasalar, tashkilotlar, jamoat birlashmalarining va fuqarolarning sodir etilgan jinoyatlar natijasida ularga yetkazilgan moddiy zararni undirib berish to‘g‘risidagi fuqarolik da’volarini ham ko‘rib chiqadilar.
8. O‘zbekiston Respublikasi Oliy sudi:
harbiy sudlar ishining tashkil etilishini tekshirib turadi;
harbiy sudlar sud amaliyotini, shuningdek sud statistikasini yuritish ishi qanday tashkil etilganligini o‘rganadi va umumlashtiradi;
harbiy sudlar sudyalarining malakasini oshirish chora-tadbirlarini ko‘radi;
sudyalarning mustaqilligini mustahkamlashga qaratilgan chora-tadbirlarni amalga oshiradi.
Oldingi tahrirga qarang.
(8-bandning oltinchi xatboshisi O‘zbekiston Respublikasining 2017-yil 14-sentabrdagi O‘RQ-446-sonli Qonuniga asosan chiqarilgan — O‘R QHT, 2017-y., 37-son, 978-modda)
O‘zbekiston Respublikasi Oliy sudining raisi harbiy sudlar ishini tashkil etish masalalariga doir buyruqlar va farmoyishlar chiqaradi.
9. Harbiy sudlar tarkibi, shtatlar soni, shtatdagi lavozimlar ro‘yxati O‘zbekiston Respublikasi Oliy sudi raisining taqdimnomasiga binoan O‘zbekiston Respublikasi Prezidenti tomonidan tasdiqlanadi.
(9-band O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
Oldingi tahrirga qarang.
(10-band O‘zbekiston Respublikasining 2017-yil 14-sentabrdagi O‘RQ-446-sonli Qonuniga asosan o‘z kuchini yo‘qotgan — O‘R QHT, 2017-y., 37-son, 978-modda)
Oldingi tahrirga qarang.
(11-band O‘zbekiston Respublikasining 2017-yil 14-sentabrdagi O‘RQ-446-sonli Qonuniga asosan o‘z kuchini yo‘qotgan — O‘R QHT, 2017-y., 37-son, 978-modda)
Oldingi tahrirga qarang.
(12-band O‘zbekiston Respublikasining 2017-yil 14-sentabrdagi O‘RQ-446-sonli Qonuniga asosan o‘z kuchini yo‘qotgan — O‘R QHT, 2017-y., 37-son, 978-modda)
13. Harbiy sudlar sudyalari “Sudlar to‘g‘risida”gi O‘zbekiston Respublikasi Qonuniga muvofiq intizomiy javobgarlikka tortiladilar.
(13-band O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
14. Harbiy sudlarning xodimlarini ishga qabul qilish va ular bilan tuzilgan mehnat shartnomalarini bekor qilish O‘zbekiston Respublikasining Mehnat kodeksiga muvofiq tegishli harbiy sud raisi tomonidan amalga oshiriladi.
15. O‘zbekiston Respublikasi Oliy sudi Harbiy hay’atini va harbiy sudlarni moddiy-texnik jihatdan ta’minlash, moliyalashtirish, transport, aloqa vositalari bilan ta’minlash O‘zbekiston Respublikasi Oliy sudi huzuridagi Sudlar faoliyatini ta’minlash departamenti zimmasiga yuklatiladi.
(15-band O‘zbekiston Respublikasining 2017-yil 14-sentabrdagi O‘RQ-446-sonli Qonuni tahririda — O‘R QHT, 2017-y., 37-son, 978-modda)
Oldingi tahrirga qarang.
(16-band O‘zbekiston Respublikasining 2017-yil 14-sentabrdagi O‘RQ-446-sonli Qonuniga asosan o‘z kuchini yo‘qotgan — O‘R QHT, 2017-y., 37-son, 978-modda)
17. Ushlangan, qamoqqa olingan, gauptvaxtalarda saqlanayotganlarni harbiy sudlarga qo‘riqlab olib borish va ularni sud majlisida qo‘riqlash harbiy qismlar yoki garnizonlarning harbiy komendaturalari tomonidan amalga oshiriladi.
Boshqa saqlash joylarida, jazoni ijro etish muassasalarida saqlanayotgan mahbuslarni ishni ko‘rish joyiga qo‘riqlab olib borish va qo‘riqlash belgilangan tartibda — O‘zbekiston Respublikasi Ichki ishlar vazirligining soqchilik qo‘shinlari qismlari, organlari tomonidan amalga oshiriladi.
18. Harbiy sudlar O‘zbekiston Respublikasining Davlat gerbi tasviri tushirilgan va o‘z nomi yozilgan muhrga ega bo‘ladi.


(O‘zbekiston Respublikasi Oliy Majlisining Axborotnomasi, 2001-y., 1-2-son, 12-modda; 2002-y., 1-son, 23-modda; 2004-y., 1-2-son, 18-modda; O‘zbekiston Respublikasi qonun hujjatlari to‘plami, 2004-y., 51-son, 514-modda; 2007-y., 29-30-son, 296-modda; 2009-y., 15-son, 177-modda, 52-son, 553-modda; 2014-y., 4-son, 45-modda; 2017-y., 23-son, 444-modda, 37-son, 978-modda; Qonun hujjatlari ma’lumotlari milliy bazasi, 11.05.2019-y., 03/19/536/3114-son)