Муаммоли-таълим

МАВЗУ: МУАММОЛИ ТАЪЛИМ

• Катта ўқитувчи С.М.Юлдашева

Режа: 1.Муаммоли таълим ҳақида тушунча. 2.Муаммоли таълим технологияларининг ўқитишдаги аҳамияти. 3.Муаммоли вазият ва унинг турлари

Таянч тушунчалар: муаммоли таълим, муаммоли таълим технологиялари, муаммо, муаммоли вазият, ечим

Фойдаланиш учун адабиётлар: 1. Азизхўжаева Н.Н. Педагогик технология ва педагогик маҳорат. – Т.: ТДПУ, 2006. 2. Йўлдошев Ж., Усмонов С. Педагогик технология асослари. – Т.: Педагог, 2004. 3. Педагогик технология ва педагогик маҳорат / С.А.Мадиярова ва б. – Т.: “Iqtisod-moliya”, 2009. 4. Сайидахмедов Н., Очилов А. Янги педагогик технология моҳияти ва замонавий лойиҳаси. – Т.: РТМ, 1999. 5. Толипов Ў., Усмонбоева М. Педагогик технологияларнинг татбиқий асослари. – Т.: Фан, 2006

Муаммоли таълим – талабаларда ижодий изланиш, кичик тадқиқотларни амалга ошириш, муайян фаразларни илгари суриш, натижаларни асослаш, маълум хулосаларга келиш каби кўникма ва малакаларни шакллантиришга хизмат қиладиган таълим
Муаммоли таълим ғоялари америкалик психолог ва педагог Ж.Дьюи (1859-1952 йй.) томонидан асосланган. У 1894 йилда Чикагода ўқитиш ўқув режаси бўйича эмас, балки ўйин ва меҳнатга асосланган тажриба мактабини ташкил этган. ХХ асрнинг 60-йилларида эса муаммоли таълим Л.Рубинштейн, М.И.Махмутов, В.Окон, И.Я.Лернер каби тадқиқотчиларнинг қарашлари негизида янада ривожланган. Психолог С.Л.Рубинштейннинг “Тафаккур муаммоли вазиятдан бошланади” деган ғояси муаммоли таълимнинг психологик асоси сифатида қабул қилинган
Муаммоли таълим турлари (М.Н.Скаткин):	1. Билимларни муаммоли баён қилиш. 2. Билимларни муаммоли баён қилишнинг маълум босқичларида талабаларни изланишга ундаш. 3. Кичик илмий тадқиқотларни олиб бориш
Муаммоли таълим методлари:	1) тадқиқот усули; 2) эвристик усул; 3) муаммоли вазият усули; 4) муаммоли баён қилиш усули; 5) ижодий усул; 6) қисман ижодий усул