ANATASIYA

Ўзбекитон Республиаси Олий ва ўрта махсус таълим вазирлиги
Мирзо Улуғбек номидаги Ўзбекистон Миллий Университети

Факультет. Биология-тупроқшунослик Магистратура талабаси Мусаева М.Қ. Кафедра. Ботаника, ўсимликлар Илмий раҳбар проф.Давранов Қ.С.
физиологияси ва экология Мутахассислиги Биология (фан йўналиши)
Ўқув йили 2014/2015
МАГИСТРЛИК ДИССЕРТАЦИЯСИ АННОТАЦИЯСИ
Мавзунинг долзарблиги. Ўзбекистон Республикаси иқтисодиётини янада кўтариш учун пахта толасини етиштириш муҳим аҳамиятга эга. Атроф муҳитнинг ифлосланиши, экологик холатнинг ёмонлашуви ғўза ўсимлигининг ўсиши ва ривожланишига салбий таъсир кўрсатмоқда. Шунинг учун, қишлоқ ҳўжалик экинларини, жумладан, ғўзанинг эрта пишар, касаллик ва заракунанданларга чидамли, юқори ҳосил берувчи навларини яратишда селекцион генетик тадқиқотлар билан бир қаторда, сифатли тола ва юқори ҳосил олиш учун экологик соф, тоза стимуляторларни қўллаш қишлоқ ҳўжалигида катта назарий ва амалий аҳамиятга эга.
Ишнинг мақсади ва вазифалари. Тадқиқотнинг мақсади - темир, мис ультрадифперс кукунларининг (УДК) суспензияси ва таркибида темир тутувчи металлорганик бирикма ферростимулятор таъсири остида амилаза, липаза ферментларини ва захира биополимерларнинг парчаланишини ўрганишдан иборат. Юқоридагилардан келиб чиққан ҳолда қуйидагилар вазифалар этиб белгиланди:
-темир УДК суспензиясининг ғўзанинг турли навларининг чигитини униб чиқишидаги амилаза ферментини фаоллигига таъсирини аниқлаш;
-темир УДК суспензиясининг ғўзанинг турли навларининг чигитини униб чиқишидаги липаза ферментини фаоллигига таъсирини аниқлаш;
-гидролитик ферментларни ва чигитнинг захира биополимерларини парчаланишига темир, мис УДК суспензияларини ва таркибида темир тутувчи металлорганик бирикма ферростимуляторнинг таъсирларини бир-бирига таққослаш, вазифа қилиб белгиланган.
Тадқиқот объекти ва предмети. Ишда ғўзанинг G.hirsutum L. турига мансуб АН-402, Андижон-9, Андижон-60 навларининг уруғларидан фойдаланилди. Ғўза уруғининг қўлланилган навларини элита уруғлари ЎзР ҚСХВ Ғўза селекцияси ва уруғчилиги илмий-тадқиқот институти олинди. Темир УДК Андижон давлат университетининг “ Блик ” ИТБ орқали РФА Умумий физика институтидан олинган.