1-top DHN

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ


МИРЗО УЛУҒБЕК НОМИДАГИ
ЎЗБЕКИСТОН МИЛЛИЙ УНИВЕРСИТЕТИ


ИЖТИМОИЙ ФАНЛАР ФАКУЛЬТЕТИ

“ФУҚАРОЛИК ЖАМИЯТИ ВА ҲУҚУҚ ТАЪЛИМИ” КАФЕДРАСИ

“ДАВЛАТ ВА ҲУҚУҚ НАЗАРИЯСИ”
ФАНИДАН ТАЛАБАЛАР УЧУН
МАВЗУГА ОИД ТОПШИРИҚЛАР


Муаллиф: Э.З.Нишанбаева


Тошкент 2020

“ДАВЛАТ ВА ҲУҚУҚ НАЗАРИЯСИ” ФАНИДАН ТАЛАБАЛАР УЧУН МАВЗУГА ОИД ТОПШИРИҚЛАР

Талабанинг Ф.И.Ш. СИДИКОВ ЖАМШИД.
МАВЗУ: ҲУҚУҚ ИЖОДКОРЛИГИ
(СЕМИНАР МАШҒУЛОТИ)


1- ТОПШИРИҚ

“ҲУҚУҚИЙ ИЖОДКОРЛИГИ ПРИНЦИПЛАРИ” БЎЙИЧА КЛАСТЕР ТУЗИНГ

Ҳуқуқ ижодкорлигининг халқчиллиги. Демократик давлат ўзининг қонун ижодкорлиги, ҳуқуқ яратиш фаолиятида ўз халқи билан, аҳолисининг кенг қатламлари билан мустахкам боғлиқ ва чамбарчас алоқадор бўлиши лозим.
Ҳуқуқ ижодкорлигининг демократиклиги.Демократизм ҳуқуқ ижодкорлигида халқ иродасини аниқлаш ва қонунда ифода этиш даражаси билангина тавсифланмайди. Бу, аввало, ҳуқуқий ҳужжатлар қабул қилишда, хусусан, қонун чиқаришда халқнинг иштирокини таъминлашда намоён бўлади.
Ҳуқуқ ижодкорлигида қонунийлик принципи. Ушбу принцип ҳуқуқ ижодкорлиги субъектларининг норматив-ҳуқуқий ҳужжатлар лойиҳасини тайёрлаш, муҳокама этиш, қабул қилиш ва эълон қилиш борасидаги хатти-ҳаракатлари Конституцияга ва бошқа қонунларга асосланишидан келиб чиқиши лозим. Ҳуқуқ ижодкорлигидаги қонунийлик икки жиҳатни назарда тутади: биринчидан, давлат органлари томонидан қабул қилинадиган ҳар бир ҳужжат уларнинг ваколатлари доирасида ва тегишли ҳужжатлар учун белгиланган таомил (тартиб) асосида чиқарилиши шарт; иккинчидан, норматив-ҳуқуқий ҳужжатнинг мазмуни ҳам қонунийлик талабларига жавоб бериши шарт. Яъни янги чиқарилаётган ҳужжат, қонунлар ва юридик кучи бўйича ўзидан юқори турувчи бошқа ҳуқуқий ҳужжатларга зид бўлмаслиги керак.