8. Шии

Шифохона ичи инфекцияларини аниқлаш ва ҳисобга олиш
Чақалоқларнинг акушерлик стационарида бўлиш даврида ёки чиқиб
кетганидан сўнг 7 кун давомида аниқланган инфекция билан касалланганлиги
ушбу стационар томонидан ҳисобга олиниши керак. Умумий шакллари (сепсис,
остеомиелит, менингит) туғилишдан кейин бир ой давомида стационар
томонидан ҳисобга олинади.
Туққан аёлларнинг акушерлик стационарида бўлиш даврида ёки
туғишдан кейин 30 кун давомида аниқланган туғишдан кейинги касалликлари
(эндометрит, йирингли мастит, сепсис, перитонит ва бошқалар)акушерлик
стационари томонидан ҳисобга олиниши керак.
Касалланишнинг эпидемиологик таҳлили
Эпидемиологик таҳлил туғруқ эпидемиологик вазиятни баҳолаш учун ШИИ билан касалланиш даражаси,
тузилиши ва ўзгариш суръати ўрганилишини ва санитария-гигиеник,
дезинфекция, профилактик ва эпидемияга қарши кураш тадбирларининг
керакли ҳажмини ишлаб чиқишни назарда тутади.
ШИИ билан касалланишнинг тезкор (жорий) таҳлили бирламчи
ташҳислар бўйича инфекцион касалликларни кундалик қайд этиш
маълумотлари асосида олиб борилади. Касалланишни тезкор таҳлил қилиш
давомида жорий эпидемиологик вазият баҳоланади ва эпидемологик вазият
яхшиланиши ёки ёмонлашиши, олиб борилаётган чораларнинг мувофиқлиги
ёки зарур ҳолатларда уларни кучайтириш зарурати ҳақида масала ҳал
этилади.
Касалланишни тезкор таҳлил қилиш қуйидагиларни ҳисобга олган
ҳолда олиб борилиши керак:
• туғиш санаси;
касаллик юзага келган муддат;
патологик жараён локализацияси;
этиологияси;.
тиббий аралашув турлари;
стационар доирасида ҳаракатланиш (палатадан палатага, бўлимдан
бўлимга);
чиқариб юборилиши ёки бошқа стационарга ўтказиш санаси
стационарда бўлиш давомийлиги.
Битта инкубацион даврда, битта инфекция манбаи ва умумий юқиш
омиллари билан боғлиқ чақалоқлар ва туққан аёлларнинг (жамланган ҳолда)
3 та ёки ундан ортиқ шифохона ичи инфекциялари пайдо бўлиши гуруҳли
касалликлар деб ҳисобланади.
Чақалоқлар ва туққан аёлларни ШИИ билан касалланишининг
ретроспектив таҳлили қуйидагиларни назарда тутади:
тенденцияси (ўсиш, пасайиш, барқарорлашиш) ва ўсиш ёки пасайиш
суръатларини аниқлаган ҳолда касалланишнинг кўп йиллик ўзгариш
суръатини таҳлил қилиш;
касалланишнинг йиллик, ойлик даражаларини таҳлил қилиш;
бўлимлар бўйича касалланишнинг қиёсий тавсифи;
этиология ва патологик жараён локализацияси бўйича касалланиш
тузилишини ўрганиш;
операцион ва бошқа аралашувлар, ҳамда улар билан боғлиқ
касалликлар қайталаниши (стратификацияланган кўрсаткичлар) таҳлили;
касалланишнинг локал ва умумий шакллари бўйича нисбатларининг
ўзгариш суръати таҳлили;
гуруҳли касалликлар асосий қисмини аниқлаш ҳамда касалланиш
авжини таҳлил қилиш;
патологик жараён ва этиология локализацияси бўйича ўлим билан
якунланишнинг таҳлили.
Эпидемик жараён қонуниятлари, инфекциянинг асосий манбалари,
асосий юқиш йўллари ва факторларини аниқлаш учун чақалоқлар ва туққан
аёллар касалланишининг ретроспектив таҳлили олиб борилади, бу эса ўз
навбатида ушбу туғруқ мажмуасидаги (бўлимидаги) муайян эпидемиологик
вазиятга мувофиқ келувчи профилактик ва эпидемияга қарши тадбирларни
ишлаб чиқиш учун асос бўлиб ҳисобланади.
Тиббиёт ходимлари касалланишининг ретроспектив таҳлили
инфекция манбалари доирасини аниқлаш ва уларнинг ШИИ тарқалишидаги
ролини чеклашга йўналтирилган тадбирларни олиб боришга имкон яратади.
Инфекцияларнинг манифест шаклларига чалинган беморлар ва
микроорганизмларнинг
антибиотикларга
чидамли
ташувчилар, шунингдек, бурун-ҳалқум (гайморитлар, синуситлар ва
бошқалар), сийдик чиқариш йўллари (суст кечувчи пиелонефрит, цистит),
ошқозон-ичак тракти (гастроэнтерит, энтероколит), тери ва тери ости
тўқималари (йирингли-яллиғланиш жараёнлари) патологиясига эга тиббиёт
ходимлари инфекцияларнинг муҳим манбалари ҳисобланади.
Тиббиёт ходимларини диспансеризациялаш натижалари бўйича сурункали
инфекцион касалликларга эга шахслар аниқланади ва зарур ҳолатларда улар
даволанади.