Amaliy mashg'ulot №3
Mavzu: Маҳсулотларни сертификатлаштириш қоидалари.
МАҲСУЛОТЛАРНИ СЕРТИФИКАТЛАШ ҚОИДАЛАРИНИ ТАСДИҚЛАШ ТЎҒРИСИДА
[Ўзбекистон Республикаси Адлия вазирлиги томонидан 2005 йил 18 мартда 1458-сон билан давлат рўйхатидан ўтказилди]
Ўзбекистон Республикаси Вазирлар Маҳкамасининг 2004 йил 6 июлдаги 318-сонли «Маҳсулотларни сертификатлаштириш тартиботини соддалаштиришга доир қўшимча чора-тадбирлар тўғрисида» қарорининг 6-бандига асосан буюраман:
1. Маҳсулотларни сертификатлаш қоидалари иловага мувофиқ тасдиқлансин.
2. Ушбу буйруқ кучга кирган санадан эътиборан O‘zDSt 5.7:2003 «ЎзСМТ. Маҳсулотларни сертификатлаш тартиби» ўз кучини йўқотган деб ҳисоблансин.
3. Мазкур буйруқ Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киритилсин.
Ўзбекистон стандартлаштириш, метрология ва сертификатлаш агентлиги бош директори Р. БЎРИЕВ
Тошкент ш.,
2005 йил 25 февраль,
59-сон
Ўзбекистон стандартлаштириш, метрология ва сертификатлаш агентлиги бош директориинг 2005 йил 25 февралдаги 59-сон буйруғи билан
«ТАСДИҚЛАНГАН»
Маҳсулотларни сертификатлаш
ҚОИДАЛАРИ
Мазкур Қоидалар Ўзбекистон Республикаси Вазирлар Маҳкамасининг 2004 йил 6 июлдаги 318-сонли «Маҳсулотларни сертификатлаштириш тартиботини соддалаштиришга доир чора-тадбирлар тўғрисида»ги қарорининг 6-бандига мувофиқ (Ўзбекистон Республикаси қонун ҳужжатлари тўплами, 2004 й., 27-сон, 315-м.) ишлаб чиқилган ва Ўзбекистон Республикаси сертификатлаштириш Миллий тизимида (бундан буён матнда Ўз СМТ) республикада ишлаб чиқариладиган ва четдан келтириладиган маҳсулотни сертификатлаштиришга тайёрлаш ва ўтказишга умумий талабларни белгилайди.
Мажбурий сертификатланадиган маҳсулотларни сертификатлаштиришнинг ўзига хос хусусиятлари «Ўзстандарт» агентлигининг алоҳида меъёрий-ҳуқуқий ҳужжатлари билан тартибга солинади.
Download
Do'stlaringiz bilan baham: |
