4-Маъруза

Наврузов С
4- Маъруза
Мавзу-4: Махсус фанларни ўқитиш жараёнида қўлланиладиган ўқитиш методлари

Режа:

1. 
   Ўқитиш методларининг таълим жараёнида ўрни ва вазифалари.
   
2. 
   Ўқитиш методларининг таснифланиши.
   
3. 
   Фаол ўқитиш методларининг моҳияти ва уларнинг ўзига хос хусусиятлари.
   
4. 
   Фаол ўқитиш методларидан фойдаланиш қоидалари.
   
5. 
   Фаол ўқитиш методларини қўллаш технологияси.
   

Асосий адабиётлар рўйхати:

1. Тожибоева Д. Махсус фанларни ўқитиш методикаси.-Т.: Фан ва технолгия. 2007.-541 бет.

2. Д.Тожибоева, Йўлдошев. Махсус фанларни ўқитиш методикаси. Дарслик.-Т.: Алоқачи, 2009.-568 бет.
3. Файзуллаева Д. Мутахассислик фанларини ўқитиш методикаси.- Т.: Иқтисодиёт, 2013.
4. Хакимова М.Ф., Файзуллаева Д., М. Лутфуллаева Н.Х. Махсус фанларни ўқитиш услубиёти. Ўқув қўлланма.-Т.: ТДИУ, 2014.
5. Хўжаева Н., Хасанбоев Ж., Мамажонов И., Мусахонова Г. Янги педагогик технологиялар. Ўқув қўлланма.-Т.: ТДИУ, 2007.-180 б.


1. Ўқитиш методларининг таълим жараёнида ўрни ва вазифалари. Таълим жараёнининг муваффақияти унинг шаклигагина эмас, балки қўлланилаётган методлар самарадорлигига ҳам боғлиқдир. Таълим назариясида ўқитиш (таълим) методлари марказий ўрин эгаллайди.
«Метод» юнонча “методос” сўзиан ҳосил бўлиб, «йўл», тадиқ қилиш каби маъноларни англатади. Таълим методи таълим жараёнида ўқитувчи ва ўқувчиларнинг аниқ мақсадга эришишига қаратилган биргаликдаги фаолиятларидир.
Таълим методлари ўқитишнинг ўз олдига қўйган мақсадларига эришиш усулларини ҳамда ўқув материалини назарий ва амалий йўналтириш йўлларини англатади.
Ўқтиш методлари таълим жараёнида ўқитувчи ва ўқувчи фаолиятининг қандай бўлиши, ўқитиш жараёнини қандай ташкил этиш ва олиб бориш кераклигини ҳамда шу жараёнда ўқувчилар қандай иш ҳаракатларини бажаришлари кераклигини белгилаб беради.