Фармон нима

Фармон, қарор ва фармойишнинг меъёрий-ҳуқуқий ҳужжат сифатида
бир-биридан фарқли жиҳатлари.
Ўзбекистон Республикаси Президенти Конституция ва барча қонунлар асосида уларнинг ижросини таъминлаш учун фармон, қарор ва фармойиш тарзида норматив-ҳуқуқий ҳужжатлар қабул қилади.
Президент девони регламентининг 30-бандига мувофиқ, Ўзбекистон Республикаси Президентининг умуммажбурий давлат кўрсатмалари сифатида ҳуқуқий нормаларни белгилашга, ўзгартиришга ёки бекор қилишга қаратилган ҳужжатлари норматив-ҳуқуқий ҳужжат ҳисобланади ҳамда фармон ва қарор шаклида қабул қилинади.
Жамият ҳаётининг алоҳида соҳаларини ислоҳ қилиш ёки давлат ижтимоий-иқтисодий сиёсатининг устувор йўналишларини белгилаш, давлат органларини ташкил этиш ёки тугатишга қаратилган муҳим ҳужжатлари фармон, бошқа ҳужжатлари қарор шаклида қабул қилинади.
Ўзбекистон Республикаси Президентининг тезкор ва бошқа жорий масалалар бўйича ҳужжатлари фармойиш шаклида қабул қилинади.
Норматив-ҳуқуқий бўлмаган ҳужжатлар (кадр, фуқаролик, афв этиш, сиёсий бошпана бериш, давлат мукофотлари билан тақдирлаш ҳамда ҳарбий ва махсус унвонларни бериш, индивидуал характердаги масалалар ва ҳоказо) ҳам Президент фармонлари, қарорлари ва фармойишлари шаклида қабул қилиниши мумкин.
Фармойишда бевосита ижрочиларга кўрсатма берилади. Фармойишда операциялар амалга оширилгани ҳақидаги факт кўрсатилмайди ва ҳисоб-китоб ёзувлари учун асос бўлмайди.

Farmoyish — boshqaruvga doir huquqiy hujjat; konstitutsiyaviy huquqda davlat boshligʻi va ijro etuvchi hokimiyat organlari tomonidan vakolatlari doirasida chiqariladi.
Ijro etuvchi hokimiyat organining tez hal qilinishi kerak boʻlgan va boshqa joriy masalalarga oid qarori Farmoyish shaklida chiqariladi.
Oʻzbekiston Respublikasi Konstitutsiyasining 94 moddasida koʻrsatilishicha, Prezident konstitutsiyaga va qonunlarga asoslanib hamda ularni ijro etish yuzasidan respublikaning butun hududida majburiy kuchga ega boʻlgan farmonlar, qarorlar va Farmoyishlar chiqaradi.
"Vazirlar Mahkamasi amaldagi qonunlarga muvofiq, Oʻzbekiston Respublikasi hududidagi barcha organlar, korxonalar, muassasalar, tashkilotlar, mansabdor shaxslar va fukarolar tomonidan bajarilishi majburiy boʻlgan qarorlar va Farmoyishlar chiqaradi" (Oʻzbekiston Respublikasining Konstitutsiyasi, 9 8modda).
Shuningdek, Oʻzbekiston Respublikasi Oliy Majlisining Qonunchilik palatasi Spikeri va Senat Raisi Farmoyishlar chiqarishi Konstitutsiyada koʻzda tutilgan.
Bundan tashqari, muassasa rahbarining yakka uzi tomonidan chikariladigan huquqiy hujjatlar ham Farmoyish hisoblanadi. F. mansabdor shaxslarning muayyan aniq doirasiga moʻljallanib, uning amal qilish va bajarilish muddati belgilangan boʻladi.