17-hafta amaliyot ish rejamda quyidagilar belgilangan ekan

17-hafta amaliyot ish rejamda quyidagilar belgilangan ekan:
Fan oʻqituvchisining oʻquv meyoriy hujjatlari (namunaviy dastur,ishchi dastur, kalendar reja) ning bajarilishi bilan tanishish va kundalikda qayd etish.
Ushbu ish rejamga muvofiq amaliyot muassasam boʻlgan 32-umumiy oʻrta taʼlim maktabida menga biriktirilgan amaliyot rahbarim Abdualimov Ohun (va Ardak Isanovnalar)dan ushbu rejaga taalluqli savollarimga javob oldim.
Oʻquv dasturi taʼlim tizimidagi har bir oʻquv fanining mazmuni va oʻtilish tartibini, oʻquvchilar tomonidan oʻzlashtirilishi lozim boʻlgan bilim hamda koʻnikmalar hajmini belgilab beradigan rasmiy pedagogik hujjat ekan.Oʻquv dasturi oʻquv fani mazmunining qisqa bayoni, oʻquvchilarning bilim va koʻnikmalariga qoʻyiladigan talablar singari qismlardan iborat boʻlar ekan.O'quv dasturi alohida o'quv predmetlari bo'yicha bilim, ko'nikma va malakalar mazmuni va hajmini, ularni o'rganish ketma-ketligini belgilaydi. O'quv dasturi namunaviy va ishchi o'quv dasturidan iborat bo'lib, ishchi o'quv dasturi namunaviy dastur asosida tuzilar ekan.
Kalendar rejada har bir fanning hajmi,soatlar kesimida ajratilgan vaqti va yuklama soatlar hajmi keltirilar ekan.Hozirda kalendar reja Kundalik.com platformasiga yuklangan boʻlib shu platformada ham yuritilmoqda ekan.