2-savol. Jinoyat tarkibining zaruriy va fakultativ belgilarini muhokama qiling
Download 409.18 Kb. Pdf ko'rish
|
2-savol. Jinoyat tarkibining zaruriy va fakultativ belgilarini muhokama qiling. Jinoyat tarkibi va uning zaruriy belgilariga to’xtalishdan avval, jinoyat o’zi nima ekanligi, u qanday tushunchani anglatishini yoritib olsak. Avvalo, jinoyat bu ijtimoiy, huquqiy hodisa bo’lib, jinoyat huquqi fanining predmetidir. Jinoyat insonning ongli faoliyati, kishining ongli ravishda amalga oshirgan, qonun bilan ta’qiqlangan ijtimoiy-havfli qilmishidir(harakat yoki harakatsizlik) i . Bundan ko’rinib turibdiki insolar tomonidan amalga oshirilgan har anday harakat yoki harakatsizlik emas. Sodir etilgan harakat yoki harakasizlik, avvalo, o’sha shaxsning ongli harakati bo’lishi kerak. Ikkinchidan, o’sha harakat yoki harakatsizlik qonun bilan ta’qiqlangan bo’lishi, bundan tashqari, qonunda ushbu qilmish uchun jazo belgilab qo’yilgan bo’lishi lozim. O’z. Res. Jkning 14- moddasida jinoyatga batafsil tarif berib o’tilgan. Shu tarifdan kelib chiqqan holda sodir etilga qilmish jinoyat bo’lishi uchun u quyidagi belgilarga ega bo’lishi kerak deya olamiz: qilmishning huquqqa hilofliligi, ijtimoiy havfliligi, aybning mavjudligi, qilmishning jazoga sazovorligi.
Endi esa jinoyat tarkibiga to’xtalaylik. Jinoyat tarkibi haqidagi ta’limot jinoyat huquqining markaziy masalalaridan biridir. Jinoyat tarkibini to’g’ri aniqlash jinoyatni xatosiz kvalifikatsiya qilish uchun asos hisoblanadi. Bu esa o’z navbatida odil sudlovni amalga oshirish va qonunchilikni mustahkamlash hamda pirovard natijada ayblanuvchining taqdirini hal etishda katta ahamiyatga ega. Jinoyat tarkibi bu jinoyat qonunida nazarda tutilgan ijtimoiy havfli qilmishning jinoiyligini ifodalovchi elementlar yig’indisi. ii Bu elementlar to’rtta bo’lib, ular jinoyat obyekti, jinoyatning obyektiv tomoni, jinoyatning subyektiv tomoni, jinoyat subyekti. Bu to’rtta element bitta jinoyat tarkibida birdaniga bo’ladi va ulardan birining mavjud emasligi qilmishning jinoyat ekanligini istisno etishga asos bo’ladi. Har bir jinoyat tarkibi o’zida ma’lum elementlarni, jinoyat tarkibini tashkil etadigan va muayyan jinoyat tarkibiga hos bo’lgan belgilarni mujassamlashtirgan. Bu belgilar o’z navbatida ikkiga, ya’ni zaruriy va fakultativ belgilarga bo’ladi. Zaruriy belgilar jinoyat tarkibi mavjud bo’lishi uchun zaruriy bo’lgan belgilar bo’lib, ularning yig’indisi qilmishni jinoyat deb hisoblash uchun minimal va yetarli bo’lgan ijtimoiy havfliligini tashkil qiladi. iii
Ya’ni bu belgilar Jkning Maxsus qismida nazarda tutilgan barcha jinoyatlar uchun zarur, ularning tarkibida doimo bo’lishi shart. Bu zaruriy belgilarni jinoyat tarkibini tashkil qiladigan elementlar tarkibi misolida ko’rib chiqamiz. Jinoyat obyektining zaruriy belgisi sifatida maydonga uning ijtimoiy munosabatini tavsiflovchi belgilar keladi. Jinoyat obyektiv tomonining zaruriy belgilari esa, ijtimoiy havfli qilmish, ijtimoiy havfli qilmish orqasidan kelib chiqqan oqibat va ular o’rtasidagi sababiy bog’lanishdir. Lekin ba’zi adabiyotlarda biz obyektiv tomonning zaruriy belgisi sifatida faqatgina ijtimoiy havfli qilmishning keltirilganini ko’ramiz. Bunga sabab sifatida esa jinoyatlarning moddiy, formal va kesik tarkibli jinoyatlarga bo’linishini aytib o’tishimiz mumkin. Ya’ni formal va kesik tarkibli jinoyatlarda oqibat va sababiy bog’lanish mavjud bo’lmay, faqatgina ijtimoiy havfli qilmishing o’zi keldi. Ijtimoiy havfli qilmish bu – aybdorning ongli, ixtiyoriy, faol va passiv hulq-atvoridir. Qilmish hamisha huquqqa hilof, ijtimoiy havfli bo’lishi va shu bilan bir qatorda shaxs tomonidan ongli va ixtiyoriy amalga oshirilishi kerak. U shundagina jinoyat obyektiv tomonining elementi bo’la oladi. Oqibat esa, shu qilmish tufayli jinoyat qonuni bilan qo’riqlanadigan ijtimoiy munosabatga yetkazilgan moddiy va nomoddiy ko’rinishdagi zarar, ziyon va shu kabi boshqa salbiy o’zgarishlar. Sababiy bog’lanish bo’lsa, faqatgina moddiy tarkibli jinoyatlarning zaruriy belgisi bo’lib, u sodir etilgan ijtimoiy havfli qilmish va uning natijasida kelib chiqqan oqibatning o’rtasidagi aloqa. Ya’ni kelib chiqqan oqibat ma’lum bir qilmish sababli kelib chiqqanligini ko’rsatuvchi kategoriya. Obyektiv tomonning fakultativ belgilariga yuzlansak, ular obyektiv tomonda doim ham bo’lmaydi. Bu belgilarga jinoyat sodir qilish vaqti, joyi, sharoiti, usuli, vositasi, quroli kabilar kiradi. Bu fakultativ belgilar jinoyat dispozitsiyasida keltirilganda zaruriy belgi sifatida qabul qilinadi. Masalan, Jkdagi 263 prem 1-moddasida vaqt zaruriy element sifatida modda dispozitsiyasida keltirilgan bo’lsa, Jkning 114-modda dispozitsiyasida joy zaruriy belgi sifatida keltirilgan. Jinoyat subyektiga to’xtalsak, uning zaruriy belgisi bu jismoniy shaxslilik, jinoyat yoshiga yetganlik, aqli rasolikdir. Faqat jismoniy shaxslargina jinoyat sodir etishda aybdor deb topilishi, ya’ni jinoyatning subyetki bo’lishi mumkin. Yuridik shaxslar uchun uning mulkdori javobgardir. Subyekt bo’lish uchun Jkda ko’rsatilgan yoshga yetgan bo’lish kerak. Umumiy ma’noda 16 yosh. Aqli rasolik shaxs o’zi sodir etayotgan hatti- harakatlarini aqlan anglab, ixtiyoriy boshqarishi. Jinoyat subyektining fakultativ belgilari sifatida maxsus subyekt bo’lish uchun kerak bo’ladigan ma’lum bir belgilar kiradi. Masalan, ma’lum bir jinoyatlar uchun mansabdor shaxs, boshqalari uchun harbiy xizmatchi bo’lish kerak. Jinoyat subyektiv tomoni ijtimoiy havfli qilmishni sodir etgan shaxsning shu qilmishga nisbat bo’lgan ruxiy munosabati bo’lib, uning zaruriy belgisi aybdir. Ayb shaxsning o’z qilmishiga va u olib keladigan oqibatiga nisbatan qasd yoki ehtiyotsizlikdagi munosabati. Demak u 2 xil bo’ladi, qasd va ehtiyotsizlik. Uning fakultativ belgilari esa, mativ va maqsaddir. Jinoyatning maqsadi uni sodir etishdan ko’zlangan fikriy natija. Motivi esa, jinoyat sodir etishga undovchi ichki his tuyg’u.
Download 409.18 Kb. Do'stlaringiz bilan baham: |
ma'muriyatiga murojaat qiling