Азамат Файзуллаев

Бирлашган Араб Амирликларида рақамли ҳукумат


Азамат Файзуллаев
ТошДШУ талабаси


Аннтоция Рақамли трансформация Бирлашган Араб Амирликлари ҳукуматининг янги имкониятлар ва муаммоларга қандай мослашишини шакллантириш учун жуда муҳимдир. Амирликлар бугунги кунга келиб давлат ва жамият ҳаётининг барча жабҳаларида рақамли технологияларни қўллаш бўйича аниқ дастурларга эга ва бу борада катта тажриба орттирган давлат сифатида танилди. Мазкур мақолада, БАА рақамли ҳукуматининг ташкил қилиниши, унинг таркибий тузилиши ва ҳукумат фаолиятининг самарадор, очиқ ва шаффофлигини таъминлашдаги аҳамияти борасида маълумотлар берилади.


Annotation. Digital Transformation is critical to shaping how the UAE government adapts to new opportunities and challenges. Today, the United Arab Emirates has clear programmes for the application of digital technology in all aspects of public and social life and has been recognized by a country with extensive experience in this field. This article provides information on the establishment of the digital government in the UAE, its structure and its role in ensuring the efficiency, openness and transparency of government activities.


КИРИШ

Рақамли трансформация дунёдаги ҳукуматларининг янги имкониятлар ва муаммоларга қандай мослашишини шакллантириш учун жуда муҳимдир. Рақобат, харажатлар ва бюджет чекловлари, фуқароларнинг ўзгарувчан талаблари ҳамда бошқа бир қатор ўзгаришлар дунё ҳукуматларини рақамли форматда ишлаш ва инновацион АКТни қабул қилишга ундайди. Осиё ва дунёда биринчилардан бўлиб Жанубий Корея ва Сингапур рақамли трансформацияларнинг имкониятиларини тан олди ва ўзларида бу тизимни тўла жорий қилди.

Бугунги кунда Бирлашган Араб Амирликлари ҳам рақамли технологиялар жадал ривожланиб бораётган мамлакатлардан ҳисобланади. Рақамли технологиялар Амирликлар аҳолисининг кундалик харидларидан тортиб, унинг дипломатик алоқларига қадар бўлган барча соҳаларга кириб борган. Global Media Insighнинг 2020 йилдаги маълумотларига кўра БАА аҳолиснинг 9,52 миллион нафари ижтимоий тармоқлар фойдаланувчиси ҳисобланади бу 100 фиозга яқин кўрсаткич демакдир. (9,61 миллион аҳоли 2020 й.) Бу кўрсаткич бўйича у 22 та Араб давлати орасида биринчи ўринда туради ва дунё миқёсида ҳам биринчи ўнталикдан жой олган. Сўнгги йилларда мамлакатда электрон ҳукуматни яратиш бўйича ҳам мунтазам ишларни амалга ошириб келмоқда. Мазкур мақолада БАА да рақамли ҳукуматнининг шаклланиши ва унинг имкониятлари таҳлил қилинади.