3 – laboratoriya mashg`uloti Oqsil va aminokislotalarning rang hosil qilish reaksiyalari

3 – laboratoriya mashg`uloti
Oqsil va aminokislotalarning rang hosil qilish reaksiyalari.

1. 
   Biuret reaksiyasi
   

Ishqoriy muhitda oqsillar va ularning gidroliz mahsulotlari bo’lgan polipeptidlar binafsha yoki qizil – binafsha rang hosil qiladi. Reaksiyaning mohiyati peptid bog`ining miqdoriga bog`liq. Biuret reaksiyasining chiqishi 2 ta peptid guruhining bo’lishiga bog`liq. Rangning intensivligi peptid bog`ining uzunligiga bog`liq bo’lib, ko’k binafsha rangdan to qizil – binafsha rang oralig’ida bo’ladi. Biuret reaksiyasini asparagin (asparagin kislotasining amidi), hamda aminokislotalardan gistidin , treonin va serin ham beradi.
Bu reaksiyakning nomi biuretdan – ya’ni mochevinani qaynatish natijasida hosil bo’ladigan birikmadan kelib chiqqan. Bu reaksiyada ammiak molekulasining ajralishi kuzatiladi.
Reaktivlar: a) tuxum oqsili, b) o’yuvchi natriy – 10% li eratmasi, v) 1% li mis sulfat eritmasi.
Ishning bajarilishi: 1 ta probirka olib, unga 2 ml tuxum oqsilidan solinadi, keyin shuncha hajmda o’yuvchi natriydan va 1-2 tomchi mis sulfat eritmasidan solinadi. Bunda ko’k – binafsha yoki qizil – binafsha rang hosil bo’ladi.

2. 
   Ningidrin reaksiyasi
   

Ningidrin reaksiyasini – amino guruhga ega bo’lgan aminokislotalar beradi. Oqsillar, polipeptidlar va aminokislotalar ningidrin bilan qaynaganda ko’k yoki ko’k – binafsha rang hosil qiladi. Ningidrin reaksiyasi - aminoguruhni aniqlash uchun eng aniq usul hisoblanadi. Reaksiyaning mohiyati shundan iboratki, aminokislotalar va peptidlar ningidrin bilan reaksiyaga kirishib, oksidlanishli dezaminlanishga va dekarboksillanishga uchraydi:



Qaytarilgan 2 molekula ningidrin bilan ammiak reaksiyaga kirishib, bo’yalgan birikma hosil qiladi.



Reaktivlar: a) oqsil eritmasi, b) glitsinning 0,1%-li suvdagi eritmasi, v) ningidrinning 0,1% li spirtdagi eritmasi.