1
5-ma'ruza:
MOG‘OR ZAMBURUG‘LARI. ACHITQILAR
REJA:
1. Zamburug‘lar haqida umumiy tushuncha.
2. Zamburug‘larning ko‘payishi.
3. Zamburug‘larning oziqlanishi.
4. Mog‘or zamburug‘lari tuzilishi.
5. Achitqilar haqida umumiy tushuncha.
Adabiyotlar:
1. Zakirova M.R., Boboyev A.X. Oziq-ovqat mikrobiologiyasi. Darslik. – Toshkent:
“IJOD-PRINT” MCHJ nashriyoti, 2019. – 272 b.
2. Xo‘jamshukurov N.A., Davranov Q.D. Oziq-ovqat
va oziqa mahsulotlari
biotexnologiyasi. Darslik. – Toshkent: Tafakkur bo‘stoni, 2014. – 176 b.
3. Davranov Q.D. Mikroblar dunyosi. Risola. – Toshkent: ToshdAU, 2002. – B.161-
164.
Tayanch so‘zlar: zamburug‘lar, mog‘or zamburug‘lari,
jinsiy va jinssiz
kо‘payish, zamburug‘larning oziqlanishi, achitqi ishlab chiqarish texnologiyasi
1. Zamburug‘lar haqida umumiy tushuncha. Hozirgi
vaqtga kelib
zamburug‘larning 1.000.000 dan ziyod turi bizga ma’lum bo‘lib,
ular parazit va
saprofit hayot kechirib, o‘simliklardagi ko‘pgina kasalliklarga sababchi bo‘ladilar.
Ular
asosan morfologik,
fiziologik,
biologik, sitologik va shunga o‘xshash
xususiyatlarga asoslanib sistematikaga bo‘linadi.
Zamburug‘lar sistematikasida sinfdan turigacha bo‘lgan
nomlanish lotincha
nom bilan belgilanadi.
Zamburug‘lar sistematikasi alohida (sinf, tartib, oila, turkum va x.k) o‘rtasida
tashkil
topgan evolyusion, tabiiy aloqalar asosida tuzilgandir. Ularning ba’zi bir
xususiyatlari o‘simlik xususiyatlariga o‘xshash bo‘lgani uchun (o‘sishi, ko‘payishi)
hamda hayvonlarning xususiyati (glikogen modda va xitindan tashkil topganligi)
mavjud bo‘lganligi uchun yangi guruhga ajratilgan. Bu
guruhning nomi Fungi yoki
Mycola.
Sinf – Clasis
