Adabiyotshunoslikka kirish

RENESSANS TA’LIM UNIVERSITETI
YAKUNIY NAZORAT SAVOLLARI
BILET № 22

1. 
   "Adabiyotshunoslikka kirish" kursi an'anaga ko`ra necha qismga bo`lib o`rganiladi.
   
2. 
   Adabiyotshunoslik fanining prеdmеti.
   
3. 
   Adabiyot tarixi masalalariga bag`ishlangan qaysi asarlarni bilasiz? Maktabda olgan ma'lumotlaringizni eslang.
   
4. 
   “Tanqidchi” dеganda kimni tushunasiz?
   

Kafedra yig`ilishining 2023 yil «___»_______dagi №____ bilan tasdiqlangan

Kafedra mudiri___________________

1. 
   SAVOL: «Adabiyotshunoslikka kirish» kursi an’anaga ko‘ra uchta katta qismga bo‘lib o‘rganiladi. Kursning birinchi bo‘limi «Badiiy adabiyot haqida ta’limot» deb nomlanib, bunda badiiy adabiyotning mohiyati, uning jamiyatdagi o‘rni va vazifalari kabi masalalar xususida so‘z yuritiladi. Badiiy adabiyotning ikkiyoqlama mohiyati, ya’ni bir tomondan san’at sohasi, ikkinchi tomondan ijtimoiy ong shakli ekanligi; badiiy adabiyotni san’atga doxil etuvchi obrazlilik va obraz tushunchalari ayni shu bo‘limda o‘rganiladi. Badiiy adabiyot spetsifikasini yaxshi tasavvur eta olgan talabagina bugungi adabiyotshunoslikda bahsli bo‘lib turgan muammolar mohiyatini anglashi, yaqin kelajakda ularga nisbatan o‘z mavqeini belgilay olishi mumkin bo‘ladi. Badiiy adabiyotning ijtimoiy ong sohasi sifatida ijtimoiy ongning boshqa shakllari bilan aloqasi, ularning orasida tutgan o‘rni, ular bilan aloqasi, o‘ziga xosligi kabi masalalar ham shu boMimda ko‘rib chiqiladi. Shuningdek, badiiy adabiyotning boshqa san’at turlari bilan mushtarak va farqli tomonlari, ular bilan aloqaning adabiyot rivojidagi ahamiyati kuzatiladi.
   

2. 
   Ikkinchi bo‘lim «Badiiy asar haqida ta’limot» deb nomlanadi. Bu bo‘limda badiiy asar tuzilishi, uning shakl va mazmun tomonlari o‘rganiladi. Badiiy asami tahlil qila bilish, uning mohiyatiyu qimmatini o‘quvchiga yetkazib berish uchun, avvalo, uning qanday tarkiblanganini, uni tashkil etayotgan unsurlaming o‘zaro aloqalarini yorqin tasavvur etish zarurdir. Shunga ko'ra, bu bo‘limda badiiy asar syujeti, kompozitsiyasi, badiiy til, inson obrazini yaratish yo‘llari va vositalari kabi qator muhim masalalar ko‘rib chiqiladi.
   

3. 
   Nihoyat, kursning uchinchi bo'limida adabiy jarayon, badiiy adabiyotning rivojlanish qonuniyatlari, adabiy tur va janrlar, uslub va metod tushunchalari, badiiy adabiyotdagi turli oqim va yo‘nalishlar haqida dastlabki ma’lumotlar bilan tanishtiriladi.
   

2. SAVOL: Adabiyotshunoslik fanining predmeti. Fanning predmeti deyilganda o`sha fan nimani o`rganishi nazarda tutiladi. Adabiyotshunoslik ("adabiyot" + "shinos", ya`ni o`rganish, yaxshi bilish + "lik") fanining nomidanoq uning o`rganish sohasi adabiyot ekanligi ochiq-oshkor ko`rinib turadi. "Adabiyot" so`zi arabcha "adab" so`zining ko`plik shakli bo`lib, u keng va tor ma`noda qo`llaniladi. Keng ma`noda qo`llanilganda "adabiyot" so`zi o`qishga mo`ljallab yozilgan va chop qilingan barcha asarlarni o`z ichiga oladi. Shunga qaramay, "adabiyot" so`zi (termini) tor ma`noda ham juda faol ishlatiladi va bunda so`z san`atiga daxldor bo`lgan asarlar — badiiy adabiyot tushuniladi. E`tiborli jihati shuki, istilohning ayni shu tarzda (tor va keng ma`nolarda) qo`llanilishi rus va boshqa bir qator tillarda ishlatiluvchi "literatura" so`ziga ham xosdir. Zero, bu termin ham "litera" ("harf") so`zidan olingan bo`lib, keng ma`noda umuman chop etilgan mahsulotni, tor ma`noda badiiy adabiyotni anglatadi. Biz mutaxassis sifatida "adabiyot" so`zining tor ma`nosini ishlatamiz va bunda badiiy adabiyotni nazarda tutamiz.


3. SAVOL: Boburning Boburnoma Abdulla Oripov Sohibqiron Ruhlar isyoni Erkin Vohidov Ulug’bek xazinasi Odil Yoqubov mullifi
O’tkan kunlar Abdulla Qodiriy Mehrobdan chayon Navoiy romani Oybek va hokazolar misol bo’ladi
4 SAVOL: Tanqid, adabiy tanqid, tanqidchilik — adabiy faoliyat turi, badiiy asarni, shuningdek, bu asarda aks ettirilgan hayot hodisalarini taqlil va talqin etish. T. koʻpincha adabiyotshunoslikning bir qismi sifatida taʼriflanib keladi. Lekin T. adabiy faoliyatning mustaqil sohasi boʻlib, adabiyotshunoslikdan farqli oʻlaroq, asosan zamonaviy adabiy hayotda sodir boʻlayotgan jarayonlarni kuzatadi, bu jarayondagi yetakchi tamoyillarni aniqlaydi, gaz. va jurnali saxifalarida eʼlon qilingan adabiy asarlarga munosabat bildirib, ularni odatda shu davrning gʻoyaviy va estetik talablari asosida tahlil etadi. T. adabiy meros namunalarining teatr, kino, musiqa va tasviriy sanʼatdagi yangi talqini masalalari bilan ham qiziqib, oʻz eʼtiborini koʻpincha shu asarlarning hozirgi zamon uchun ahamiyatli tomonlariga qaratadi. T.ning asosiy vazifasi yozuvchi yoki adabiy asarni faqat tanqid qilish emas, balki adabiy asar yoki hodisaga haqqrniy baho berish, undagi yutuq va kamchiliklarni xolislik bilan yoritishdir.