Bob. Tadbirkorlik asoslari: G„oyadan amaliyotgacha

1. bob. TADBIRKORLIK ASOSLARI: G„OYADAN AMALIYOTGACHA

1. 
   Tadbirkorlik faoliyatini tashkil etish. Tadbirkorlikning afzalliklari va kamchiliklari
   

Tadbirkor kim? Tadbirkor yangi biznesni risk va xavf-xatarlarni o„z zimmasiga olib tashkil qiluvchi, foyda va muqobil o„sishni ko„zlab barcha mavjud resurslaridan bu yo„lda samarali foydalanuvchi shaxsdir.
Tadbirkorlar quyidagi xususiyatlar bilan boshqalardan ajralib turadi:

• 
  mas‟uliyat va javobgarlik hissining yuqoriligi (tadbirkor o„z xodimlari va biznesning rivojlanishiga mas‟ul, investorlar oldida javobgar);
  
• 
  vaqtida riskni bo„yniga olish, risklarni boshqarish va oldini olish;
  
• 
  yutuq va maqsadiga erishishiga ishonchi balandligi;
  
• 
  tez natija kutishi va natijaga ishlashi;
  
• 
  yuqori energiya va xohishga egaligi;
  
• 
  kelajakka urg„u berishi; imkoniyat, talab, istiqbolni ko„ra olishi;
  
• 
  boshqarish va tashkiliy ishlarda uddaburonligi;
  
• 
  qiymat yarata olishi;
  
• 
  kelajakning noaniqligi va kutilmagan favquloddagi holatlarga tayyorligi;
  
• 
  moslashuvchanligi, o„zgarishlarga tayyorligi;
  
• 
  tinimsiz qattiq mehnat qilishga layoqati;
  
• 
  irodaliligi.
  

1.1-rasm. Tadbirkor uchun eng muhim sifatlar¹

1.1-rasmdan shunday xulosaga kelish mumkinki, tadbirkor uchun uzoqni ko„ra bilish, ishtiyoq va motivatsiya eng muhim sifatlar hisoblanadi.

1.2-rasm. Muvaffaqiyatli tadbirkor bo„lish uchun muhim sanalgan omillar²

Muvaffaqiyatli tadbirkor bo„lish uchun muhim omillar tajriba bilan bog„liq, shuning uchun tajribali mutaxassislar juda qardlanadi. AQShda har oyda 500 000 yangi bizneslar tadbirkorlar tomonidan ochiladi. AQShning voyaga yetgan



¹ Nature of Nurture: Decoding the DNA of the Enterpreneur, Ernst&Young, 2011.
² Kauffman Foundation, 2009.
aholisining 12,7 %i yangi biznes ochish ishtiyoqida doimiy harakat qiladi. Global Entrepreneurship and Development Index (GEDI)da AQSh 82,5 ball bilan birinchi o„rinni egallagan.