Dars ishlanma (1-sinf) Mavzu: Shamol va quyosh (masal) Ezop Darsning maqsadi: Ta`limiy
Download 25.47 Kb.
|
An`anaviy dars ishlanma 1-sinf o`qish
Dars ishlanma (1-sinf) Mavzu: Shamol va quyosh (masal) Ezop Darsning maqsadi: Ta`limiy: o`quvchilarnini “Shamol va quyosh” masali bilan tanishtirish. Masal matnini ifodali, rollarga bo`lib o`qish, savollar tuzish ko`nikmalarini takomillashtirish; FK1: asar mazmunini og`zaki bayon qila olish; Tarbiyaviy: o`quvchilarda do`stlik, hamjihatlik sifatlarini tarbiyalash, maqtanchoqlik yomon odat ekanini uqtirish; TK4: yaxshi va yomon odatlarni bir-biridan farqlay olish; Rivojlantiruvchi: o`quvchilarning bog`lanishli nutqini o`stirish, lug`at ustida ishlash, ongli va ifodali o`qish, erkin va mustaqil fikrlashini rivojlantirish; FK2: o`qilgan asar mazmuniga doir savol va topshiriqlarga javob bera olish. Darsning turi: Yangi bilim beruvchi dars. Darsning metodi: Suhbat, tushuntirish, “Zanjir” usuli. Darsning jihozi: Darslik, multimedia vositalari, ko`rgazma va tarqatma materiallar. Darsning borishi: Tashkiliy qism: Salomlashish, navbatchi axborotini tinglash, tozalikka qarash, o`quvchilarning darsga tayyorligini tekshirish. O`tilgan mavzuni mustahkamlash Uyga vazifa – Oy allasi (Odil Abdurahmon) she`rini ifodali o`qib kelish edi. Oy – ona bolasi yulduzga nimalar haqida so`zladi? Quyosh, oy, yulduzlar kimlarga o`xshatilgan? Har bir o`quvchi birma-bir she`rni ifodali o`qishadi. So`ngra yangi mavzu e`lon qilinadi. Yangi mavzu bayoni Qadrli bolajonlar, bugun sizlar bilan Ezopning “Shamol va quyosh” masali bilan tanishamiz. (O`qituvchi muallif haqida qisqacha ma`lumot beradi.) Monitorga darslikdagi shamol hamda quyosh tasviri chiqariladi. Masalni o`qituvchi ifodali qilib o`qib beradi, o`quvchilar diqqat bilan tinglashadi. O`quvchilar “Zanjir” usulida matnni qismlarga ajratib, birma-bir o`qiydilar. Matnda uchragan notanish so`zlar yuzasidan lug`at ishi o`tkaziladi. Lug`at ishi: Po`stin – hayvon terisidan tikilgan qalin kiyim Taft – harorat, issiqlik Quvnoq daqiqa o`tkaziladi Yangi mavzuni mustahkamlash O`quvchilar bilan masal mazmuni haqida savol-javob o`tkaziladi. Shamol va quyosh nima uchunn bahslashib qolishdi? Shamol bahsda nima uchun quyoshdan yengildi? Oliyjanoblik qanday xislat? Tez aytish: Qo`ng`iroq qo`g`irchoqnikimi, qo`zichoqnikimi? Topishmoq: Yungi igna, Burni tugma, Ko`zi munchoq, Bag`ri yumshoq.
Darsda o`rganilganlar asosida savol-javob o`tkaziladi. Savol-javobda va darsda faol qatnashgan o`quvchilar baholanadi hamda rag`batlantiriladi. Uyga vazifa “Shamol va quyosh” masalini ifodali o`qib kelish. Dars ishlanma (1-sinf) Mavzu: Non isi (rivoyat) Darsning maqsadi: Ta`limiy: o‘quvchilarni «Non isi» rivoyati bilan tanishtirish, ularda to‘g‘ri, va ravon o‘qish malakalarini shakllantirish; FK1: o`qish uchun kitoblar (badiiy asar namunalari)ni mustaqil tanlay oladi; Tarbiyaviy: o‘quvchilarda aziz ne`mat bo`lgan nonni qadrlashga, uni asrab-avaylashga, nonni uvol`qilmaslikka o‘rgatish; TK5: badiiy asarlarda aks etgan ma`naviy va madaniy hodisalar mohiyatini to`g`ri tushunish hamda tushuntirib bera olish; Rivojlantiruvchi: o‘quvchilarni mustaqil ishlash, matnni qayta hikoya qilish, lug‘at ustida ishlash, erkin fikrlash malakalarini rivojlantirish; FK2: o`rganilgan asarlarning nomi, qahramonlarini ajrata oladi va o`qituvchi yordamida ularga baho bera oladi. Darsning turi: yangi bilimlar beruvchi dars. Darsning metodi: suhbat, ifodali o`qish, hikoya qilish, ko`rgazmalilik, Darsning jihozi: darslik, multimediya ilovalari, rangli rasmlar, Alisher Navoiy va Husayn Bayqaro rasmlari Darsning borishi: Tashkiliy qism: salomlashish, navbatchi axboroti, tozalik, darsga tayyorlanish. O`tilgan mavzuni mustahkamlash O`tgan mavzu “Alisherning yoshligi” mavzusi edi. Uyga vazifa shu matnni ifodali o`qib kelish edi. O`quvchilar bilan mavzu yuzasidan savol-javob o`tkaziladi:
Kiyikni Alisherga kim olib kelgan edi? Alisherning do`sti kim bo`lishni orzu qildi? Alisher hayotda nimani zaruriyat deb bildi? Nima uchun maktab zaruriyat ekan? O`quvchilar matnni birin-ketin ifodali o`qiydilar. So`ng yangi mavzu e`lon qilinadi. Yangi mavzu bayoni Bolajonlar sizlar bilan bugun “Non isi” nomli rivoyat haqida suhbatlashamiz. Allomalar rasmlari doska o`rtasiga qo`yilib, rivoyat matni o`qituvchi tomonidan o`quvchilarga ifodali qilib o`qib beriladi. O`quvchilardan diqqat bilan eshitishlari so`raladi. So`ng o`quvchilardan rivoyat voqealari haqida fikrlari so`raladi. Oxirida o`qituvchining fikri bilan to`ldiriladi. O`quvchilarning o`zlari ham rivoyatni navbatma-navbat o`qishadi. Rivoyat matnida uchragan tushunarsiz so`zlar yuzasidan lug`at ishi olib boriladi. Lug`at ishi: Vazir – qadimda davlat boshlig`ining o`rinbosari Sulton – qadimda davlat boshlig`i shunday deb ham atalgan Quvnoq daqiqa o`tkaziladi Yangi mavzuni mustahkamlash Mavzu yuzasidan o`quvchilar bilan suhbat o`tkaziladi? Non qadri, chin do`stlik kabi atamalar haqida suhbat olib boriladi. Savollar beriladi: Husayn Boyqaro nima keltirishni buyurdi? Navoiy vazirlarga qanday maslahat berdi? Maqol: Keksalik – Donishmandlik. O`quvchilar tez aytish va topishmoqlar aytishib bellashadilar.
Darsda o`rganilganlar asosida savol-javob o`tkaziladi. Savol-javobda va darsda faol qatnashgan o`quvchilar baholanadi hamda rag`batlantiriladi. Uyga vazifa “Non isi” rivoyatini ifodali o`qib kelish. Dars ishlanma (1-sinf) Mavzu: Aqlli qarg`a (hikoya) Abdulla Avloniy Darsning maqsadi: Ta`lmiy: o`quvchilarni “Aqlli qarg`a” hikoyasi mazmuni bilan tanishtirish, ifodali va ongli o`qishga o`rgatish; FK1: matn ohangiga rioya qilgan holda aniq, ravon o`qiy oladi; Tarbiyaviy: o`quvchilarda vatanga muhabbat, atrofdagilarga hurmat tuyg`usini shakllantirish hamda aqlli, uddaburon bo`lishga undash; TK5: vatanga sadoqatli, insonlarga mehr-oqibatli, milliy qadriyatlarga e`tiqodli bo`lish: Rivojlantirish: o`quvchilarning to`g`ri va ravon o`qish malakalarini rivojlantirish; TK4: turli yo`nalishdagi (ertak, hikoya, masal, rivoyat,doston) kitoblarni muntazam o`qish. Darsning turi: Yangi bilim beruvchi dars. Darsning metodi: Suhbat, tushuntirish metodlari, “Zanjir”, “O`rmonda va hovlida” o`yinlari. Darsning jihozi: darslik ,multimediya ilovalari, topshiriqli vodeolavhalar, rasmli tarqatmalar. Darsning borishi Tashkiliy qism: Salomlashish, navbatchi axboroti, tozalikka qarash, darsga tayyorlanish. O`tilgan mavzuni mustahkamlash O`tilgan mavzu Anvar Obidjonning “Yaxshi niyat” she`ri haqida edi. Uyga vazifa shu she`rni yod olib kelish berilgan. O`quvchilar “Zanjir” usulida turib birma-bir yodlagan she`rini aytadilar. So`ng o`quvchilar bilan savol-javob olib boriladi:
Avaz nimani xayol qilgan ekan? U niyatiga yetish uchun nim,a qilish kerak? Sizning ham orzungiz bormi? Yangi mavzu bayoni Bolajonlar sizlar bilan bugun “Aqlli qarg`a” nomli hikoya haqida suhbatlashamiz. O`qituvchi Abdulla Avlonoy haqida qisqacha ma`lumot beradi va hikoyani ifodali qilib o`qib, mazmunini o`quvchilar bilan muhokama qilishadi. Ekranga qarg`a va ko`za rasmi chiqariladi. O`quvchilar ketma-kelikda hikoyani ifadali o`qishni boshlaydi. Matnda uchragan notanish, tushunarsiz so`zlar yuzasidan lug`at ishi olib boriladi. Lug`at ishi: Jazirama – juda issiq havo Tashnalik – suvsizlik Quvnoq daqiqa o`tkaziladi Yangi mavzuni mustahkamlash O`quvchilar bilan “O`rmonda va hovlida” o`yini o`tkaziladi: O`quvchilar ikki guruhga bo`linadilar. Ular ikki ustunga o`rmonda va hovlida o`sadigan daraxtlarning nomini yozadilar: 1-guruh: 2-guruh: O`rmonda Hovlida Darslikda berilgan hikmatli gapni o`qituvchi o`qiydi va o`quvchilar bilan tahlil qiladi. Dars oxirida o`quvchilar bilan mavzu yuzasidan savol-javob o`tkazilib, xulosa chiqariladi.
Qarg`a jaziramada nega qiynalibdi? Ko`zadagi suvni ichish uchun qarg`a qanday yo`l tutdi? Darsni yakunlash va baholash Darsda o`rganilganlar asosida savol-javob o`tkaziladi. Savol-javobda va darsda faol qatnashgan o`quvchilar baholanadi hamda rag`batlantiriladi. Uyga vazifa “Aqlli qarg`a” hikoyasini ifodali o`qib kelish. Dars ishlanma (1-sinf) Mavzu: Rostgo`y bola. (ertak) Darsning maqsadi: Ta`limiy: o‘quvchilarni ertak mazmuni bilan tanishtirish, to`g`ri va ravon o`qishga o`rgatish; FK1: o`qish uchun kitoblar(badiiy asar namunalari)ni mustaqil tanlay oladi; Tarbiyaviy: o‘quvchilarda rostgo`ylik, kattalarni hurmat qilish kabi fazilatlarni tarbiyalash; TK5: badiiy asarlarda aks etgan voqealar mohiyatini to`g`ri tushunish va talqin qila olish. Rivojlantiruvchi: o‘quvchilarning matnni ifodali o`qish, og`zaki hikoya qilish malakalarini rivojlantirish; FK2: o`rganilgan asarlarning nomi va qahramonlarini ajrata oladi va o`qituvchi yordamida ularga baho bera oladi. Darsning turi: yangi bilimlar beruvchi dars. Darsning metodi: suhbat, tushuntirish, ko`rgazmalilik, “Chala xat”, “Qarsak” mashqlari Darsning jihozi: darslik, “Rostgo`y bola” ertagiga mos rangli rasmlar, multimedia ilovalari. ) Darsning borishi: Tashkiliy qism: salomlashish, navbatchi axboroti, tozalik, darsga tayyorlanish. O`tilgan mavzuni mustahkamlash O`tilgan mavzu “Maymun va duradgor” ertagi edi. Uyga vazifa ertakni ifodali o`qib kelib, mazmunini so`zlab berish topshirilgan. O`quvchilar doskaga chiqib birma-bir ertakni so`zlab beradilar. O`tilgan mavzu yuzasidan savol-javob o`tkaziladi:
Duradgor nima ish qilayotgan edi? Maymun nima qildi? O`ziga aloqador bo`lmagan ishga aralashishning oqibati nima bilan tugaydi? O`qituvchi yangi mavzuni e`lon qiladi. Yangi mavzu bayoni Aziz o`quvchilar bugun biz sizlar bilan “Rostgo`y bola” ertagi haqida suhbat olib boramiz. O`qituvchi ertakni ifodali qilib o`qiydi va o`quvchilar bilan ertakni muhokama qiladi. “Chala xat” o`yini o`tkaziladi. Uning shartiga ko`ra biror o`tilgan matn tanlanadi va matnning ayrim so`zlari tushirib qoldiriladi. O`quvchilar esa bu tushirib qoldirilgan so`zlarni topadilar. Ertak matnini o`quvchilar birma-bir ifodali o`qiydilar va tushunarsiz so`zlar yuzasidan lug`at ishi o`tkaziladi.
Podshoh – qadimda davlat boshlig`i shunday atalagan. Vazir – podshohning eng yaqin yordamchisi. Quvnoq daqiqa o`tkaziladi Yangi mavzuni mustahkamlash “Qarsak” mashqi (Noto`g`ri jumla o`yini) Bu mashqni bajarayotganda o`quvchilar mavzuni o`zlashtirganliklarini aniqlash maqsadida o`qituvchi matnni o`qiydi. Har bir gap yakunida agar u bugungi o`rganilgan matnga mos kelsa, qarsak chaladilar. Matn tarkibida noto`g`ri ma`lumotlarbo`lsa, bu ishni bajarmaydilar. Mashq yakunlangach, o`quvchilar fikri tinglanib, bilimlar umumlashtiriladi. Dars yakunida o`quvchilar bilan savol-javob o`tkaziladi:
Podshoh o`ziga farzand tanlash uchun nima qilibdi? Bola gulni nega o`sitira olmabdi? Podshoh nima uchun bolakayni o`ziga farzandlikka tanlabdi? Darsni yakunlash va baholash Darsda o`rganilganlar asosida savol-javob o`tkaziladi. Savol-javobda va darsda faol qatnashgan o`quvchilar baholanadi hamda rag`batlantiriladi. Uyga vazifa “Rostgo`y bola” ertagini ifodali o`qib kelish. Download 25.47 Kb. Do'stlaringiz bilan baham: |
ma'muriyatiga murojaat qiling