География кафедраси Тошкент вилояти Чирчиқ давлат педагогика институти Кенгашининг 2019-йил 29-августидаги 1-сонли қарорига мувофиқ Табиий фанлар кафедраси таркибидан ажралиб чиққан. Ҳозирда 5110500-География ўқитиш методикаси, 6111000-География ва иқтисодий билим асослари таълим йўналишлари ва 70111001-Аниқ ва табиий фанларни ўқитиш методикаси (география) магистратура мутахассислиги мавжуд.
Амалий машғулотлар кафедра қошидаги “Замонавий географик майдонча”да олиб борилади. География кафедраси қошида смарт ўқув хонаси ташкил этилган. Бу ерда замонавий АКТ воситаларидан фойдаланган ҳолда интерактив дарс ўтилади.
Педагогик таълимнинг инновацион кластери бўйича География кафедраси профессор-ўқитувчилари томонидан “Мактаб-лаборатория” дастури доирасида Чирчиқ шаҳрининг 11- ва 24-умумтаълим мактабларида ва кафедранинг география смарт ўқув хонасида мунтазам равишда умумтаълим мактаблари ўқувчилари учун география дарслари ташкил этилди. География кафедрасида “Мактаб лаборатория” доирасида “Маҳоратли географ” лойиҳаси ташкил этилган бўлиб, унга асосан кафедра профессор-ўқитувчилари умумтаълим мактабларида фан олимпиадаларини юқори савияда ва шаффоф ўтказилишини таъминлашга яқиндан ёрдам бериб, вилоят босқичига чиққан ўқувчилар билан индивидуал тарзда шуғулланиб келмоқда.
Do'stlaringiz bilan baham: |
