H. Homidovning "Avesto fayzlari" asari bo'yicha annotatsiya


Download 18.5 Kb.
Sana12.05.2020
Hajmi18.5 Kb.

H. Homidovning "Avesto fayzlari" asari bo'yicha

annotatsiya

Pedagogika tarixini o'qitishda, biz o'quvchi yoshlarning ma’naviy sifatlarini tarbiyalashda "Avesto fayzlari" asari muhim ahamiyatga ega. So'nggi yillarda H.Homidov, S.Hasanov, J.Yo‘ldoshev, S.Nishonova, O.Musurmonova, N.Maxmudova kabi olimlar «Avesto»dagi ta'limiy- axloqiy qarashlarning ayrim qirralari haqida fikr yuritganlar, tadqiqot ishlari olib borganlar. Shu jumladan, Homidiy o'zining «Avesto fayzlari»da ta’limiy-axloqiy qarashlar, ta’lim-tarbiya, odob-axloq masalalarini tadqiq etgan. Ushbu kitobda biz uchun muhim bo'lgan bir necha qarashlar ilgari surilgan. Xususan, qadimiy ajdodlarimizning ijtimoiy-falsafiy va ma’rifiy fikrlar yodgorligi sifatida o‘tmish tariximiz, madaniy va ma’naviy qadriyatlarimizni o‘rganishda asosiy manba bo'lib xizmat qiladi. H. Homidov talqini bo'yicha, "Avesto" bugungi kunda ham yoshlar uchun yo‘lchi yulduz bo‘lib xizmat qiladi. Negaki ushbu kitobda har qanday axloqsizlik va g'ayritabiiy xatti-harakatlarga yo‘l qo‘yib bo‘lmasligi ta’kidlanadi. Shuningdek, odamlarni iymonli, e’tiqodli bo‘lishga, doimo pokiza yurishga, tanani ozoda tutishga, har qanday yomon niyat va so‘zlardan tiyilishga, yomon amallardan voz kechishga, nojo‘ya ishlardan yuz o‘girishga da’vat etadigan axloqiy qoidalar, o‘gitlar nihoyatda ko‘p. Asrlar o‘tibdiki, Avestoda olg‘a surilgan ezgu niyatlar, ezgu kalom va ezgu amal barcha insonlarni ezgulik tomon chorlab ularni ruhan poklab, yuksak ma’naviyat tomon yetaklaydi. Homidiy shunday fikr bildiradi:

"Inson boshqalarga hasad qilmasligi kerak, ezgu fikrli inson jilovlanmagan g‘azab va boshqa ehtiroslarga tushmaydi. Zero, bu holatda u ezgu fikrni yo'qotadi, burch va adolatni unutadi va o‘ylamagan xatti-harkatlarga yo‘l qo'yadi".

"Avesto fayzlari" da aytilishicha, o‘sha davrda bola tarbiyasi va ta’limiga katta ahamiyat berilgan. "Tarbiya hayotdagi eng muhim tayanch sanalishi lozim, har bir yoshni shunday tarbiyalash kerakki, avval o‘qishni, keyin yozishni o’rganib olgach, eng yuqori darajaga ko‘tarilsin".



Xulosa qilib aytadigan bo'lsak, Avestoning yaratilganiga 3000 yil bo'lgan bo’lsada, talabalarning ma’naviy sifatlarini tarbiyalash va rivojlantirishda zarur vosita bo‘lib xizmat qila oladi. Shuning uchun ham mazkur manbadagi eng qimmatli, muhim tarbiyaviy ahamiyatga ega bo‘lgan yuqorida ko'rsatib o‘tilgan qoidalami pedagogika tarixi kursi mazmuniga singdirish bo‘lajak o‘qituvchilarni ma’naviy hamda kasbiy jihatdan qurollantirishda ilmiy-amaliy qimmatga egadir.
Download 18.5 Kb.

Do'stlaringiz bilan baham:




Ma'lumotlar bazasi mualliflik huquqi bilan himoyalangan ©fayllar.org 2020
ma'muriyatiga murojaat qiling