Internet va undan foydalanish asoslari. Internetning tarkibiy qismlari va resurslari haqida umumiy tushunchalar

Aim.uz

Internet va undan foydalanish asoslari. Internetning tarkibiy qismlari va resurslari haqida umumiy tushunchalar.

Internet o’z - o’zini shakllantiruvchi va boshqaruvchi murakkab tizim bo’lib, asosiy uchta tarkibiy qismdan tashkil topgandir:

1. Texnik

2. Programmaviy,

3. Informatsion

Internetning texnik tarkibiy qismi har-xil turdagi, tipdagi kompyuterlar, aloqa kanallari (telefon, sputnik, shisha tolali va boshqa turdagi tarmoq kanallari), hamda tarmoq texnik vositalari majmuidan tashkil topgandir. Internetning ushbu texnik vositalarining barchasi doimiy va vaqtinchalik asosda faoliyat ko’rsatishi mumkin. Ulardan ixtiyoriy birining vaqtinchalik ishdan chiqishi Internet tarmog’ining umumiy faoliyatiga aslo ta'sir etmaydi.

Internetning programmaviy ta'minoti (tarkibiy qismi ) tarmoqqa ulangan xilma-xil kopyuterlar va tarmoq vositalarini yagona standart asosida (yagona tilda) muloqot qilish, ma'lumotlarni ixtiyo riy aloqa kanali yordamida o’zatish darajasida qayta ishlash, axborotlarni qidirib topish va saqlash, hamda tarmoqda informatsion xafsizlikni ta'minlash kabi muhim vazifalarini amalga oshiruvchi programmalar majmuidan iboratdir.

Internetning informatsion tarkibiy qismi Internet tarmog’ida mavjud bo’lgan turli eliktiron hujjat, grafik rasm, audio yozuv,vedio tasviri va hokozo ko’rinishdagi axborotlar majmuasidan tashkil topgandir. Ushbu tarkibiy qismning muhim xususiyatlaridan biri, u butun tarmoq bo’ylab taqsimlanishi mumkin. Masalan, shaxsiy kompyuteringizda o’qiyotgan elektron dasligingizning matni bir manbadan, rasmlari va tovushi ikkinchi manbadan, videotasver va izohlari esa uchunchi manbadan yigilishi mumkin. Shunday qilib, tarmoqdagi eliktron hujjatni o’zaro moslashuvchan «gepir-bog’lanishlar» orqali bir necha manbalar majmuasi ko’rinishda tashkil etish mumkin ekan. Natijada millionlab o’zaro bog’langan eliktron hujjatlar majmuasidan tashkil topgan informatsion muhit hosil bo’ladi.

Aim.uz