Kirish Nazariy qism Texnologik xisobotlar
Download 0.69 Mb.
|
Нормирзаев Сардор курс иши
- Bu sahifa navigatsiya:
- Nazariy qism Misli ashyolarni qayta ishlashning zamonaviy usullari
- Yallig‘ qaytaruvchi eritish pechi .
- Olmaliq mis eritish zavodidagi eritish pechlar i ning ayrim taqqoslovchi ko‘rsatkichlari [15, 16, 17]
- Kislorodli-mash’alli eritish pechi.
- Vanyukov pechi (VP)
Mundarija: Kirish........................................ Nazariy qism............................ Texnologik xisobotlar............. Xulosa ...................................... Adabiyotlar ro‘yxati................. KIRISH Prezidientimiz Mirziyoyev Shavkat Miramanovich O`zbekiston Respublikasining yaqin 5-yillikda qo`yilgan strategik masalalar yuzasidan Oliy Majlisda so`zlagan nutqlarida, 2017-2021-yillarda O‘zbekistonni yanada rivojlantirish bo‘yicha Harakat strategiyasi loyihasini keng muhokama qilish davomida kelib tushgan takliflarni inobatga olgan holda, 2017-yil uchun mo‘ljallangan iqtisodiy va ijtimoiy dasturning o‘n bitta eng muhim ustuvor vazifasi taklif etildi. Import hajmi va tarkibini tizimli tahlil qilish, mamlakatimizda raqobatbardosh va eksportbop mahsulotlar ishlab chiqarishni ko‘paytirish, ichki tarmoq va tarmoqlararo sanoat kooperatsiyasini rivojlantirish hamda mustahkamlash e’tiborga olingan holda, ishlab chiqarishni mahalliylashtirish jarayonini chuqurlashtirish iqtisodiyotimizning yuqori o‘sish sur’atlarini ta’minlash imkonini bermoqda. O‘zbekiston metallurgiya sanoati o‘z mavqeini yildan-yilga mustahkamlab bormoqda. Negaki, qudratli mineral-xomashyo bazasi va tog‘-kon sanoati korxonalarining mavjudligi tufayli mamlakatimiz Markaziy Osiyo mintaqasida qora va rangli metall ishlab chiqarish bo‘yicha yetakchi o‘rinlardan birini egallaydi. O‘zbekiston metallurgiya kombinati mamlakatimiz metallurgiya sanoatining eng ilg‘orlaridan hisoblanadi. Nazariy qism Misli ashyolarni qayta ishlashning zamonaviy usullari Hozirgi kunda texnika taraqqiyoti yuksak darajada shunchalik tez va eng zamonaviy elektron texnikalar bilan jihozlangan holda rivojlanmoqdaki, bu esa o‘z navbatida, mis olish texnologiyasiga ham o‘zining kuchli ta’sirini o‘tkazmoqda. Mis olish, uning xomashyolarini qayta ishlash qadimdan yo‘lga qo‘yilganligi, miloddan oldingi asrlarda ham bizning hududimizda mis rudalari qazib olinganligi oldingi bo‘limlarda ta’kidlab o‘tilgan edi. Arxeologik qazilmalar va ayrim tarixiy manbalar shuni ko‘rsatadiki, qadimiy Iloq viloyatining poytaxti Tunkentda, To‘qkentda (Pskent tumani, hozirgi Qirqqiz jamoa xo‘jaligida), Qurama tog‘ tizmalarida misli hamda qo‘rg‘oshinli, oltin va kumushga boy rudalar qo‘l mehnati orqali qazib olinib, ba’zan alohida boyitilib, ba’zan esa boyitilmasdan pechlarda eritilgan. Taxminlarga qaraganda, VI asrgacha mis va oltin boyitilmasdan to‘g‘ridan-to‘g‘ri eritilgan. Mis, oltin izlovchilar tomonidan konlarda yerosti va yerusti usuli bilan ularni rangiga qarab (mis qizg‘ish, oltin sarg‘ish rangda bo‘lgan) o‘tkir bolg‘acha va teshalar bilan ajratib olingan. Ayrim joylarda toshlarni yuqori alangada qizdirib, so‘ng suv sepib, minerallarni darz ketkazish yo‘li bilan parchalab, eritish pechlariga olib keltirilgan. Bu eritish pechlari uchun avvaliga yerni 1–2 metr o‘yib, yon tomonlariga, chekkalariga, mo‘rilariga o‘tga chidamli toshlarni terib, havo berish orqali eritish jarayonini amalga oshirganlar. VIII – X asrlarga borib nafaqat erkin holdagi mis, balki oksidlangan holdagi mislar ham ishlatiladigan bo‘ldi. Sabab, oksidlangan mis xrizokola, malaxit, kuprit, azurit holatida bo‘lib, ular konning ustki qatlamida joylashadi va boshqa tog‘ jinslariga nisbatan o‘zining rangi orqali ajralib turadi. Pechlar esa biroz hajmi kengaytirilib, yer ustida poydevor qurilib, so‘ng o‘tga chidamli g‘ishtlardan terilgan. Ularni hozirgi minorali pechlarga, biroz bo‘lsa-da, o‘xshatish mumkin. X–XII asrlarga kelib Shosh, Iloq davlati mis, oltin, kumushni nafaqat metall, balki qotishma holida, tanga, zeb-u ziynat holida tayyorlash bo‘yicha butun O‘rta Osiyoda yuqori o‘rinlardan birini egallaydi. Tozaligi va sifatliligi jihatidan bu davlat butun Mo‘g‘uliston, Arab mamlakatlari hattoYevropaga ham aynan shu metallar orqali tanildi. Mo‘g‘ullar davri va undan keyingi davrlarda metalni eritib olish juda kam amalga oshirilgan. Yozma ma’lumotlarga suyangan holda shuni aniqlash mumkinki, Petr I davrida Rossiyada metallurgiya, ayniqsa, qora metallurgiya nihoyatda rivojlanib, dunyoda birinchilar qatoridan o‘rin egallagan. 1920–1930-yillarga kelib esa metallurgiya asta-sekin qayta tiklanib, rangli, so‘ng nodir va qimmatbaho metallar ajratib olish yo‘lga qo‘yila boshlandi. Bir vaqtlar 80–90 % mis aynan yallig‘ qaytaruvchi eritish pechida qayta ishlanib, bu usul dunyo bo‘yicha yetakchi o‘rinlardan birini egallab kelgan bo‘lsa, hozirgi kunda ushbu usul zamonaviy talablarga javob berolmay qoldi. Lekin shunday bo‘lsa-da, AQSH, Kanada, Finlandiya va MDH mamlakatlarining ko‘pgina eritish korxonalarida haligacha ishlab turibdi. Yallig‘ qaytaruvchi eritish pechining qariyb sakson yildirki texnologiyadan chiqib ketmasligining sababi bor, albatta. Ulardan eng asosiysi, har qanday namlikda, ashyoning yirikligi, hatto uning tarkibi, pechning iqtisodiy ko‘rsatkichiga unchalik ta’sir qilmaydi. Shuningdek, suyuq holdagi konverter toshqollariga qayta ishlov berish imkoni ham mavjud. Quydagi rasmda yallig‘ qaytaruvchi eritish pechining sxematik yon tomonidan ko‘rinishi tasvirlangan. Yallig‘ qaytaruvchi eritish pechi. Rasmdan ko‘rinadiki, pechning har ikkala yon tomonining tepasidan, aynan qiyalikka, xomashyo yuklanadi. Shuningdek, yuklatish xampa yonidan, asosan, texnologik kislorod yoki goh siqilgan havo (yoki aralashmasi) ham qiyalikni qizitish uchun purkaladi. O‘rtacha 200–240 m2 maydondagi pechlarga har ikkala tomondan o‘rtacha 16 tadan 32 tagacha yuklatish xampalari hamda ularga gaz va kislorod purkash uchun yondirgich qurilmalar o‘rnatilgan bo‘ladi. Yallig‘ qaytaruvchi eritish pechining minorali pechni, biroz bo‘lsa-da, texnologiyadan siqib chiqarishining asosiy sabablaridan biri mis rudalarini flotatsiya usuli bilan boyitishning har tomonlama taraqqiyotidir. Minorali pechlarda, yallig‘ qaytaruvchi pechlardan farqli ravishda, mis boyitmalarini qayta ishlash imkoni yo‘q. XX asrning 80–90-yillariga kelib, yallig‘ qaytaruvchi pechda umumiy mis eritish ko‘rsatkichi dunyo miqyosida 80% dan 50 – 60%ga tushib qoldi. Buning asosiy sabablaridan biri avtogen jarayonlarining keng ko‘lamda sanoatda ishlatilishidir. Olmaliq tog‘-metallurgiya kombinati boshqa zavodlardan o‘zining ikki xil jarayon bilan ishlayotganligi, ikkita eritish agregatining mavjudligi bilan farq qiladi. Bular yallig‘ qaytaruvchi eritish va kislorodli-mash’alli eritish pechlaridir. Quyidagi jadvalda Olmaliq mis eritish zavodidagi eritish pechlarining ayrim taqqoslovchi ko‘rsatkichlari keltirilgan. Olmaliq mis eritish zavodidagi eritish pechlarining ayrim taqqoslovchi ko‘rsatkichlari [15, 16, 17]
Quyidagi rasmda Olmaliq mis eritish zavodida ishlayotgan kislorodli- mash’alli eritish pechining yon tomondan ko‘rinishi tasvirlangan. O‘tga chidamli, olovbardosh g‘ishtlar bilan qadalgan, devorlari oralig‘ida suvli quvurlar, ya’ni kessonlar o‘rnatilgan bo‘lib, ular pech devorlarining chidamliligini saqlaydi. O‘rtacha 0,5 % gacha quritilgan kukunsimon xomashyo texnologik kislorod yordamida pechga purkaladi. Bu har ikkala eritish agregatiga tasnif hamda izoh berishdan oldin, MDH mamlakatlarida va boshqa mis ishlab chiqarish bo‘yicha yetakchi o‘rinlarda turgan davlatlarda eng zamonaviy, yuqori ko‘rsatkichlar bilan ishlayotgan va butun dunyoda o‘zining texnik-iqtisodiy afzalliklari bilan ajralib turadigan eritish dastgohlari haqida to‘xtalib o‘tamiz. Kislorodli-mash’alli eritish pechi. Dunyoda mis eritib chiqarish bo‘yicha yetakchi o‘rinlardan birini egallab turgan AQSH yiliga 1,5 mln. tonnadan ortiq, MDH mamlakatlari hamda Yaponiyada 1 mln. tonnadan ortiq, Xitoy va Chilida 2 million tonnadan ortiq mis sof metall holida ishlab chiqarilayotgan bo‘lsa, Zambiya, Germaniya, Belgiya, Kanada, Avstraliya kabi mamlakatlar ham juda katta mis koni zaxiralari hamda yuqori texnologiyada ishlaydigan agregatlari tufayli yetakchi mis ishlab chiqaradigan mamlakatlar sirasiga kiradi. Asrimizning eng taraqqiy etgan eritish pechlari qatorida avtogen jarayonlarni o‘z ichiga olgan pechlar haqida ma’lumot bermay ilojimiz yo‘q. Barcha avtogen eritish agregatlarining paydo bo‘lishiga ham asosiy sabab – boyitish usullarining o‘ta taraqqiy etganligidir. Chunki boyitishdan so‘ng olingan mis boyitmalari mayda, kukun holida bo‘lib, avval yallig‘ qaytaruvchi pechlar, keyin elektr pechlari va nihoyat, avtogen eritish pechlarining paydo bo‘lishiga olib keldi. Avtogen jarayon aslida bugun yoki kecha o‘ylab topilgan yangi jarayon emas. O‘z-o‘zidan issiqlik chiqishi bilan boradigan jarayonlar qariyb 100 yildirki sulfidli va oksidli boyitmalarni oksidlovchi kuydirish jarayonida, shuningdek, misli-nikelli shteynlarni konvertorlash jarayonida ham keng qo‘llanib kelinmoqda. Bunda sulfidli birikmalarning oksidlanishi, parchalanishi mobaynida yuqori haroratning ajralib chiqishi natijasida boradigan jarayon XX asrning boshidayoq sanoat miqyosida keng qo‘llanilgani texnologiya tarixidan yaxshi ma’lum [18]. Avtogen eritish texnologiyasini, umuman olganda, oksidlovchi jarayon ham deyish mumkin. Avtogen jarayonlarda issiqlik almashuvi, massa almashuvi hamda issiqlikning uzatilishi boshqa pechlarga qaraganda umuman boshqacha bo‘lishi kuzatilgan, ya’ni oqova gaz harakat yo‘nalishi toshqolning erish haroratiga nisbatan yuqori bo‘ladi. Shuning uchun ham issiqlikning yo‘qolishi, ya’ni oqova gaz bilan tashqariga chiqib ketishi, biroz bo‘lsa-da, yuqoriroqdir. Yonilg‘ilar, yoqilg‘i resurslarining yildan-yilga kamayib ketishi va elektr energiya narxining ortib turishi avtogen jarayonlarning mavqeini yuqori ko‘rsatkichga ko‘tarib kelmoqda. Chunki avtogenli agregatlarga deyarli yoqilg‘i yoki qizitish uchun elektr energiyasi berilmaydi. Haroratni orttirish uchun ko‘pincha pechga oksidlash uchun purkalayotgan havo yoki texnologik kislorod qizdirib beriladi. Shunday pechlar sirasiga kirgan Vanyukov pechi XX asrning o‘rtalarida taklif etilgan. Keyinchalik 90-yillarga kelib, u sanoatda keng ishlatilib, suyuq vannada eritish (ya’ni Vanyukov) pechi nomini oldi. Quyidagi rasmda “Vanyukov pechi”ning umumiy ko‘rinishi tasvirlangan. Bu pech haqida keyingi bo‘limlarda batafsil so‘z yuritiladi. Vanyukov pechi (VP) (Suyuq vannada eritish pechi). Download 0.69 Mb. Do'stlaringiz bilan baham: |
ma'muriyatiga murojaat qiling