Kitobimni qancha sevsam oz bo’lur

Kitobimni qancha sevsam oz bo’lur

Kitobimni qancha sevsam oz bo’lur,

Kitob desam, ko’nglim bahor, yoz bo’lur.

Kitobimni desam agar ko’klam,yoz,

Ko’klam, yozning umri lekin undan oz.

Tezda chaman yaprog’i so’lar, qurir,

Kitob chaman bo’stonim so’lmas bo’lur.

Kitobimni Quyosh, Oy, Yulduz desam,

Kitobimdek emas ular o’ylasam.

Quddus Muhammadiy

Kitob

­­­­­­­­­­­­­­­­­­-Eng yaqin do’stim, Ayt, nima uchun

Qani, ayt-chi, kim? Xursandmiz, Uchqun

Bilsang, darrov top. –Bizga juda bop

-Bebaho kitob. Chiqibdi kitob.

Kitob keng dunyo,

So’zi nur go’yo.

Qo’ysang mehringni,

Ochar zehningni.

Qudrat Hikmat

Kitob nima desalar

Kitob nima,desalar,

Kitob-bu kon, dedilar.

Qo’shilmayman hech bunga,

O’xshamaydi u konga.

Yillar, asrlar o’tib,

Konda ma’dan tugaydi.

Gaz-u temir, ko’mir ham

Oz-ozdan tugaydi.

Kitoblar-chi, aksincha,

Oshib borar yilma-yil.

Turar dunyo turguncha

Ko’chib yurar tilma-til.

Miraziz A’zam