«Lazgi» ashula va raqs ansambli

«Lazgi» ashula va raqs ansambli
1957 yilda VI yoshlar festivalida qatnashish uchun Madaniyat vazirligidan Xorazmga yoshlarni tanlab olish va ansambl tashkil qilish maqsadida Gavhar Raximova jo‘natiladi. O‘zbekiston xalq artisti Gavhar Raximova Xorazmda Gulsara Yoqubova, Munavvar Davletova, Maryam Ixtiyorova, Otajon Rajabov, O‘rinboy Otajonov, Anabiyi Axmedova, Otamurod Xojiyev va yana boshqalarni tanlab olgan. Bir nechta ustozlardan qo‘shiq va raqslar o‘rganib, Xivadagi muzeyga borib ansambl uchun kiyimlar tiktirgan. Shu davrda ansambl 20-25 kishidan tashkil topgan bo‘lib, Urganchda ilk konsert dasturini komissiya a’zolariga namoyish qilishadi. Ansambl komissiya tomonidan yaxshi kutibolingan va ansambl vakillariBuxoro, Samarqand, Jizzax, Farg‘ona vodiysida konsert beradilar.

Toshkentga kelib ansambl ijodkorlari barcha ansambllar bilan Moskva shahridagi festivalga tayyorgarlik ko‘rishadi. Moskvadagi butunjahon yoshlar festivalida ansambl a’zosi Otamurod Xojiyev «Lazgi» raqsi bilan birinchi o‘ringa hamda «Lazgi» ansambli esa ikkinchi o‘ringa sazovor bo‘lgan. 1959 yil Moskvada O‘zbekiston san’ati va adabiyoti dekadasi bo‘lib o‘tishi munosabati bilan 1958 yilda ushbu dekadaga ansamblni tayyorlash Komiljon Otaniyozovga topshirilgan. O‘shadavrda ansambl «Xorazmashulavaraqs ansambli» debnomlangan.

Komiljon Otaniyozov rahbarligi davrida ansamblda taniqli ustozlar faoliyat yuritishgan. Bular qatoriga O‘zbekiston xalq artisti Komuna Ismailova, Ro‘za Sapayeva, Sherozi ota, Nurmamat ota, Fozil Xarratov, Muxammadjon Mirzayev, Otaxon Matyoqubov, Najot To‘raxo‘jayevlarni keltirish mumkin. 1968 yili «Lazgi» ansamblini qaytadan tuzish uchun taklif bildiriladi. Gavhar Raximova ansamblga badiiy rahbar etib tayinlangan. 1982 yildan «Lazgi» ansambliga O‘zbekiston xalq artisti Ortiq Otajonov rahbarlik qilgan. 1985-1988 yillarda ansamblga O‘zbekistonda xizmat ko‘rsatgan artist Ravshanoy Sharipova rahbarlik qilgan.

Keyinchalik, 1989 yildan 2007 yilgacha «Lazgi» ansambliga O‘zbekistonda xizmat ko‘rsatgan artist Raxmatjon Qurbonov rahbarlik qildi. O‘sha paytda ansamblda Otamurod Xojiyev, Rashid Rahmonov, Gulimmat Sobirov, Nurilla Jumaniyozov, Mavluda Oynaqulova, Urbigul, Olmagul Shuriboyevalar, Nurjaxon Sattorova, Nazokat Jabborova, Hasan Karimov, Otamurod Bekchonov, Gulsara Yoqubova, Feruza Solihova, Ilgiza Zaripova, Zamira G‘afforova va boshqalar faoliyat yuritganlar. Zuxra G‘iyosova esa raqslarni sahnalashtirgan. «Lazgi» ansambli Tunis, Marokash, Iordaniya, Misr, Hindiston, Malayziya, Efiopiya, Afg‘oniston, Xitoy, Janubiy Korea, Rossiya, Isroil, Germaniya, Fransiya, Belgiya, Chexoslavakiya, Polsha, Turkiya va dunyoning boshqa mamlakatlarida konsert dasturlarini namoyish etgan.

«Lazgi» ansambli faoliyatining yangi bosqichi 2015 yil yanvaridan boshlangan deyish mumkin. O‘zbekiston Respublikasining birinchi Prezidenti I.Karimov qarori bilan «Lazgi» ashula va raqs ansambli qaytadan tashkil qilindi. Ansamblga O‘zbekistonda xizmat ko‘rsatgan artist Og‘abek Sobirov badiiy rahbar etib tayinlandi. Shu qisqa vaqt davomida «Lazgi» ansambli birnechta gastrol safarlari va konsert dasturlarida qatnashdi. Yangi tashkil topgan «Lazgi» ansamblining ilk konsert dasturlari Navoiy viloyatining Uchquduq, Zarafshon shaharlari, Navoiy shahridagi «Qizilqum» o‘yingohida namoyish qilindi. «Lazgi» ansamblining ilk konsertida Xurshid Sobirov, Anvar Sobirov, Zafar Qurbonboyev va Og‘abek Sobirov larishtirok etdilar. Hozirgi kunda ansamblda Og‘abek Sobirov, Zafar Qurbonboyev, Hulkar Abdullayeva, Anvar Sobirov, Rohila Ro‘zimova, Feruzbek Normetov, Xurshid Sobirov, Dilmurod Otajonov, Bobur Sobirov va boshqa san’atkorlar faoliyat ko‘rsatmoqdalar.
"LAZGI", "Oʻzbekraqs" qoshidagi Komiljon Otaniyozov nomidagi "Lazgi" ashula va raqs ansambli — Xorazm ashula va raqs ansambli. Oʻzbek davlat filarmoniyasi (Toshkent) qoshida 1957 yil tashkil etilgan. 1968 yildan "Lazgi" nomida, 1991 yildan Komiljon Otaniyozov nomida, 1997 yildan "Oʻzbekraqs" tarkibida. Asoschisi, badiiy rahbari va bosh baletmeysteri G. Rahimova. Keyingi rahbarlari K. Otaniyozov (1958 —59), O. Otajonov (1982—86 va 1987— 88), R. Sharipova (1986-87), R. Qurbonov (1988 yildan). Ansamblning bosh baletmeysteri — Oʻzbekistonda xizmat koʻrsatgan artist 3. Gʻiyosova, yetuk ijrochilari — O. Otajonov, G. Yoqubova, Oʻzbekistonda xizmat koʻrsatgan artistlar F. Solihova, Sh. Sultonov, I. Zaripova, M. Oynaqulova va shuningdek, 3. Gʻafforova, O. va U. Suyurboyevalar va boshqa Ansambl repertuari, asosan, Xorazm xalq qoʻshiq va raqslari ("Norim-norim", "Orazibon", "Ogʻajon", "Surnay lazgisi", "Xiva lazgisi"), masharaboz oʻyinlari ("Choʻgurma raqsi", "Chogʻalloq" va boshqalar), shuningdek, zamonaviy qoʻshiqlar ("Oʻzbekiston qizlari", "Xorazm paxtasi", "Mening yorim", M. Mirzayev; "Sen va men", "Kelkel yorim", "Xorazmu Buxoro", O. Otajonov), ashula-raqs kompozitsiyalari va syuitalar ("Salom sizga Xorazmdan", K. Otaniyozov; xalq kuylaridan tuzilgan "Lazgi salomi", "Xorazm toʻyi", "Xiva sayili", "Arka momoning niyat kitobi", "Ogʻa qaqir", "Hayroniman", "Maqom" va boshqalar)dan iborat. "L." ijro dasturidan hind, arab, tojik, rus, turkman, qozoq, ozarbayjon, ajar, afgʻon, gruzin, uygur va boshqa xalqlarning raqslari qam oʻrin olgan. "L." Yevropa va Osiyo mamlakatlarida gastrolda boʻlgan. Korfagendagi Etnografik ansambllar 8-festivali diplomanti (Tunis, 1975), Iordaniyaning 1-darajali "Mustaqillik" ordeni bilan takdirlangan (1984). Botir Matyoqubov.
Raqs faqat odamlar tomonidangina emas, balki boshqa hayvonlar (masalan, asalarilar, qushlar) tomonidan ham bajariladi. Jonsiz jismlar ham raqsga tushishi mumkin — metaforik: "barglar shamolda raqs tushishmoqda" yoki haqiqatan: robotlar raqsi. Gimnastika, sinxron suzish va baʼzi jang sanʼatlarini ham raqsga qiyoslash mumkin.
Raqs aynan nima ekanligi ijtimoiy, madaniy, estetik, artistik va maʼnaviy cheklovlarga bogʻliq va funksional harakatdan (xalq raqslari) tortib virtuoz texnikagacha (balet) boʻladi. Raqs ommaviy (toʻy-bazmlarda), ijtimoiy (vals), ijroiy (sahnada), tantanali (hind raqslari), musobaqa (badiiy gimnastika) va erotik (striptiz) turlarga ajratiladi. Raqs harakatlari orqali fikrlar va hissiyotlarni yetkazish, hikoyanavislik qilish mumkin. Raqs evolutsiyasi natijasida turfa uslublar kelib chiqdi. Masalan, nisbatan yaqinda paydo boʻlgan breakdance hip hop madaniyatiga oiddir; afrikacha raqs esa izohlanishlidir; balet va vals klassik raqs boʻlsa, step zamonaviydir. Katta tezlikli raqslarga tushayotganda tajriba va ehtiyotkorlik talab etiladi, yoʻqsa (pay tortishishi va hk) jarohatlanish mumkin. Raqs ijrosi sanʼati xoreografiya deyiladi. Raqs yaratuvchi shaxs esa xoreograf deb ataladi.
Raqqos(a)ning garmonik tana harakati va holatlari, plastik ifodaviyligi va yuz imo-ishoralari, ritm, temp, kompozitsiya orqali obraz yaratish raqsning asosiy vositasidir. Insonning mehnat jarayoni va borlikdan olgan emotsional taassurotlari bilan bogʻliq holda yuzaga kelgan. Dastlab qoʻshiq va soʻz bilan bogʻliq boʻlib, keyinchalik mustaqil sanʼat turiga aylangan. Raqs asrlar davomida takomillashib, barqaror shakllarga ega boʻla borgan. Ijrochining libosi raqs obrazlariga aniqlik beradi.
Har bir xalqning raqs anʼanalari, ijro uslubi, plastik tasviriy vositalari boʻlib, ular tarixiy, ijtimoiy va geografik sharoitlar taʼsirida tarkib topib rivojlangan. Raqs xalq marosimlari, bayramlarining tarkibiy qismidir. Ular bilan bogʻliq holda xorovod va marosim oʻyinlari paydo boʻlgan. Xorovodlar asta-sekin marosim oʻyinlaridan xalos boʻlib, xalq turmushining ayrim tomonlarini aks ettira boshlagan. Xalq raqsida ovchilik, chorvachilik, dehqonchilik va hunarmandlik bilan boglik mavzular, shuningdek, xalqning bosqinchilarga qarshi kurashi va lirik kayfiyati oʻz aksini topgan.
Raqs musiqa bilan uzviy bogʻliq, musiqa mazmunini obrazlar vositasida ochib beradi. Xalq raqslarida ritm muhim boʻlib, u musiqada oʻz ifodasini topadi, oyoq, koʻl, bosh va tana harakatlari umumiy ritmga boʻysunadi, bir-biri bilan boglanadi. Oʻzbek raqslari mazmunini ifodalashda ijrochilar tepki, qarsak, zangdan ham foydalanadi. Ayrim raqslar roʻmol, piyola, qadah kabi buyum bilan ijro etiladi, baʼzan ijrochi xalq cholgʻu asboblari (qayroq, doira, nogʻora va h.k.)da oʻziga oʻzi joʻr boʻladi. Gʻarbiy Yevropa xalqlari raqsida, asosan oyoq harakatlari muhim boʻlib, qoʻl va tana harakatlari unga joʻr boʻladi. Sharqda esa qoʻl va tana harakatlari plastik ifodaviylikning asosiy vositalaridir. Sahnaviy raqs xalq ijodiga tayanadi, uning merosi va oʻziga xos fazilatlarini saqlaydi va rivojlantiradi. U dastlab Yunoniston, Hindiston va boshqa mamlakatlarda paydo boʻlgan. Xalq raqslari asosida tarkib topgan professional raqslar yuksak darajada rivojlanib, turli raqs tizimlari (xususan, Yevropa va sharq mumtoz raqslari) qaror topgan.
Yevropa professional raqs sanʼatining rivojlanishiga Yunoniston va Rim raqs sanʼati salmoqli hissa qoʻshdi. Oʻrta asrlarda Yevropada jonglyor, shpilman va skomoroxlar ijodidagina professional raqsning ilk koʻrinishlari namoyon boʻldi. 15—16-asrlarda moreski, ballafigurato nomli syujetli raqslar rasm boʻlib, raqs haqida risola va darsliklar yaratildi. 17—a.da balet raqs spektakllari yuzaga keldi va raqs sanʼati yangi texnika bilan boyidi. 20-asr boshida esa "modern" (ritmoplastik) raqsi paydo boʻldi. 40—60-yillarda Yevropa va AQSH da konsert ijrochiligiga moʻljallangan kichik xoreografik asarlar, estrada raqs rivoj topdi.
Markaziy Osiyo, jumladan, Oʻzbekiston hududida topilgan qoya tosh tasvirlari arxeologik topilmalar bu yerda raqs juda qadimligidan guvohlik beradi. Oʻzbek raqs sanʼatining qadimiyligi, shakl va turlarining boyligi ajdodlarimiz asosan dehqonchilik va hunarmandchilik bilan bogʻliq boʻlganidan kelib chiqqan. Zardushtiylarning muqaddas kitobi "Avesto" davridayoq raqs sanʼati shakllanib, xalq va professional raqs — ikki yoʻnalishda rivojlanishga kirishgan edi. Yunon — Baqtriya podsholigi davrida (mil, av. 4—3-asrlar) Turon raqs sanʼatining darajasi Yunoniston, Vizantiya, Hindiston va Xitoy raqsi bilan bahslashishiga imkon bergan. Shahar madaniyatining rivojlanishi tufayli bu sanʼat yanada mazmundor va rang-barang boʻla boradi. 4—8-asrlarga kelib Oʻzbekistonning Samarqand, Buxoro, Shahrisabz va Toshkent kabi shaharlaridan raqs ustalari Buyuk ipak yoʻllari boʻylab Rum, Misr, Gʻarb oʻlkalarigacha, Sharqda Xitoy, Koreya va hatto Yaponiyagacha borib, oʻz sanʼatlarini namoyish etadilar. Chunonchi, Xitoyda ajdodlarimizning "Xusyuanʼu" raqsi mashhur boʻlgan. Shoir Yuan Chjan (776—831) va boshqalar madh etgan.
Musulmonlik davrida ham Oʻzbekiston sarhadlarida turli taraqqiyot bosqichlarida paydo boʻlgan. Raqslar, oʻyinlar bir-biriga taʼsir koʻrsatib, yonmayon yashab kelgan. Shu bois shahar va qishloqlarda oʻtkazilgan toʻy, bayram va maʼrakalardagi "Beshqarsak" kabi qad. oʻyinlar ham, "Katta oʻyin", "Lazgi", "Kema oʻyin", "Ashshadaroz" singari katta umumlashmaga, ramziy timsollarga ega. Rlarni ham, jangovar oʻyinlarni ham uchratish mumkin boʻlgan. 9—12-asrlardagi Uygʻonish davrida raqs sanʼatida ham chinakam koʻtarilish yuz bergan, koʻpgina qad. Raqslar tiklanib, navroʻz, mehrjon va sada bayramlarida namoyish qilingan. Abul Fayz Bayhakiyning yozishicha, oʻsha davrda birgina Termiz shahrining oʻzida yuzlab sanʼatkorlar boʻlib, Amir Maʼsudni kutib olish uchun Termizdan 300 dan ziyod sanʼatkor Amudaryo boʻyiga kelgan ekan. Buxoro, Gurganj, Kesh va boshqa shaharlarda ham raqsga eʼtibor baland boʻlgan. Xorazmda Abul Abbos Maʼmun hukmronligi davrida (1003—1017) raqs sanʼati yaxshi rivojlangan.
Raqs sanʼati, ayniqsa, Amir Temur va temuriylar saltanatida ravnaq topgan. Unda xotinqizlarning oʻrni katta boʻlgan. Rang-baranglik, tarixiy qatlamlar raqsda yaqqol koʻzga tashlangan. Olov atrofidagi oʻyinlar, Anaxita va Rustam timsollariga bagʻishlangan oʻyinlar, maqom raqslari, "Argʻushtak" kabi raqslar shu jumladandir. "Munojot", "Tanavor", "Lazgi" raqslari ham aynan shu davrda malakali ijrochilar dasturidan mustahkam oʻrin olgan. 15-asrning 2-yarmi va 16-asr boshida Sayyid badr, Tohir chakka, Mohchuchuk, Maqsudali, Katta Moh, Kichik Moh laqabli raqs ustalari shuhrat qozondi. Bu davrda raqs sanʼati xalq raqsi va malakali raqs yoʻnalishida rivojlandi.
Buxoro amirligi, Xiva va Qoʻqon xonliklari vujudga kelgach, raqs sanʼatida ham oʻziga xos uslublar maydonga keldi. Bu davrda jaholat, mutaassiblik kuchaygani sababli raqs sanʼatida oʻsmir bolalar va yigitlar yetakchilik qilgan. Ayollar raqsi esa sozanda (Buxoro amirligi), xalfa (Xiva xonligi) va yallachi (Fargʻona vodiysida) deb yuritilgan ayol sanʼatkorlardan iborat ixcham toʻdalarning teatrlashgan dasturlarida rivojlanib, ichkarilarda uyushtiriladigan ziyofat va bazmlarda koʻrsatib kelingan. Erkaklarning yigʻinlarida raqqosalar xufiyona qatnashganlar.
20-asrda raqs sanʼati Buxoro raqsi, Xorazm raqsi, Fargʻona raqsi yoʻnalishida; zamonaviy sahna talablari asosida qayta ishlangan sahnaviy xalq raqsi sifatida: milliy raqs unsurlaridan foydalangan balet spektakllari tarzida rivojlanib keldi. Mazkur yoʻnalishlarning har biri asr davomida bir necha tarixiy bosqichni bosib oʻtib, oʻz shaklishamoyili, mazmuniga ega boʻldi. Bir qator davlat va xalq raqs jamoalari jahonga tanildi. Bunda Hamdamxon, Yusufjon qiziq Shakarjonov, Usta Olim Komilov, Tamaraxonim, Mukarrama Turgʻunboyeva, Gavhar Rahimova, Roziya Karimova, Qunduz Mirkarimova, Karim Rahimov, Qodir Moʻminov, Maʼmura Ergasheva, Yulduz Ismashova, Shokir Ahmedov, Gavhar Matyoqubova, Rushana Sultonova, Dilafroʻz Jabborova, Qizlarxon Doʻstmuhamedova, Malika Ahmedova kabi raqs ustalarining xizmati katta.
Mustaqillik davrida raqs sanʼati yanada tez surʼatlar bilan rivojlanmoqda. 1997-yil 8-yanvarda Oʻzbekiston Respublikasi Prezidenti Islom Karimovning "Oʻzbekistonda milliy raqs va xoreografiya sanʼatini rivojlantirish toʻgʻrisida"gi farmoni va mazkur farmonni bajarish yuzasidan Vazirlar Mahkamasining oʻsha yili 25-fevralda 101-qarori chikdi. Shu asosda M. Turgʻunboyeva nomidagi "Oʻzbekraqs" ijodiy birlashmasi tashkil topdi, birlashma qoshida maxsus jamgʻarma tuzildi. Xoreografiya bilim yurti negizida esa Toshkent davlat milliy raqs va xoreografiya oliy maktabi barpo etildi. "Oʻzbekraqs", "Oʻzbeknavo" ijodiy birlashmalari tarkibidagi ansambllar, xalq raqs merosini oʻrganish va tiklash asosida yangi raqslar yaratish, anʼanaviy raqslarni asrabavaylash va munosib darajada namoyish etish, yosh raqqos va raqqosalarni tarbiyalab yetishtirish boʻyicha olib borayotgan harakatlari ijobiy natijalar bermoqda. Milliy raqs ijrochiligi boʻyicha M. Turgʻunboyeva nomidagi mukofot taʼsis etilgan. Bir qator davlat va xalq raqs ansambllari (masalan, "Bahor", "Tanavor" va boshqa), raqs ustalari jahonning turli mamlakatlarida boʻlib, oʻzbek raqs sanʼatini namoyish etmoqdalar.
Go'zallik dunyosi insonning shaxsiyatini doimo boyitadi va yuksaltiradi. JIDU o'qituvchilari va hodimlari poytaxtning yetakchi teatrlarining tez-tez mehmonlari. 13 iyun kuni Alisher Navoiy nomidagi Davlat akademik katta teatrining sahnasida "Ming bir kecha" baleti namoyish etildi. U ozarbayjonlik bastakor Fikret Amirovning (1922-1984) musiqasiga asoslangan.
Spektakl syjeti "Ming bir kecha" arab ertagiga asoslangan bo'lib, unda shoh Shahrixon o'z yosh rafiqasini begona kishi bilan ko`rib qoladi. Shuning uchun u uni va uning mamlakatidadi hamma yosh ayollarini jiddiy jazolashga qaror qiladi. Aql-zakovati va go'zalligi ramzi Shaherezada esa, shohning yuragini yumshatish maqsadida qadimgi afsonalarni unga aytib berishni qaror qiladi. Shunday qilib, u qadimgi Sharq xalqi eposidan turli xil voqealarni ming bir kecha gapiradi. Go'zal badiiy raqs, yuksak balet ijrosi va badiiy sahna ko'rinishi, bezatishi teatr tomoshabinlarga katta ta'sir etdi. O'zbek balet maktabimiz, san'atkorlarimizning balet mahorati bizning madaniyatimizning milliy yutug'idir va u jahon ahamiyatiga va shon-shuhratiga da'vo qilishi tabiiy.
Qoʻhna Ark, Juma masjidi va Ota darvoza oldidagi maydon har qachongidan goʻzal va maftunkor qiyofa kasb etgan.Festival doirasida bu yerda “Oʻzbekiston milliy raqs sanʼati” fotokoʻrgazmasi, xalq hunarmandchiligi mahsulotlari yarmarkasi tashkil qilindi.Viloyat musiqali drama teatri va Xiva qoʻgʻirchoq teatrining sahna koʻrinishlari, masxarabozlar, dorbozlar tomoshalari, Xorazm nonlarini tayyorlash boʻyicha mahorat darslari va mahalliy stilistlar tomonidan tayyorlangan shou dasturlar ishtirokchilarga bir olam zavqu shavq ulashdi.Raqs sanʼati ustalari bilan ijodiy uchrashuvlar,mahorat darslari,sayyor konsert dasturlari uyushtirildi. “Ulli hovli” sayyohlik markazida oʻtkazilgan konferensiya jahon xalqlari raqs sanʼati tarixi va rivojlanish bosqichlari,kelgusi istiqbollari haqida qizgʻin fikr almashuv, munozalarga boy boʻldi.Turli millat vakillari ijrosidagi jozibador raqslar sanʼatning bu turi tarjimon va izohga muhtoj emasligini, u ellarni ellarga,dillarni dillarga bogʻlovchi mustahkam vosita ekanligini yana bir bor isbotladi.