Mamlakatimizda amalga oshirilayotgan iqtisodiy islohotlar jaxon moliyaviy iqtisodiy inqirozi salbiy oqibatlarini chetlab o‘tishga qaratilgan bo‘lib, bu o‘z ijobiy natijasini ko‘rsatmoqda

KIRISH
Mamlakatimizda amalga oshirilayotgan iqtisodiy islohotlar jaxon moliyaviy – iqtisodiy inqirozi salbiy oqibatlarini chetlab o‘tishga qaratilgan bo‘lib, bu o‘z ijobiy natijasini ko‘rsatmoqda. Ayniqsa keyingi vaqtlarda ishlab chikarishni texnik va texnologik yangilashga alohida e’tibor qaratilmoqda.
Jahonda hamon davom etayotgan jahon moliyaviy-iqtisodiy inqirozi sharoitida byudjet tashkilotlarining faoliyat yuritish samaradorligi, moliyaviy barqarorligi va rivojlanish istiqbollari ko‘p jihatdan xo‘jalik jarayonida ishlab chiqarish va uning hisobini tashkil etishga bog‘liq bo‘lmoqda. Keyingi vaqtlarda byudjet tashkilotlarida qo‘shimcha daromad topish, ishlab chiqarish hisobini tashkil etishni milliy hamda xalqaro andozalar asosida takomillishtirish zaruriyati vujudga kelmoqda shu munosabat bilan sobiq Prezidentimiz I.A.Karimov aytib o‘tganlaridek “Joriy yilda mamlakatimiz iqtisodiyotini 8 foizga, sanoatni 8,4 foizga, qishloq xo‘jaligini 6 foizga, asosiy kapitalga kiritilgan investitsiyalar hajmini 11 foizga, xizmat ko‘rsatish sohasini qariyb 16 foizga oshirish va yalpi ichki mahsulotda uning ulushi 53 foizgacha o‘sishini ta’minlash vazifasi qo‘yilmoqda”. Ya’ni ishlab chiqarish hisobini ilmiy asoslangan holda tashkil etish asosida bevosita tashkilot moliyaviy natijalariga ta’sir etuvchi maxsulot ishlab chiqarish xaTrajatlarini to‘g‘ri shakllanishi, ishlab chiqarish jarayoni natijalarini iqtisodiy tahlil usullari yordamida baholash va samaradorlikni oshirish yo‘nalishlarini belgilash muhim ahamiyat kasb etadi. Hozirgi jaxon moliyaviy-iqtisodiy inqirozi sharoitida korxona faoliyati samaradorligi va moliyaviy barqarorligini ta’minlashda tovar moddiy-zaxiralar inventarizatsiyasi hisobini tashkil etish va uni takomillashtirishga qaratilgan ilmiy taklif va amaliy tavsiyalar ishlab chiqish bugungi kunda dolzarb va amaliy ahamiyatga ega muammo hisoblanadi.
BMIning asosiy maqsadi jahonda hamon davom etayotgan jaxon moliyaviy-iqtisodiy inqirozdan chiqish sharoitida byudjet tashkilotlarida tovar-moddiy zaxiralar inventarizatsiya hisobini tashkil qilish va uning hozirgi holatini o‘rganish, tahlilini olib borish jarayonida mavjud kamchiliklarni bartaraf etish yo‘llarini ishlab chiqish va xorijiy tajribalarni o‘rgangan holda ilmiy asoslangan taklif va tavsiyalar ishlab chiqish xisoblanadi. qtisodiy rivojlanishni ta’minlashchda tovar-moddiy zaxiralar inventarizatsiyasi hisobini tashkil qilish va umuman iqtisodiyotda xorijiy davlatlarning etakchi iqtisodchi olimlari V.I.Xorujiy, K. Druri, B.Rayan, Ch.T.Xorngren, Dj.Foster, V. Govindaradjan, Dj.K. Shim va boshqalar, respublikamizda qator iqtisodchi olimlar va amaliyotchi mutaxassislar M.Sh.Sharifxo‘jaev, A.Ibragimov., B.A.Xasanov, A.S.Sotivoldiev, Sh.T.Fayziev,L.P.Yugay, A.T.Ibrohimov, M.M.To‘laxodjaeva, B.K.Hamdamov, S.U Mexmonov, Sh.V. G‘aniev va boshqalarning ilmiy ishlari bag‘ishlangan bo‘lib, ularda iqtisodiyotni rivojlanishi davrlari bo‘yicha ilmiy yondashuvlar aks ettirilgan.
BMI predmetini tadqiq qilishda, yillik hisobotlar, ommaviy axborot vositalarida nashr qilingan statistik materiallar, qonun va me’yoriy xujjatlardan
keng foydalanildi.