“маънавият ва маърифат хонаси”ни жиҳозланиши тошкент 2019

“МАЪНАВИЯТ ВА МАЪРИФАТ ХОНАСИ”НИ ЖИҲОЗЛАНИШИ

Тошкент - 2019

РЕСПУБЛИКА МАЪНАВИЯТ ВА МАЪРИФАТ МАРКАЗИ
“МАЪНАВИЯТ ВА МАЪРИФАТ ХОНАСИ”НИ ТАШКИЛ ЭТИШДАН МАҚСАД:
Ташкилотдаги раҳбар, ишчи-ходимларни маънавий дунёсини бойитиш, уларни бир ғоя атрофида бирлаштириш, юртимизда ва дунёда содир бўлаётган воқеа-ҳодисаларга дахлдорлик ҳиссини кучайтириш, аждодларимиз руҳига, илмий меросига ҳурматни шакллантириш ҳамда маънавий-маърифий тарғибот ишларини олиб бориш.

• ташкилот, муассасадаги раҳбар, ишчи-ходимлар ўртасида олиб бориладиган мафкуравий тарғибот ишларининг таъсирчанлигини ошириш, ахлоқий ва илмий-маърифий ишлар самарадорлигини давр талаблари даражасига кўтаришга кўмаклашиш;
• маънавий-маърифий йўналишдаги тадбирлар – учрашувлар, давра суҳбатлари, семинар-тренинг ва бошқаларни ўтказиш;
• маънавий-маърифий соҳага оид услубий қўлланма ва адабиётларни сақлаш;
• ҳар бир раҳбар, ишчи-ходимда китобхонлик маданиятини ошириш;
• соҳага оид ўқувлар ташкил қилиш.

“Маънавият ва маърифат хонаси”нинг вазифаси:
“Маънавият ва маърифат хона”лари ҳар бир ташкилот ва корхоналарнинг юзи бўлиб, жамоанинг ҳар бир аъзоси у ердан маънавий озиқ оладиган маскан бўлиши зарур.
Республика ҳудудида фаолият кўрсатаётган ҳар бир ташкилот, муассасада “Маънавият ва маърифат хонаси” бўлиши шарт.
“Маънавият ва маърифат хонаси” кириш эшигининг ўнг ёки чап ёнига “Маънавият ва маърифат хонаси” деган ёзув ўрнатилади ва танланган хона кенг, ёруғ бўлиши талаб қилинади. Масалан, ушбу мақсадда кутубхона ёки маъруза зали танланиши лозим.
Хонанинг ўнг томонида Ўзбекистон Республикасининг Давлат рамзлари (Байроқ, Герб, Мадҳия) ва уларнинг тўлиқ тавсифи туширилган махсус плакат қонунда кўрсатилган тартибда илинади. Бунда унинг жуда паст ҳам, жуда баланд ҳам бўлмаслиги муҳим – ўқиш учун қулай бўлсин.
Герб
(бунда гербнинг сурати юқорида,
пастки қисмида у ҳақдаги маълумот бўлиши зарур)