Mavzu: Davlat va huquq nazariyasi fanining funksiyalari Reja Davlat funksiyalari tushunchasi

Mavzu:Davlat va huquq nazariyasi fanining funksiyalari
Reja
1. Davlat funksiyalari tushunchasi.
2. Davlat funksiyasining davlat maqsadi va vazifalari bilan o'zaro nisbati.
3 .Davlat funksiyalarini amalga oshirish shakllari.
4. Davlat funksiyalarining rivojlanishi va o'zgarishiga ta'sir etuvchi omillar
Foydalaanilgan adabiyotlar

1. DAVLAT FUNKSIYALARI TUShUNChASI
Ma'lumki, davlat funksiyalari bilan bog'liq masalalarni o'rganish uning mazmun-mohiyati, jamiyatda tutgan o'rni va ijtimoiy vazifasini yanada chuqurroq anglab olishga xizmat qiladi. Har qanday davlatning mohiyati, eng avvalo, uning faoliyatida, funksiyalarida namoyon bo'ladi. Davlatning faoliyat sohalari xilma-xil bo'lganligini hisobga olib, uning faoliyati bosh yo'nalishlarini alohida ajratish zarurati kyelib chiqqan. Ana shu bosh yo'nalishlarda davlat mohiyati mujassam bo'ladi, amalga oshiriladi va rivoj topadi hamda ular davlatning mavjud bo'lish tarzini ifoda etadi. Davlat funksiyalari uning vazifalari va mohiyati bilan uzviy bog'liq bo'lib, davlatning mohiyati o'zgarib borgan sari funksiyalari ham shunga mos ravishda o'zgarib boradi.
Davlat funksiyalari – bu davlatning maqsad va vazifalarini amalga oshirishga qaratilgan davlat faoliyatining asosiy (bosh) yo'nalishlaridir.
Davlat o'z oldiga qo'ygan maqsadga erishishi uchun ma'lum bir vazifalarni hal qilishi lozim, bu esa, o'z navbatida, ushbu vazifalarni bajarishga qaratilgan tegishli funksiyalarni amalga oshirishni taqozo etadi. Falsafada funksiya deganda biron-bir ob'yekt xususiyatlarini ma'lum munosabatlar tizimidagi tashqi ifodasi tushuniladi. Funksiya – vakolat doirasidan kelib chiquvchi faoliyatdir. Chunki “funksiya” lotin tilidan olingan bo'lib, “faoliyat” dyegan ma'noni anglatadi. Davlat funksiyalarining quyidagi xususiyatlarini ko'rsatib o'tish mumkin: davlat funksiyalarida mamlakat ichki va xalqaro maydondagi amaliy faoliyati namoyon bo'ladi; davlat funksiyalari uning tarixiy taraqqiyotidagi maqsad va vazifalariga mos ravishda yuzaga kyeladi va rivojlanib boradi; davlat funksiyalarida jamiyat hayotida ro'y byerayotgan ijtimoiy-iqtisodiy, siyosiy va ma'naviy sohalardagi o'zgarishlar va islohotlar aks etadi. O'z navbatida, davlat funksiyasini uning alohida organlari funksiyalaridan farqlash lozim. Davlat myexanizmiga kiruvchi barcha davlat organlari va tashkilotlarining har biri o'z vakolatlari doirasida davlat faoliyatining muayyan sohalarida o'z funksiyalarini amalga oshiradi.