Mavzu: дтни лойиҳалаш андозалари. Ҳусусиятлари «Loyihalash»

19-variant
Mavzu: ДТни лойиҳалаш андозалари. Ҳусусиятлари

«Loyihalash» soʼzi lugʼatda “Rejaga mos shaklga keltirish” deganidir. «Dasturiy taʼminotni loyihalash” atamasi» NАTO da 1968, 1969-yillarda tashkil etilgan ikkita konferensiyadan keyin vujudga keldi.

Dasturiy taʼminotni loyialahsh ierarxik dekompozitsiyani aks ettiradi, yaʼni murakkab loyihani (muammoni) bir nechta oson yechiladigan kichik muammolarga boʼlishdan iborat. Kichik muammolar ham oʼz navbatida ichidagi har bir detal yetarlicha yaqqol aniqlanguncha qism muammolar boʼlinadi.

Qatʼiy ierarxik dekompozitsiya quyidagi qoidalarga rioya etadi:

1. Ierarxiyaning har bir darajasida reja yoki loyiha joriy detallashtirish darajasida tugallangan koʼrinishda boʼlishi kerak.

2. Ierarxiyaning ixtiyoriy darajasidagi har bir qism joriy detallashtirish darajasiga mos boʼlgan alohida funksiya yoki muammoni toʼliq qoplab oladi.

Dasturiy vositalarning ierarxik dekompozitsiyasining baʼzi formalari quyidagicha ataladi:

— dasturiy taʼminotni yuqoridan quyiga loyihalash;

— dasturiy taʼminotni strukturali loyihalash;

— mahsulotning strukturalashtirilgan rejasi va tafsilotlari;

— dasturiy taʼminotni bosqichma – bosqich loyihalash;

— yuqoridan quyiga dasturlash;

— modulli dasturlash;

— strukturali dasturlash;

Loyihalash dasturiy taʼminotni yaratish bilan bogʼliq turli faoliyatlarni qoplab oladi — tizimni funksional dekompozitsiyasi, dasturiy mahsulot arxitekturasini aniqlashdan to dasturiy mahsulotni tayyor holga keltirishgacha boʼlgan faoliyat va quyidagi bosqichlarga ajratilishi mumkin: konstruksiyalash, dasturlash va dasturiy mahsulotni baholash.

Bu bosqichda dasturiy taʼminot yaratiladi va 90% ga oʼzining nihoyaviy shakliga ega boʼladi.