Mavzu: Oʻsimliklarning nafas olishi

Mavzu:Oʻsimliklarning nafas olishi

301-guruh talabasi Yoʻldasheva Muhayyo

REJA 1. Nafas olish haqida umumiy tushuncha 2. Anaerob va aerob nafas olish 3. Piruvat kislotaning almashinuvi 4. Nafas olish energetikasi 5. Nafas olishga tashqi omillarning ta'siri..

Nafas olish haqida umumiy tushuncha Yuksak o’simliklarda sodir bo’ladigan barcha sintetik reaksiyalarni energiya bilan ta'minlovchi muhim manbalardan biri ularning aerob, ya'ni kislorodli nafas olishidir. Bu protsessda murakkab organik birikmalar kislorod yordamida oksidlanishi tufayli ko’p miqdorda energiya ajralib chiqadi. Ma'lumki, o’simliklarning maxsus nafas olish organlari bo’lmaydi, shu sababli ular to’qima yoki hujayralari orqalinafas oladi. hujayra va to’qimalarda murakkab organik birikmalar maxsus ferment sistemalar ishtirokida kislorod yordamida oksidlanib, suv va karbonat angidridgacha parchalanishi biologik oksidlanish deb ataladi. Tirik organizmlarda boradigan oksidlanish reaksiyalarini dastlab XVIII asrning oxirlarida fransuz olimi Lavuaz'e o’rgangan. U oddiy va miqdoriy jihatdan asosli bo’lgan bir qator tajribalarida nafas olish va yonish protsessining o’xshashligini isbotlab berdi. Nafas olishda ham, xuddi yonish protsessidagidek, atmosferadan kislorod yutiladi va bir vaqtning o’zida atmosferaga karbonat angidrid ajralib chiqadi.