Mavzu: «Texnologik ta’lim yo’nalishi talabalarini mustaqil ta’lim olish faoliyatini takomillashtirish»

Mavzu: « Texnologik ta’lim yo’nalishi talabalarini mustaqil ta’lim olish faoliyatini takomillashtirish»
MUNDARIJA
KIRISH
I BOB. TEXNOLOGIK TA’LIM YO’NALISHI TALABALARINI MUSTAQIL TA’LIM OLISH FAOLIYATINI TAKOMILLASHTIRISHNING NAZARIY ASOSLARI
1.1. Talabalar mustaqil ta’lim olish faoliyatining mazmuni va tuzilmasi
1.2. Texnologik ta’lim yo’nalishi talabalarini mustaqil ta’limini tashkil etish ta’lim jarayonini takomillashtirishda asosiy vosita sifatida.
1.3. Oliy ta’lim muassasalarida auditoriyadan tashqarida talabalarning mustaqil ta’lim olish faoliyatini tashkil qilishga qo’yiladigan talablar.
II BOB. TEXNOLOGIK TA’LIM YO’NALISHI TALABALARINI MUSTAQIL TA’LIM OLISH FAOLIYATINI TAKOMILLASHTIRISHNING METODIK ASOSLARI.
2.1. Talabalarning mustaqil ta’limini tashkil etishning zamonaviy pedagogik texnologiyalari
2.2. Texnologik ta’lim yo’nalishi talabalarini mustaqil ta’lim olish faoliyatini takomillashtirishning metodikasi.
2.3. Texnologik ta’lim yo’nalishi talabalarini mustaqil ta’lim olish faoliyatini takomillashtirish bo’yicha tajriba-sinov ishlari natijalari va tahlili.
FOYDALANILGAN ADABIYOTLAR RO’YXATI
ILOVALAR
XULOSA VA TAVSIYALAR
KIRISH
Mavzuning dolzarbligi: Keyingi yillarda ta’lim tizimida ko`plab islohotlar amalga oshirilmoqda. Davlatimiz rahbari tomonidan 2019-yilning 8-oktabridagi “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”¹gi PF-5847-son Farmoni imzolandi. Ushbu muhim dasturilamal hujjatda “…oliy ta’lim muassasalarida o‘quv jarayonini bosqichma-bosqich kredit-modul tizimiga o‘tkazish” masalalari vazifa qilib qo‘yildi.
Kredit-modul tizimiga ko‘ra o‘quv mashg‘ulotlari shaxsga yo‘naltirilgan o‘qitish texnologiyalari va talabaning mustaqil o‘qib o‘rganishiga asoslanadi. Kredit-modul tizimida talabalar mustaqil ishining ikki turi ajratiladi:
- auditoriyada – bu bevosita o‘qituvchi rahbarligida bajariladigan mustaqil ishlar;
- auditoriyadan tashqari – o‘qituvchi tomonidan berilgan, lekin uni ishtirokisiz talaba tomonidan bajariladigan mustaqil ishlar.
Talabalarning auditoriya va auditoriyadan tashqari mustaqil ishlari mazmuni o‘quv fani ishchi dasturida ko‘rsatilgan, tavsiya etilayotgan o‘quv topshiriqlari asosida belgilanadi.
Ammo mustaqil ta’lim jarayonini tashkil etishda talabalarning shaxsiy mas’uliyatini shakllantirmasdan turib ko`zlangan maqsadga erishib bo`lmaydi. Buning uchun yangi kredit-modul tizimida ko`zda tutilgan talabaning shaxsiy grafigi asosida ishlar olib borilsa maqsadga muvofiq bo`ladi.
Yuqorida qayd etilgan muammo va sabablar tanlangan mavzuning dolzarbligini ko‘rsatadi hamda belgilangan vazifalarni amalga oshirishda ushbu tadqiqot ishi muayyan darajada xizmat qiladi.