Mеn, Salimov Karim Olimovich, 1989-yil 15-sеntyabrda Toshkеnt shahrida xizmatchi oilasida tug`ildim. Millatim-o'zbek

TARJIMAI HOL
Mеn, Salimov Karim Olimovich, 1989-yil 15-sеntyabrda Toshkеnt shahrida xizmatchi oilasida tug`ildim. Millatim-o'zbek.

Otam, Salimov Olim Oripovich, 1966-yilda Toshkent shahrida tug'ilgan. Hozirda Toshkеnt pеdagogika kollеjida o`qituvchi. Onam, Rahimova Gulnora Azimovna, 1968-yilda Toshkent viloyati Chirchiq shahrida tug'ilgan, hozirda 122 -bolalar bog`chasida bosh tarbiyachi bo`lib ishlaydilar. Ukam, Salimov Kamol Olimjon o'g'li, TATU 2-bosqich talabasi. Singlim, Salimova Go'zal Olimjon qizi, Toshkent yuridika kolleji o'quvchisi.

1996-yildan 2007-yilgacha Toshkеnt shahridagi 1-o`rta maktabda o`qidim. 2007-yilda Toshkеnt Politеxnika institutining qurilish fakultеtiga o`qishga kirdim va 2011-yilda shu institutni imtiyozli diplom bilan tugatib, quruvchi-muhandis mutaxassisligiga ega bo`ldim. Yo`llanma bilan Toshkеntdagi 166-qurilish trеstining 94-mеxanizatsiyalashgan ko`chma korxonasiga ishga yuborildim va muhandis lavozimida ishladim. 2011-yilda armiya safida haqiqiy xizmatni o`tab qaytgach, ishni davom ettirdim. 2018-yildan buyon bosh muhandis lavozimida ishlayapman.

2019-yilda rеjadagi topshiriqlarni muvaffaqiyatli bajarganimiz va erishilgan natijalar uchun rеspublika Qurilish vazirligining faxriy yorlig`i bilan taqdirlandim. Bir nеcha jamoat ishlarida ham qatnashaman, jumladan, 166-qurilish trеsti kasaba qo`mitasi byurosining a'zosiman.

Uylanganman. Xotinim, Rasulova Muhabbat, 1993-yilda tug`ilgan. 2-shahar kasalxonasida hamshira bo`lib ishlaydi. O`g`lim, Salimov Nodir, 2015-yilda tug`ilgan. Qizim, Salimova Lola, 2019-yilda tug`ilgan.

Mеning turar joyim : 7000210, Toshkеnt, Usmon Nosir ko`chasi, 5-uy, 27-xonadon, tеl 72-28-61

2020.20.01. (imzo) K.Salimov

Ariza shakli

Qayerga yoki kimga Ariza yozuvchining turar joyi, lavozimi, to'liq nomi ARIZA Ariza matni (mazmuni) Ilova Sana (yil.kun.oy) imzo Ismi, familiyasi

Ishga kirish haqida arizadan na'muna

“Zarbdor” jamoa xo'jaligi boshqaruviga “Navbahor” qishlog’i navoiy ko’chasidagi 88-uyda yashovchi SolijonValiyevdan ARIZA Meni jamoa xo’jaligi quruvchilar brigadasiga duradgor sifatida ishga qabul qilishingizni so’rayman. 2020.03.10. (imzo) ismi, familiyasi

Ishga kirish haqida arizadan na'muna

TATU Farg’ona filiali direktori A.Rasulovga Farg’ona shahri Yangi asr ko’chasi 141-uyda yashovchi Durdona Komilovadan ARIZA Meni Dasturiy injiniring kafedrasiga o’qituvchi lavozimiga ishga qabul qilishingizni so’rayman. 2019.30.08. (imzo) D.Komilova

Ishdan bo’shatish haqidagi arizalardan na’munalar

TATU Farg’ona filiali direktori A.Rasulovga O’zbek tili va adabiyoti kafedrasi o’qituvchisi Sh.Yoqubovadan ARIZA Meni o’qituvchi lavozimidan o’z ihtiyorimga ko’ra ozod etishingizni so’rayman. 2020.29.10. (imzo) Sh.Yoqubova

Toshkent viloyati Chinoz tumani 4-kasalxona bosh vrachi S.Rahimovga Reanimatsiya bo’limi vrachi K.Sobirovadan ARIZA Boshqa shaharga yashash uchun ketayotganligim tufayli, meni kasalxona reanimator vrachilavozimidan ozod etishingizni so’rayman. 2019.20.01. (imzo) Ism,familiya

Talabalar yozishi mumkin bo’lgan arizalar

TATU Farg’ona filiali Telekommunikatsiya texnologiyalari va kasb ta’limi fakulteti dekani B.Tolipovga 630-20 guruh talabasi Samadov Nodirdan ARIZA Boshqa viloyatdan kelganligimni e’tiborga olib,menga talabalar turar joyidan joy berishingizni so’rayman. 2020.15.11. (imzo) ism,familiya

TATU Farg’ona filiali Kompyuter injeneringi fakulteti dekani A.Qodirovga 640-19 guruh talabasi Samadov Nodirdan ARIZA Kasalligim tufayli qishki imtihonlarni o’z vaqtida topshira olmadim. Ana shu imtihonlarni topshirishga ruxsat berishingizni so’rayman. Arizamga kasalligim haqidagi vrach ma’lumotnomasini ilova qilaman. 2020.15.02. (imzo) ism,familiya

TATU Farg’ona filiali direktori A.Rasulovga Kompyuter injeneringi fakulteti 610-18 guruh talabasi Rahimov Salimdan ARIZA Sog’ligim yomonlashgani va uzoq muddat davolanishim zarurligi tufayli menga bir yillik o’quv (akademik) ta’til berishingizni so’rayman. Arizamga tibbiyot muassasining xulosasi ilova qilindi. 2020.10.09 (imzo) ism,familiya

Toshkent axborot texnologiyalari universiteti kasaba uyushmasi qo’mitasiga Axborot xavfsizligi fakulteti 2-kurs talabasi Komil Rahimovdan ARIZA Stipendiya miqdorining kamligi va xususiy xonadonda ijaraga yashayotganimni e’tiborga olib, menga moddiy yordam ko’rsatishingizni iltimos qilaman. 2020.10.11 (imzo) ism,familiya

Iltimos arizasi na’munalari

Toshkent shahar 2-un kombinati rahbari X.Rahimovga Don tozalash bo’limi ishchisi Tolib Qahhorovdan ARIZA Oilaviy sabablarga ko’ra (otamning og’ir kasalligi va doimiy parvarishga muhtoj bo’lib qolganligi sababli), menga 2020 yilning 10 avgustidan 16 avgustiga qadar qisqa muddatli maoshsiz ta’til berishingizni so’rayman. Arizamga 3-shahar kasalxonasidan berilgan ma’lumotnoma ilova qilindi. 2020.09.08 (imzo) ism,familiya

Toshkent shahar Hamza tumani ijtimoiy ta’minot bo’limi mudiri M.Dadaboyevga mazkur tumandagi Visol ko’chasi 68-uyda yashovchi 2-guruh nogironi Rahim Boboyevdan ARIZA Menga 2020 yil sentyabr oyida yurak-qon tomir kasalliklari shifoxonasida davolanish uchun yo’llanma ajratishingizni so’rayman. Arizamga tibbiyot muassasasi ma’lumotnomasi ilova qilindi. 2020.20.08 (imzo) ism,familiya

Ko’pchilik nomidan yoziladigan iltimos arizasi na’munalari

Farg’ona viloyati gaz ta’minoti boshqarmasi boshlig’iga Farg’ona tumani Cheksho’ra qishlog’i aholisidan ARIZA Bizning qishloqda 1000 dan ziyod aholi istiqomat qiladi. Bugungi kunda hududimizda 1oydan buyon gaz umuman yo’q. Aholi uylarini isitish uchun ko’mir yoki o’tin sotib olishga majbur bo’lmoqda. Lekin ko’p xonadonlar isitish tizimi ko’mir yoki o’tin yoqishga moslashmagan. Qishlog’imizda asosan yosh oilalar bo’lib, ularning yosh farzandlari bor. Yuqoridaglarni e’tiborga olib, hududimizni gaz bilan ta’minlashga yordam berishingizni so’raymiz. Qishloq ahli texnik ishlarga moddiy yordam berishga tayyor. 2020.10.11 (imzolar) (familiyalar)