Миллий иқтисодиётнинг ишлаб чиқариш натижаларини ифодаловчи кўрсаткичлар ва уларни хисоблаш усуллар


Download 1.87 Mb.
bet6/6
Sana14.02.2020
Hajmi1.87 Mb.
1   2   3   4   5   6

10- расм Жаҳон иқтисодиёти ва Ўзбекистон Республикасининг асосий савдо ҳамкорлари ЯИМ ҳажмининг ўсиши (фоизда)29

2020 йилда жаҳон иқтисодий ўсишини прогноз қилиш кўп омилларга боғлиқ, хусусан:



  • инвестиция даражаси ва истеъмолчиларнинг узоқ муддатли товарларга талабнинг пасайиши;

  • геосиёсий кескинлашув кучайиши, энергия ташувчилар нархининг ўзгарувчанлиги.

ХВЖ маълумотларига кўра, охирги уч йилда энергия ташувчилар нархи ўсиш тенденциясига эга.

2020 йилда жаҳон бозорида мамлакатимизнинг асосий экспорт маҳсулотлари (олтин, табиий газ, пахта) нархларининг ўсиш тенденцияси кўзатилмаслиги тахмин қилинмоқда.
11- расм Охирги 10 йил давомида табиий газ ва миснинг жаҳон нархлари ўзгариши тенденцияси30

2020-2022 йилларда ижтимоий-иқтисодий ривожланишнинг мақсадлари ва устувор йўналишлари 2017-2021 йиллар учун қабул қилинган Ҳаракатлар стратегиясидан, шу билан бирга амалга оширилаётган давлат дастурлари ва қабул қилинган ҳукумат қарорларидан келиб чиққан ҳолда 2020-2022 йилларда қуйидагилар иқтисодий сиёсатнинг устувор вазифалари бўлиб қолади:

а) макроиқтисодий барқарорлик ва барқарор иқтисодий ўсишни таъминлаш;

б) халқ истеъмоли товарларини ишлаб чиқаришни кўпайтириш, кредит сиёсатини қайта кўриб чиқиш, бюджет интизомини кучайтириш бўйича комплекс чоралар кўриш орқали инфляция даражасини босқичма-босқич камайтириш;

в) реал сектор тармоқларининг жадал ўсишини, янги иш ўринлари яратилишини, аҳоли бандлиги ва даромадларининг ўсишини таъминлайдиган қулай бизнес муҳитини яратиш;

г) мамлакат экспорт ҳажмларини оширишга қаратилган кескин чораларни ишлаб чиқиш ва амалга ошириш;

д) инвестиция муҳитини янада яхшилаш, мамлакат иқтисодиёти тармоқлари ва ҳудудларига хорижий, энг аввало, тўғридан-тўғри хорижий инвестицияларни фаол жалб қилиш;

е) давлат мулкини хусусийлаштиришни жадаллаштириш ва унинг тартиб- таомилларини соддалаштириш;

ж) аҳолининг ижтимоий ҳимояга муҳтож қатламини ижтимоий ҳимоя қилиш бўйича фаол сиёсат олиб бориш.

Устувор вазифаларни амалга оширишни ҳисобга олган ҳолда, 2020 йилда ЯИМ ўсиш суръатини 5,5 фоизга етказиш ва унинг ижобий динамикасини кейинги йилларда ҳам сақлаб қолиш прогноз қилинмоқда (2021 йилда 5,8 фоиз, 2022 йилда 6,2 фоиз).



2020 йилда ЯИМ ўсишининг асосий омиллари бўлиб қуйидагилар ҳисобланади:

  • саноат ишлаб чиқариш ҳажмини – 6,5 фоизга, қурилишни – 9,3 фоизга, қишлоқ хўжалигини – 4,0 фоизга, хизматларни – 5,7 фоизга ошириш;

  • чакана товар айланмасини – 5,6 фоизга, асосий капиталга қилинган инвестицияларни – 10,0 фоизга, товарлар ва хизматлар экспортини – 8,0 фоиз ва импортини – 8,0 фоизга ўсиши.

2020 йилда инфляция даражаси 12,5-13,0 фоизгача пасайтириш мўлжалланмоқда. 2022 йилгача босқичма-босқич инфляция даражасини битта рақамли даражагача пасайтириш кўзда тутилмоқда. Бу, ўз навбатида, монетар ва фискал сиёсатни қатъийлаштиришни тақозо этади. Хусусан, фоиз ставкаларини либераллаштириш, кредитлар ҳажмини талабдан келиб чиққан ҳолда кескин ўсишининг олдини олиш, умумий фискал тақчиллигини 2022 йилга келиб ялпи ички маҳсулотга нисбатан 1,5 фоизгача пасайтириш лозим бўлади.

2020-2022 йилларда иқтисодий ўсишнинг прогноз кўрсаткичларини ва макроиқтисодий барқарорликни таъминлашда, пул-кредит сиёсати ва банк соҳасини ислоҳ қилишнинг асосий йўналишлари бўлиб қуйидагилар белгиланди:



  • инфляцияни таргетлаш, миллий валюта ва тўлов тизими барқарорлигини таъминлашга йўналтирилган пул-кредит бошқарувини тартибга солиш воситаларининг самарадорлигини таъминлаш;

  • хусусий банкларни янада ривожлантириш, шунингдек банкларнинг самарали инвестицион лойиҳаларини бозор тамойиллари асосида молиялаштиришга йўналтириш орқали банк секторида рақобат муҳитини яратиш.

2020-2022 йилларда саноат соҳасида иқтисодий ўсишнинг прогноз суръатларига эришишда асосий вазифалари этиб қуйидагилар белгиланди:

Барча эркин иқтисодий ва кичик саноат зоналарини керакли муҳандислик- алоқа тизимлари билан таъминлашни 2022 йилгача якунлаш кўзда тутилган. Эркин иқтисодий ҳудудларда 406 та инвестицион лойиҳаларни ишга тушириш мўлжалланмоқда. 2020-2021 йилларда кичик саноат ҳудудларида машинасозлик, электротехника, кимё, қурилиш саноати, енгил саноат, озиқ-овқат, фармацевтика ва бошқа тармоқларда замонавий турдаги маҳсулотларни ишлаб чиқариш бўйича 806 та инвестицион лойиҳаларни амалга ошириш мўлжалланган.



Энергетика соҳасида қуйидаги йўналишларда ишлар олиб борилади:

  • энергетика бозорини босқичма-босқич либераллаштириш, энергетикада хусусий сектор ва рақобатни ривожлантириш, истеъмол қилинган электроэнергияни ҳисоблашнинг замонавий механизмларини жорий этиш ва тариф тизимини оптималлаштириш; энергияни ишлаб чиқариш, узатиш ва тақсимлашнинг илғор технологияларини, юқори тежамкор ускуналарни жорий этиш орқали ИЭСлардаги ёқилғи харажатларини камайтириш (Сирдарё ИЭС ишлаб чиқариш қувватини 150 МВтга ошириш, Тахиатош ИЭСда ҳар бирининг қуввати 230-280 МВт бўлган 2 та БГУни қуриш мўлжалланган);

  • модернизациялаш ва янги ишлаб чиқариш қувватларини ишга тушириш, энергетика тизимига қайта тикланувчи энергия манбаларини кенг жорий қилиш (2022 йил бошигача қуввати 20 МВт дан ортиқ бўлган 2 та ГЭС, 12 та кичик ва 10 та мини ГЭСларни ишга тушириш ҳамда 9 та фаолият олиб бораётган мавжуд ГЭСларни модернизация қилиш кўзда тутилган);

  • Тошкент, Самарқанд, Навоий, Жиззах, Сурхондарё ва Қашқадарё вилоятларида жойлаштириладиган, ҳар бири 100 МВт қувватга эга бўлган 10 та қуёш фотоэлектр станцияларини қуриш ҳисобига қуёш энергияси имкониятларидан фойдаланиш;

2020-2022 йилларда нефть ва газ соҳаларида:

  • мавжуд маҳсулотларни тақсимлаш битимлари ва шартномаларидаги шартларни кўриб чиққан ҳолда, халқаро нефть-газ компаниялари билан ҳамкорлик қилиш;

  • нуфузли халқаро нефть хизматлари компаниялари билан ҳамкорликда нефть хизматлари бозорини яратиш (“МТГ технологияси бўйича метанолни бензинга қайта ишлашни ташкил этиш”, “Шўртан ДКМ ишлаб чиқариш қувватларини кенгайтириш”, “Шўртан ДКМ тозаланган метан асосида синтетик суюқ ёқилғи ишлаб чиқариш” ва инвестиция лойиҳаларини амалга ошириш ҳисобига нефть маҳсулотларини ишлаб чиқариш);.

  • хусусий тадбиркорлик субъектлари билан ҳамкорликни кенгайтириш асосида амалдаги ишлаб чиқариш қувватларини бошқариш самарадорлигини ошириш кўзда тутилган.

2020-2022 йилларда аграр секторни ривожлантиришнинг асосий вазифалари сифатида қуйидагилар белгиланди:

  • пахта ва бошоқли экинлар экилишининг камайиши ҳисобига картошка, сабзавот, ем-хашак ва мойли экинлар, шунингдек, янги интенсив боғлар ва узумзорлар миқдорини ошириш;

  • қурғоқчиликга чидамли экинлар навларини жорий этиш ҳисобидан озуқа экинлари майдонини кенгайтириш ва уларнинг маҳсулдорлигини ошириш;

  • мелиоратив ва ирригация иншоотлари тармоғини ривожлантириш ҳисобига суғориладиган ерларнинг мелиоратив ҳолатини яхшилаш;

  • ўсимликлар ва ҳайвонларнинг янги наслчилик навларини ва замонавий тежамкор қишлоқ хўжалиги технологияларини ишлаб чиқиш ва жорий этиш;

  • мева ва сабзавотларни сақлаш, ташиш ва сотиш инфратузилмасини кенгайтириш;

  • сув ресурсларини бошқариш тизимини такомиллаштириш, насос ва қувват ускуналарини босқичма-босқич модернизация қилиш ва ирригация иншоотларини реконструкция қилиш.

Ушбу чора-тадбирларни амалга ошириш натижасида 2020 йилда картошка етиштириш 3,4 фоизга, сабзавот 3,3 фоизга, полиз экинлари 3,1 фоизга, мевалар 3,6 фоизга, узум 4,7 фоизга, чорвачилик ва паррандалар 3,5 фоизга, сут 4,6 фоизга, тухум 9,6 фоизга кўпайиши кутилмоқда.

2020-2022 йилларда хизматлар соҳасининг ўсиш суръатларини 5,7-6,2 фоизга қуйидагилар ҳисобига ошириш прогноз қилинмоқда:



  • хизмат кўрсатиш корхоналарининг савдо, маданий ва оммавий объектлар ва йирик транспорт магистраллари яқинида жойлашиши;

  • инсон салоҳиятини ривожлантириш учун тенг имкониятларни таъминлайдиган таълим ва соғлиқни сақлаш соҳасида ижтимоий хизматлар кўрсатиш;

  • соҳанинг инвестицион жозибадорлигини ошириш орқали алоқа ва телекоммуникация тармоқларини янада ривожлантириш;

  • рақамли иқтисодиётга ўтишни жадаллаштириш;

  • йўл қурилиши, пуллик йўлларни қуриш ва реконструкция қилиш, транспорт ва логистика марказларини ривожлантириш соҳасидаги устувор лойиҳаларни амалга ошириш;

  • республиканинг туристик инфратузилмасини ривожлантириш;

  • кенг турдаги савдо хизматларини тақдим этиш билан замонавий савдо тизимларини кенгайтириш йўли орқали савдо соҳасида рақобат муҳитининг ривожланиши учун шарт-шароитлар яратиш.

Дастлабки ҳисоб-китобларга кўра 2020 йилда иқтисодиёт ва ижтимоий соҳа прогноз кўрсаткичларига эришиш учун 180-190 трлн. сўм ҳажмдаги асосий капиталга инвестициялар йўналтирилиши талаб этилади.

Шунингдек, 2020 йилда 360-380 мингта янги доимий иш ўринларини яратиш прогноз қилинмоқда.



Хулоса

Хулоса қилиб шуни айтиш мумкинки, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси (кейинги ўринларда Ҳаракатлар стратегияси деб юритилади) ўрта муддатли истиқболда давлат сиёсатининг устувор йўналишларини белгилаб берган энг муҳим дастурий ҳужжат ҳисобланади. 



2017 йилда Ҳаракатлар стратегиясини амалга оширишда алоҳида эътибор “Инсон манфаатлари – ҳамма нарсадан устун” деган тамойил ва “Халқ давлат идораларига эмас, давлат идоралари халқимизга хизмат қилиши керак” деган эзгу ғоянинг, энг аввало, халқ билан тўғридан-тўғри мулоқот ўрнатиш ҳамда фуқаролар ҳуқуқлари, эркинликлари ва қонуний манфаатларининг реал ҳимоя қилинишини таъминлаш орқали ҳаётга амалий татбиқ этилишига қаратилди. 

Ҳаракатлар стратегиясини “Халқ билан мулоқот ва инсон манфаатлари йили”да амалга оширишга оид Давлат дастури доирасида 30 дан ортиқ қонунлар ҳамда 900 дан ортиқ қонуности ҳужжатларининг қабул қилиниши кенг кўламли ислоҳотлар, иқтисодиёт ва ижтимоий соҳани жадал ривожлантириш, халқ фаровонлигини юксалтиришнинг мустаҳкам ҳуқуқий пойдевори бўлиб хизмат қилди. Президентимиз Шавкат Мирзиёевнинг 2018 йил 28 декабрда олий Мажлисга йўллаган Мурожаатномасида Фаол тадбиркорлик, инновацион ғоялар ва технологияларни қўллаб-қувватлаш йилида амалга оширилган ишлар сарҳисоб қилинди. Бу йил мамлакатимиз тараққиётининг янги босқичида алоҳида салмоқли қадам бўлгани таъкидланди. Ҳақиқатдан ҳам, мазкур йилда юртимизда жуда катта ишлар амалга оширилди.

Буни қуйидаги рақамлар ҳам яққол қўрсатиб турибди. Аввало, Давлат дастури доирасида 21 триллион сўм ва 1 миллиард долларга тенг 76 мингта лойиҳа амалга оширилганини қайд этиш жоиз.

Саноат, қишлоқ хўжалиги, капитал қурилиш, транспорт-коммуникация ва хизмат кўрсатиш соҳаларида салмоқли ютуқлар қўлга киритилди. Хусусан, 2018 йилнинг январь-ноябр ойларида 198,8 триллион сўмлик саноат маҳсулотлари ишлаб чиқарилди.

Аҳоли жон бошига ишлаб чиқарилган саноат маҳсулоти ҳажми ўртача 6 миллион сўмга етди. Хусусан, истеъмол товарларининг жами саноат ишлаб чиқариш ҳажмидаги улуши 38,1 фоизни ташкил этиб, аҳоли жон бошига ўртача 2,3 миллион сўмга тўғри келди. Саноат ишлаб чиқаришда кичик бизнеснинг улуши 34,9 фоизни ташкил этди.

2019 йилнинг январь-ноябрь ойларида қўшма корхоналарнинг саноат ишлаб чиқариши умумий ҳажмининг ўсишидаги ҳиссаси 10,7 фоизни ташкил этди. Бу иқтисодиётни янада такомиллаштириш ва либераллаштириш, ҳамда жаҳон бозорида маҳсулотларнинг рақобатбардошлигини оширишга қаратилган ислоҳотлар натижасидир.

Саноат соҳасидаги тоғ-кон саноати ва очиқ конларни ишлаш йўналишига йўнал- тирилган инвестициялар таҳлил даври бошида 1514,6 миллиард сўмни ташкил этган бўлса, давр охирида 14203,8 миллиард сўмгача ёки қарийб 9,4 марта ортган. Бу кўрсаткич мамлакат бўйича ўсиш даражасидан икки марта кўпдир.



Ўзбекистон иқтисодиётининг саноат тармоқларида ҳам асосий капиталга инвестицияларнинг динамикаси ўсиш тенденциясига эга бўлиб, 2010 йилда унинг хажми 2334,9 миллиард сўм бўлгани ҳолда, 2017 йилда 12238,1 миллиард сўмни ташкил этган.

Фойдаланилган адабиётлар рўйхати

  1. Ўзбекистон Республикасининг Конституцияси.Т.: 2018

  2. Мирзиёев йўли. Ўзбекистон етакчисининг 10 та асосий ислоҳоти. Ўзбекистон стратегияси. Ижтимоий таҳлилий журнал. №2, 2018. 6-б., 8–9-бетлар.

  3. Ўзбекистон Республикаси Президенти шавкат Мирзиёевнинг олий Мажлисга Мурожаатномаси. 2017 йил 22 декабрь.

  4. Ўзбекистон Республикаси Президенти шавкат Мирзиёевнинг олий Мажлисга Мурожаатномаси // «Халқ сўзи», 2018 йил, 29 декабрь. № 271-272 (7229-7230).

  5. Ўзбекистон Республикасини янада ривожлантириш бўйича ҳаракатлар стратегияси тўғрисида. 2017 йил 7 февраль, ПФ-4947-сон. Қонун ҳужжатлари маълумотлари миллий базаси, 31.07.2018 й., 06/18/5483/1594.

  6. 2017–2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат дастури тўғрисида.. ПФ-5308. 22.01.2018. Қонун ҳужжатлари маълумотлари миллий базаси, 25.05.2018 й., 06/18/5447/ 1269-сон.

  7. Мирзиёев, Ш. М. Ўзбекистон Республикаси Президентининг олий Мажлисга Мурожаатномаси. «Халқ сўзи». 2018 йил 29 декабрь, № 271–272(7229–7230).

  8. Иқтисодиётни янада ривожлантириш ва иқтисодий сиёсат самарадорлигини оширишнинг қўшимча чора-тадбирлари тўғрисида. Ўзбекистон Республикаси Президентининг Фармони 08.01.2019 йилдаги ПФ-5614-сон, кучга кириш санаси 09.01.2019. Манба: Қонун ҳужжатлари маълумотлари миллий базаси, 09.01.2019 й., 06/19/5614/2437-сон ПФ-5614. 08.01.2019.

  9. Ўзбекистон Республикаси Президентининг Фармони. Ўзбекистон Республикасида маъмурий ислоҳотлар концепциясини тасдиқлаш тўғрисида. Ўзбекистон Республикаси Президентининг 2017 йил 8 сентябрдаги ПФ-5185-сон Фармони.

  10. «Иқтисодий ривожланиш соҳасида давлат сиёсатини амалга ошириш тизимини тубдан такомиллаштириш чора-тадбирлари тўғрисида» Ўзбекистон Республикаси Президентининг Фармони 10.01.2019 йилдаги ПФ-5621-сон. кучга кириш санаси 11.01.2019. Манба: Қонун ҳужжатлари маълумотлари миллий базаси, 11.01.2019 й., 06/19/5621/2460-сон. № ПФ-5621. 10.01.2019.

  11. Ўзбекистон Республикаси Президентининг 2019 йил 10 январдаги «Иқтисодий ривожланиш соҳасида давлат сиёсатини амалга ошириш тизимини тубдан такомиллаштириш чора-тадбирлари тўғрисида»ги ПФ-5621 сонли Фармони //ҳттп://лех.уз.

  12. Ўзбекистон Республикаси Президентининг 2018 йил 18 июлдаги «2018 йилда қишлоқ жойларда янгиланган намунавий лойиҳалар бўйича арзон уй-жойлар ва шаҳарларда арзон кўп квартирали уйлар қуриш дастурларини амалга ошириш механизмларини такомиллаштиришга доир қўшимча чора-тадбирлар тўғрисида»ги ПҚ-3863-сонли Қарори// ҳттп://лех.уз/доcс/3829088

  13. Мирзиёев ш.М. Эркин ва фаровон, демократик Ўзбекистон давлатини биргаликда барпо этамиз. Т.: «Ўзбекистон», 2016. 56-бет.

  14. Мирзиёев ш.М. Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаcи бўлиши кепак. – Т.: «Ўзбекистон», 2017. 104-бет.

  15. Ўзбекистон Республикаси Президенти шавкат Мирзиёевнинг олий Мажлисга Мурожаатномасини ўрганиш ва кенг жамоатчилик ўртасида тарғиб этишга бағишланган илмий-оммабоп қўлланма [Матн]. – Т.: «Маънавият», 2019. – 312 бет.

  16. Ахмедов Д.Қ. Ишмуҳаммедов А.Э., Жумаев Қ.Х., Джумаев З.А. Макроиқтисодиёт. Ўқув қулланма. Т.: “Ўзбекистон ёзувчилар уюшмасининг Адабиёт жамғармаси нашриёт”, 2004. -240 бет.

  17. 3. Ишмуҳамедов А.Е., Джумаев З.А., Жумаев Қ.Х. Макроиқтисодиёт. Ўқув қулланма. Т.: “Ўзбекистон ёзувчилар уюшмасининг Адабиёт жамғармаси нашриёт”, 2005. -192 бет.

  18. 4. Назарова Г.Х. “Макроиқтисодиёт” фанидан маърузалар матни. Т.: Тошкент Молия институти, 2017-йил, 243 бет.

  19. Макроиқтисодиёт. Дасрлик. Ғ.Е.Захидов, М.Т.Асқарова, З.А. Джумаев, Л.Ф.Амиров, Ҳ.А. Ҳакимов. - Т.: 2019. - 290 бет.

  20. Якубов И.О., Ҳакимов Ҳ.А. Макроиқтисодиёт-2. Ўқув қўлланма. - Т.:
    ТДИУ, 2019. - 217 бет.

  21. Интернет сайтлари

ҳттп:// www.лех.уз

ҳттп://www.минеcономи.уз.

ҳттп://www.мф.уз

ҳттп://www.стат.уз

ҳттп://www.солиқ.уз

www.гов.уз

ҳттп://www.cбу.уз

ҳттп://www.wордбанк.орг.

ҳттп://www.ебрд.орг.

ҳттп://www.имф.орг





1 Ўзбекистон Республикаси Президенти Шавкат Мирзиёевнинг олий Мажлисга Мурожаатномасини ўрганиш ва кенг жамоатчилик ўртасида тарғиб этишга бағишланган илмий-оммабоп қўлланма [Матн]. – Т.: «Маънавият», 2019. – 312 бет.

2 N. Gregory Mankiw. Macroeconomics. 8 th edition. Harvard University. (NY.: Worth Publishers, 2013): 17

3 N. Gregory Mankiw. Macroeconomics. 8 th edition. Harvard University. (NY.: Worth Publishers, 2013): 21-23

4 N. Gregory Mankiw. Macroeconomics. 8 th edition. Harvard University. (NY.: Worth Publishers, 2013): 22

5 Ўзбекистон иқтисодиёти. 2018 йил учун ахборот таҳлилий бюллетен, Тошкет- 2019., 14 б.

6 Ўзбекистон иқтисодиёти. 2018 йил учун ахборот таҳлилий бюллетен, Тошкет- 2019., 17 б.

7 N. Gregory Mankiw. Macroeconomics. 8 th edition. Harvard University. (NY.: Worth Publishers, 2013): 27

8 Ўзбекистон Республикаси Иқтисодиёт ва саноат вазирлиги маълумотлари

9 www.stat.uz маълумоти асосида тайёрланди

10 www.stat.uz маълумоти асосида тайёрланди

11 www.stat.uz маълумоти асосида тайёрланди

12 www.stat.uz маълумоти асосида тайёрланди

13 www.stat.uz маълумоти асосида тайёрланди

14 www.stat.uz маълумоти асосида тайёрланди

15 www.stat.uz маълумоти асосида тайёрланди

16 www.stat.uz маълумоти асосида тайёрланди

17 www.stat.uz маълумоти асосида тайёрланди

18 www.stat.uz маълумоти асосида тайёрланди

19 www.stat.uz маълумоти асосида тайёрланди

20 www.stat.uz маълумоти асосида тайёрланди

21 www.stat.uz маълумоти асосида тайёрланди

22 www.stat.uz маълумоти асосида тайёрланди

23 www.stat.uz маълумоти асосида тайёрланди

24 www.stat.uz маълумоти асосида тайёрланди

25 www.stat.uz маълумоти асосида тайёрланди

26 www.stat.uz маълумоти асосида тайёрланди

27 www.stat.uz маълумоти асосида тайёрланди

28 www.stat.uz маълумоти асосида тайёрланди

29 IMF, World Economic Outlook (October 2019) ва https://stat.uz.

30 IMF, World Economic Outlook (October 2019) ва https://stat.uz.


Download 1.87 Mb.

Do'stlaringiz bilan baham:
1   2   3   4   5   6




Ma'lumotlar bazasi mualliflik huquqi bilan himoyalangan ©fayllar.org 2020
ma'muriyatiga murojaat qiling