14-modda. Davlat budjeti taqchilligini moliyalashtirish
Davlat budjeti taqchilligi:
davlat tomonidan ichki va xorijdan mablag‘larni jalb qilish;
respublika budjeti mablag‘larining moliya yili boshlanishidagi qoldiqlari;
qonunlarga muvofiq boshqa manbalar hisobiga moliyalashtiriladi.
[OKOZ:
1.07.00.00.00 Moliya va kredit to‘g‘risidagi qonunchilik. Bank faoliyati / 07.05.00.00 Respublika budjeti / 07.05.02.00 Respublika budjeti daromadlari]
15-modda. Respublika budjeti daromadlari
Respublika budjeti daromadlari:
1) qonun hujjatlarida belgilangan tartibdagi va normativlar asosidagi umumdavlat soliqlari, yig‘imlari, bojlari va boshqa majburiy to‘lovlar;
LexUZ sharhi
Umumdavlat soliqlar, yig‘imlar, bojlar va boshqa majburiy to‘lovlarni taqsimlash normativlari har yili tasdiqlanadi.
2) qonun hujjatlarida belgilangan normativlar bo‘yicha davlat moliyaviy va boshqa aktivlarini joylashtirilishi, foydalanishga berilishi va sotilishidan olingan daromadlar;
3) qonun hujjatlariga muvofiq meros olish, hadya etish huquqi bo‘yicha davlat mulkiga o‘tgan pul mablag‘lari;
4) yuridik va jismoniy shaxslardan, shuningdek chet el davlatlaridan kelgan qaytarilmaydigan pul tushumlari;
5) rezident-yuridik shaxslarga va chet el davlatlariga berilgan budjet ssudalarini qaytarish hisobiga berilgan to‘lovlar;
6) qonun hujjatlarida taqiqlanmagan boshqa daromadlar hisobiga shakllantiriladi.
[OKOZ:
1.07.00.00.00 Moliya va kredit to‘g‘risidagi qonunchilik. Bank faoliyati / 07.05.00.00 Respublika budjeti / 07.05.03.00 Respublika budjeti xarajatlari]
Do'stlaringiz bilan baham: |