O, ota makonim, Onajon oʼlkam


Download 17.77 Kb.
Sana04.11.2021
Hajmi17.77 Kb.
#433486
IQROR
Bog'liq
5b0faaa32982b, SHARTNOMA, 1- kitob, 151515, 151515, MA, 349-I 27.12.1996, O‘RQ-610 13.03.2020, 336-XII 31.08.1991, 349-I 27.12.1996, O‘RQ-610 13.03.2020, Джон Мейнард Кейнс, Джон Мейнард Кейнс, Джон Мейнард Кейнс, Джон Мейнард Кейнс

IQROR

O, ota makonim,
Onajon oʼlkam,
Oʼzbekiston, jonim toʼshay soyangga.
Senday mehribon yoʼq,
Seningdek koʼrkam.
Rimni alishmasman bedapoyangga.


Bir goʼsha suv boʼlsa, bir goʼsha qirlar,
Qancha yurtni koʼrdim, qancha taqdirlar.
Qayga borsam suyab, boshni tik tut deb,
Togʼlaring ortimdan ergashib yurar.


Koʼrdim suluvlarning eng faranglarin.
Yo xudbinman men, yo bir sodda kasman men-
Parijning eng goʼzal restoranlarin
Bitta tandiringga alishmasan men.


Na gapga koʼnayin,
Na til bilayin,
Koʼzdan uyqu qochdi, dildan halovat-
Uch kunda sogʼinsam nima qilayin,
Chala qolar boʼldi barcha sayohat.


Bildimki, baridan ulugʼi oʼzing,
Bildimki, yaqini shu tuproq menga.
Bahorda Baxmalda tugʼulgan qoʼzing,
Arab ohusidan azizroq menga.


Sen bilan oʼtgan kun bayramdir-bazm,
Sensiz bir on qolsam, rahmim keladi.
Seni bilganlarga qilaman taʼzim,
Seni bilmaslarga rahmim keladi.


ONAIZOR
Ko`nglim qolsa bulbuldan ham, guldan ham,

Qolar bo`lsam bir kun axir tildan ham…

Agar bir zot yig`lasa chin dildan ham –

Onam yig`lar, onam yig`lar, onam u…

Sig`may qolsam shunday keng bu jahona,

Osmonlarga ruhim bo`lsa ravona,

Jonsiz tanim ustida ham parvona –

Onam yig`lar, onam yig`lar, onam u…

Tonar bo`lsa qo`limdagi tor, dunyo,



Uch kun o`tmay unutgay do`st-yor, dunyo.

Yeru ko`kni titratib zor-zor, dunyo –

Onam yig`lar, onam yig`lar, onam u…

Gulday kulib yurmasmidi, o`g`lim deb,

Ko`rib ko`nglim to`lmasmidi, o`g`lim deb,

Onang o`lsa bo`lmasmidi, o`glim deb

Onam yig`lar, onam yig`lar, onam u…

Ko`nglim qolsa bulbuldan ham guldan ham,

Qolar bo`lsam bir kun axir tildan ham…

Agar bir zot yig`lasa chin dildan ham –

Onam yig`lar, onam yig`lar, onam u…




Download 17.77 Kb.

Do'stlaringiz bilan baham:




Ma'lumotlar bazasi mualliflik huquqi bilan himoyalangan ©fayllar.org 2022
ma'muriyatiga murojaat qiling