1
Oraliq nazorat ishi
(Mehnat huquqi)
2-Kazus
Farg’ona viloyati O’zbekiston tumanidagi 45-son davlat maktabgacha ta’lim
tashkilotiga tarbiyachi-metodist lavozimiga ishga joylashmoqchi bo’lgan avval
qasddan jinoyat sodir etganligi uchun ilgari hukm qilingan va jismoniy nuqsoni
bo’lgan Nazirovadan ishga qabul qilish vaqtida sudlanmaganligi to’g’risidagi
ma’lumotnoma, soliq to‘lovchining
identifikatsiya raqami, jismoniy shaxsning
shaxsiy identifikatsiya raqami, shaxsiy jamg‘arib boriladigan pensiya hisobvarag‘i
raqami taqdim qilinishini so’rashdi. Nazirova bunga javoban ishga qabul qilish
vaqtida ishga kirayotgan shaxsdan qonunchilikda ko‘rsatilmagan
hujjatlarni talab
qilish taqiqlanishini, yuqoridagi hujjatlarning birortasi qonunchilikda nazarda
tutilmaganligini ta’kidladi. Bundan tashqari muqaddam sudlangan shaxslarni ishga
qabul
qilmaslik, bundan qonunchilikda nazarda tutilgan hollar mustasno, yoxud
shaxslarni ularning yaqin qarindoshlari sudlanganligi munosabati bilan ishga qabul
qilmaslik ishga qabul qilishni g‘ayriqonuniy ravishda rad etish deb hisoblanishini
aytib o’tdi. Davlat maktabgacha ta’lim tashkiloti direktori esa jismoniy nuqsonlari
bo‘lgan shaxslar va shuningdek qasddan jinoyatlar sodir
etganligi uchun ilgari
hukm qilingan shaxslar maktabgacha ta’lim tashkilotlarida pedagogik faoliyat
bilan shug‘ullanishi mumkin emasligini ta’kidladi. Shuningdek,
davlat
maktabgacha ta’lim tashkilotida tarbiyachi-metodist uchun 40 soat ish vaqti
belgilanganligini, Nazirovaning jismoniy nuqsoni borligi uchun bunday ish
rejimida ishlay olmasligini ta’kidladi. Nazirova esa o‘zini
kamsitilgan deb
hisoblanishini hamda kamsitishni bartaraf etish hamda o‘ziga ma’naviy zararni
to‘lash to‘g‘risidagi ariza bilan sudga murojaat qilishi mumkinligini aytdi. Bundan
tashqari davlat maktabgacha ta’lim tashkiloti direktori Nazirovadan yangi mehnat
daftarchasi ochish uchun ish beruvchi xodimdan qonunchilik hujjatlarida
belgilangan bazaviy hisoblash miqdoring 10 foizigacha
miqdorida haq olish
huquqiga ega ekanligini, shuning uchun Nazirova mehnat daftarchasi uchun 30
2
ming so’m hamda xodimning shaxsiy yig’majildini kompleksiga ma’lumotlarni
yuklash uchun yana 70 ming so’m, jami 100 ming so’m olib kelishini aytdi.
Savollar:
1. Avval qasddan jinoyat sodir etganligi uchun ilgari hukm qilingan
Nazirovadan sudlanmaganligi to’g’risidagi ma’lumotnoma so’ralishi
qonuniymi?
2. Shaxsning sudlanganligi va jismoniy nuqsoni borligi maktabgacha ta’lim
tashkilotlarida pedagogik faoliyat bilan shug‘ullanishiga cheklov bo’lishi
mumkinmi?
3. Yangi mehnat daftarchasi ochish uchun ish beruvchi xodimdan qonunchilik
hujjatlarida belgilangan miqdorda haq olishi mumkinmi?
4. “YMMT”
IDAK nima, undan foydalanish bepulmi?
5. Davlat maktabgacha ta’lim tashkiloti xodimlarining ish vaqti me’yorlarini
tahlil qiling.
