Pdf-faylidagi rasmiy manba O‘zbekiston Respublikasi Vazirlar Mahkamasining



PDF-faylidagi rasmiy manba

O‘zbekiston Respublikasi Vazirlar Mahkamasining

qarori

O‘zbekiston Respublikasida landshaft dizaynini rivojlantirish dasturini tasdiqlash to‘g‘risida

O‘zbekiston Respublikasida landshaft dizaynini yanada rivojlantirish, aholi punktlari va qishloqlararo hududlarning arxitekturaviy-badiiy qiyofasini yaxshilash, landshaft dizayni mutaxassislarini tayyorlash va qayta tayyorlash tizimini takomillashtirish maqsadida Vazirlar Mahkamasi qaror qiladi:

1. O‘zbekiston Respublikasida landshaft dizaynini rivojlantirish dasturi (keyingi o‘rinlarda Dastur deb ataladi) 1-ilovaga muvofiq tasdiqlansin.

2. Vazirlar Mahkamasining 2013-yil 21-iyundagi 386-f-son farmoyishi bilan tuzilgan O‘zbekiston Respublikasida landshaft dizaynini rivojlantirish dasturini tayyorlash bo‘yicha Ishchi guruhga quyidagilar yuklansin:

tegishli vazirliklar va idoralarning, shuningdek mahalliy davlat hokimiyati organlarining Dasturni belgilangan muddatlarda sifatli bajarish bo‘yicha faoliyati yuzasidan tizimli monitoringni amalga oshirish;

har chorak yakunlari bo‘yicha Vazirlar Mahkamasiga Dasturni bajarish borasida amalga oshirilgan ishlar to‘g‘risida axborot kiritish.

3. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirish va qo‘shimchalar kiritilsin.

4. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.I. Zakirov zimmasiga yuklansin.

O‘zbekiston Respublikasining Bosh vaziri Sh. MIRZIYOYEV

Toshkent sh.,

2013-yil 13-avgust,

223-son

Vazirlar Mahkamasining 2013-yil 13-avgustdagi 223-son qaroriga

1-ILOVA

O‘zbekiston Respublikasida landshaft dizaynini rivojlantirish

DASTURI

T/r	Tadbirlar	Amalga oshirish shakli	Muddatlari	Mablag‘lar hajmlari	Moliyalashtirish manbalari	Bajarish uchun mas’ullar
I. Tashkiliy tadbirlar
1.1	Toshkent shahar hokimligi Obodonlashtirish bosh boshqarmasining, Nukus shahri va viloyat markazlari bo‘lgan shaharlar obodonlashtirish boshqarmalarining landshaft dizayni guruhlarini malakali kadrlar bilan ta’minlash.	Tegishli obodonlashtirish boshqarmalarining buyruqlari	2013-yil III chorak	-	-	Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
1.2	Loyihalash tashkilotlarini oliy ta’lim muassasalari va kasb-hunar kollejlarini “landshaft dizayni” mutaxassisligi bo‘yicha tamomlagan landshaft dizayni mutaxassislari bilan ta’minlash.	Loyihalash tashkilotlari va boshqa tegishli tashkilotlarning buyruqlari	2013-yil IV chorak	-	O‘zbekiston Respublikasi Davlat budjeti va tashkilotlar mablag‘lari	“Davarxitektqurilish” qo‘mitasi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Oliy va o‘rta maxsus ta’lim vazirligi
1.3	2014-yildan boshlab O‘zbekiston Respublikasi Davlat budjeti parametrlarini shakllantirishda Toshkent shahar hokimligi Obodonlashtirish bosh boshqarmasining, Nukus shahri va viloyat markazlari bo‘lgan shaharlar obodonlashtirish boshqarmalarining landshaft dizayni guruhlari ta’minotiga, shuningdek landshaft dizaynini rivojlantirish uchun zarur texnika, asbob-uskunalar va materiallar sotib olishga zarur mablag‘lar kiritish.	2014-yil va kelgusi yillar uchun O‘zbekiston Respublikasi Davlat budjeti parametrlari loyihasi	2013-yil III chorak Har yili	2013-yil uchun 411,0 mln so‘m Hisob-kitoblar va buyurtmanomalar bo‘yicha	Obodonlashtirish maqsadlari uchun nazarda tutiladigan mablag‘lar doirasida	Moliya vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
II. Kadrlarni tayyorlash, qayta tayyorlash va ularning malakasini oshirish
2.1	Toshkent arxitektura-qurilish instituti (keyingi o‘rinlarda TAQI deb ataladi) va Samarqand davlat arxitektura-qurilish instituti (keyingi o‘rinlarda SDAQI deb ataladi)ning mavjud kafedralari negizida “Landshaft dizayni va interyeri” kafedralarini tashkil etish.	Oliy va o‘rta maxsus ta’lim vazirligining buyrug‘i	2013-yil IV chorak			Oliy va o‘rta maxsus ta’lim vazirligi, “Davarxitektqurilish” qo‘mitasi, boshqa manfaatdor vazirliklar va idoralar
2.2	TAQI huzuridagi qurilish sohasida Menejerlar malakasini oshirish va ularni qayta tayyorlash markazi negizida Arxitektorlar, dizaynerlar, quruvchilar malakasini oshirish va ularni qayta tayyorlash markazi tashkil etish.	Oliy va o‘rta maxsus ta’lim vazirligining buyrug‘i	2013-yil IV chorak			Oliy va o‘rta maxsus ta’lim vazirligi, “Davarxitektqurilish” qo‘mitasi, boshqa manfaatdor vazirliklar va idoralar
2.3	Oliy ta’lim yo‘nalishlari va mutaxassisliklari klassifikatoriga “Landshaft dizayni” va “Interyer dizayni” yo‘nalishlari kiritilishini nazarda tutuvchi o‘zgartirish va qo‘shimchalar kiritish.	Vazirlar Mahkamasining qarori	2013-yil oktyabr	-	-	Oliy va o‘rta maxsus ta’lim vazirligi, “Davarxitektqurilish” qo‘mitasi, “O‘zstandart” agentligi
2.4	“Landshaft dizayni” va “Interyer dizayni” ta’lim yo‘nalishlari bo‘yicha davlat ta’lim standartlari va o‘quv rejalarini ishlab chiqish.	Oliy va o‘rta maxsus ta’lim vazirligining buyrug‘i	2014-yil I chorak	-	-	Oliy va o‘rta maxsus ta’lim vazirligi, “Davarxitektqurilish” qo‘mitasi, “O‘zstandart” agentligi
2.5	“Landshaft dizayni” va “Interyer dizayni” yo‘nalishlari bo‘yicha mutaxassislar tayyorlashga bo‘lgan ehtiyojni aniqlash.	Takliflar ishlab chiqish va Vazirlar Mahkamasiga kiritish	2013-yil dekabr	-	-	Iqtisodiyot vazirligi, Oliy va o‘rta maxsus ta’lim vazirligi, “Davarxitektqurilish” qo‘mitasi, TAQI, SamDAQI, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
2.6	“Landshaft dizayni” va “Interyer dizayni” yo‘nalishlari bo‘yicha TAQI va SamDAQI bakalavriat va magistraturasiga 2014-2015 o‘quv yilidan boshlab qabul qilish kvotalari ajratish.	O‘zbekiston Respublikasi Prezidenti qarori, Ta’lim muassasalariga o‘qishga qabul qilish bo‘yicha davlat komissiyasi protokoli	2014-yil II chorak	-	-	Iqtisodiyot vazirligi, Oliy va o‘rta maxsus ta’lim vazirligi, “Davarxitektqurilish” qo‘mitasi, TAQI, SamDAQI
2.7	TAQI va SamDAQI bakalavriat va magistraturasiga yangidan tashkil etilgan “Landshaft dizayni” va “Interyer dizayni” yo‘nalishlari bo‘yicha talabalar qabul qilish.	O‘zbekiston Respublikasi Prezidenti qarori				Oliy va o‘rta maxsus ta’lim vazirligi, TAQI, SamDAQI
2.8	TAQI va SamDAQI negizlarida landshaft dizayni bo‘yicha maket va keramika ustaxonalari, shuningdek texnoparklar tashkil etish, ularni qurish uchun 1,0 gektar qo‘shimcha yer uchastkasi ajratish.	Oliy va o‘rta maxsus ta’lim vazirligining buyrug‘i, Toshkent shahar va Samarqand viloyati hokimlarining qarorlari	2014-yil II chorak	TAQI va SamDAQI hisob-kitoblari va buyurtmanomalari bo‘yicha	Oliy ta’lim muassasalarining o‘z mablag‘lari, grantlar va homiylar mablag‘lari	Oliy va o‘rta maxsus ta’lim vazirligi, Toshkent shahar hokimligi, Samarqand shahar hokimligi, “Davarxitektqurilish” qo‘mitasi
2.9	TAQI va SamDAQIda ta’lim jarayoniga arxitektura dendrologiyasi va landshaft dizayni sohasi bo‘yicha amaliyotchi mutaxassislarni, shu jumladan xorijiy mamlakatlardan soatbay mehnat haqi to‘lash shartlari bilan jalb etish.	Oliy va o‘rta maxsus ta’lim vazirligining buyrug‘i	2014-yil	-	Oliy ta’lim muassasalarining o‘z mablag‘lari	Oliy va o‘rta maxsus ta’lim vazirligi
2.10	Ijodiy tanlovlardagi ishtirokini hisobga olgan holda o‘qituvchilarning reyting nazorati tizimini takomillashtirish.	Qo‘shma qaror	Har yili	-	-	Oliy va o‘rta maxsus ta’lim vazirligi, Davlat test markazi
III. Ilg‘or tajribani o‘rganish
3.1	Toshkent shahridagi obyektlar (Abdulla Qodiriy nomidagi, “Bolajon” va “Lokomotiv” (sobiq “Zafar Diyor” bog‘lari) negizida landshaft dizayni mutaxassislari, hududiy arxitektura organlari xodimlari, oliy ta’lim muassasalarining talabalari va kasb-hunar kollejlari o‘quvchilari uchun seminarlar o‘tkazish.	Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi buyrug‘i, Toshkent shahar hokimi qarori	2013-yil IV chorak	Madaniyat va sport ishlari vazirligi, Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi hisob-kitoblari va buyurtmanomalari bo‘yicha	Bajaruvchilar va homiylar mablag‘lari, grant mablag‘lari	Oliy va o‘rta maxsus ta’lim vazirligi, O‘rta maxsus, kasb-hunar ta’limi markazi, Toshkent shahar hokimligi, “Davarxitektqurilish” qo‘mitasi, Madaniyat va sport ishlari vazirligi
3.2	Landshaft dizayni mutaxassislarining Angliyada va boshqa xorijiy mamlakatlarda o‘qishini, shuningdek TAQI va SamDAQI talabalarining arxitektura va landshaft dizayni bo‘yicha sayyor tanishish amaliyotlarini tashkil etish.	Oliy va o‘rta maxsus ta’lim vazirligi, “Davarxitektqurilish” qo‘mitasi va loyihalash tashkilotlarining buyruqlari	2013-yil IV chorak	“Davarxitektqurilish” qo‘mitasi, loyihalash tashkilotlari, Oliy va o‘rta maxsus ta’lim vazirligining hisob-kitoblari va buyurtmanomalari bo‘yicha	Ajratilgan mablag‘lar, grant va homiylar mablag‘lari doirasida	Oliy va o‘rta maxsus ta’lim vazirligi, “Davarxitektqurilish” qo‘mitasi, Tashqi ishlar vazirligi, Tashqi iqtisodiy aloqalar, investitsiyalar va savdo vazirligi
3.3	Tajriba almashish uchun landshaft dizaynining xorijiy mutaxassislarini O‘zbekiston Respublikasiga taklif etish.	Oliy va o‘rta maxsus ta’lim vazirligi tomonidan Vazirlar Mahkamasiga takliflar kiritish	2014-yil IV chorak	Oliy va o‘rta maxsus ta’lim vazirligi hamda “Davarxitektqurilish” qo‘mitasining hisob-kitoblari va buyurtmanomalari bo‘yicha	Ajratilgan mablag‘lar doirasida	Oliy va o‘rta maxsus ta’lim vazirligi, “Davarxitektqurilish” qo‘mitasi, Tashqi ishlar vazirligi
IV. Landshaft muhitini arxitekturaviy-badiiy jihatdan tashkil etish yutuqlarini ommalashtirish
4.1	Respublika va viloyatlar telekanallarida landshaft dizayniga bag‘ishlangan ko‘rsatuvlar turkumini tashkil etish.	Tadbirlar rejasi	2013-2014 yillar	Milliy teleradiokompaniyaning hisob-kitoblari va buyurtmanomalari bo‘yicha	Ajratilgan mablag‘lar doirasida	Manfaatdor vazirliklar va idoralar, O‘zbekiston milliy teleradiokompaniyasi
4.2	Ixtisoslashtirilgan tashkilotlar, oliy ta’lim muassasalarining mutaxassislari va talabalari, kasb-hunar kollejlarining o‘quvchilari o‘rtasida tuman, viloyat va respublika darajasida landshaft dizayni bo‘yicha mahorat darslari, ishlarning mavzuli ko‘rgazmalari va tanlovlarini tashkil etish.	Oliy va o‘rta maxsus ta’lim vazirligi, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari buyruqlari va qarorlari	2013-2014-yillar	Oliy va o‘rta maxsus ta’lim vazirligi hisob-kitoblari va buyurtmanomalari bo‘yicha	Ajratilgan mablag‘lar doirasida, oliy ta’lim muassasalarining o‘z mablag‘lari	Oliy va o‘rta maxsus ta’lim vazirligi, “Davarxitektqurilish” qo‘mitasi, Madaniyat va sport ishlari vazirligi
V. Normativ-huquqiy bazani takomillashtirish
5.1	Daraxtlar, butalar, gullar va boshqa o‘simliklar bo‘yicha umumiy dendrologiya katalogini ishlab chiqish.	Katalog	2014-yil I chorak	Bajaruvchilar hisob-kitoblari va buyurtmanomalari bo‘yicha	O‘zbekiston Respublikasi Davlat budjeti va homiylar mablag‘lari	“Davarxitektqurilish” qo‘mitasi, O‘zbekiston Respublikasi Fanlar akademiyasi, Qishloq va suv xo‘jaligi vazirligining O‘rmon xo‘jaligi bosh boshqarmasi
5.2	Landshaft dizayni obyektlarini loyihalash va barpo etish ishlari qiymatini aniqlash bo‘yicha normativ hujjatni ishlab chiqish.	“Davarxitektqurilish” qo‘mitasi normativ hujjatini ishlab chiqishning manzilli ro‘yxati	2014-yil iyul	“Davarxitektqurilish” qo‘mitasi hisob-kitoblari va buyurtmanomalari bo‘yicha	O‘zbekiston Respublikasi Davlat budjeti mablag‘lari	“Davarxitektqurilish” qo‘mitasi

Vazirlar Mahkamasining 2013-yil 13-avgustdagi 223-son qaroriga
2-ILOVA

O‘zbekiston Respublikasi Hukumatining ayrim qarorlariga kiritilayotgan o‘zgartirish va qo‘shimchalar

1. Vazirlar Mahkamasining “Obodonlashtirish xodimlarini moddiy rag‘batlantirishni kuchaytirish chora-tadbirlari to‘g‘risida” 2009-yil 1-apreldagi 91-son qaroriga 1-ilovada (O‘zbekiston Respublikasi QT, 2009-y., 4-son, 24-modda):

“Lavozim nomi” ustunida:

“Bosh iqtisodchi, bosh agronom, bosh mexanik” so‘zlari “Bosh iqtisodchi, bosh agronom, bosh mexanik, landshaft bo‘yicha dizayner” so‘zlari bilan almashtirilsin;

“Etakchi mutaxassislar: muhandis (barcha mutaxassisliklar bo‘yicha), agronom, iqtisodchi, buxgalter, mexanik” so‘zlari “Etakchi mutaxassislar: muhandis (barcha mutaxassisliklar bo‘yicha), agronom, iqtisodchi, buxgalter, mexanik, landshaft bo‘yicha bosh muhandis, vertikal rejalashtirish va yo‘l qoplamalari bo‘yicha loyihalovchi, dendrolog, ishlab chiquvchi dizayner, loyihalovchi elektrik, suv ta’minoti bo‘yicha loyihalovchi” so‘zlari bilan almashtirilsin.

2. Vazirlar Mahkamasining “Toshkent shahrini obodonlashtirish ishlarini tashkil etishni takomillashtirish chora-tadbirlari to‘g‘risida” 2010-yil 11-noyabrdagi 251-son qarorida:

a) 4-ilova quyidagi tahrirda bayon qilinsin:

“Vazirlar Mahkamasining 2010-yil 11-noyabrdagi 251-son qaroriga

4-ILOVA

Toshkent shahar hokimligi huzuridagi Obodonlashtirish bosh boshqarmasi apparati

TUZILMASI



b) 5-ilovadagi “Lavozim va kasblar nomi” ustunida:

5-bandga “landshaft bo‘yicha bosh dizayner (guruh boshlig‘i)” so‘zlari qo‘shilsin;

8-bandga “landshaft bo‘yicha bosh muhandis, vertikal rejalashtirish va yo‘l qoplamalari bo‘yicha loyihalovchi, dendrolog, ishlab chiquvchi dizayner, loyihalovchi elektrik, suv ta’minoti bo‘yicha loyihalovchi” so‘zlari qo‘shilsin.

3. Vazirlar Mahkamasining “Respublika aholi punktlarini obodonlashtirish ishlarini tashkil etishni takomillashtirish chora-tadbirlari to‘g‘risida” 2013-yil 10-yanvardagi 4-son qaroriga 2-ilova quyidagi tahrirda bayon qilinsin (O‘zbekiston Respublikasi QT, 2013-y., 1-son, 2-modda):

“Vazirlar Mahkamasining 2013-yil 10-yanvardagi 4-son qaroriga

2-ILOVA

Nukus shahar va viloyat markazlari bo‘lgan shaharlar obodonlashtirish boshqarmalarining

NAMUNAVIY TUZILMASI



Xodimlarning cheklangan soni:

boshqaruv xodimlari (BX) — 13,5 kishi;

* muhandis-texnik xodimlar (MTX): shaharlarda — Andijonda — 15 kishi, Buxoroda — 17 kishi, Qarshida — 13 kishi, Navoiyda — 10 kishi, Namanganda — 17 kishi, Nukusda — 12 kishi, Samarqandda — 17 kishi, Farg‘onada — 17 kishi; Guliston, Jizzax, Termiz va Urganch shaharlarida — 10 kishidan; yordamchi xodimlar — 7 kishi.

Izoh: ishlab chiqarish xodimlari soni bajariladigan ishlar hajmiga ko‘ra belgilanadi.”.
(O‘zbekiston Respublikasi qonun hujjatlari to‘plami, 2013-y., 33-son, 440-modda)