Reja: Hajmiy nasoslar hususiyatlari va guruhlanishi

Hajmiy nasoslar
Reja:
1. Hajmiy nasoslar hususiyatlari va guruhlanishi;
2. Porshenli, plunjerli va diafragmali nasoslar;
3. Rotorli nasoslar.

Hajmiy nasoslar suyuqlikning ma’lum bir hajmini ajratib olib, unga kuch ta’sir qilish yo‘li bilan harakatga keltiradi. Ajratib olingan hajm u juda kichik bo‘lishiga qarama, bu jarayon vaqt birligida juda ko‘p marta takrorlagani uchun, bunday nasoslar kerakli miqdordagi suyuqlik bilan ta’minlay oladi.

Hajmiy nasoslar 2 guruhga bo‘linadi:
Ilgarilanma-qaytma (porshenli, plunjerli, diafragmali va h.k.) va rotorli (shesterdentli, plastinali va h.k.). Porshenli nasos qurilmasining eng sodda sxemasi rasmda keltirilgan. Bu nasoslarda suyuqlikning surilishi va haydalishi porshen yoki plunjerning silindrda ilgarilama qaytma harakatiga asoslangan. Porshen (plunjer) silindr ichida qaytma (orqaga) harakat qilganida uning oldidagi ish kamerasining hajmi ortib, siyraklanish hosil bo‘ladi.

a-porshenli nasos; b-plunjerli nasos; v-diafragmali nasos
Bu siyraklanish ma’lum bir chegaraga etganida surish klapani ochiladi va suyuqlik surish quvuri orkali ish kamerasiga kiradi. Surish jarayoni porshen (plunjer) o‘zining eng chekka surish chegarasiga etguncha davom etadi. Porshen (plunjer) ilgarilama (oldinga) harakat qilganda esa ish bo‘lmasidagi bosim ortib, surish klapani yopiladi. Bo‘lmadagi bosim ortishida davom etib haydashga etarli bosim rx ga etganida haydash klapani ochilib, suyuqlik haydash trubasi 9 ga o‘ta boshlaydi. Suyuqlikni haydash porshen eng chekka haydash chegarasiga etguncha davom etadi.
Porshenli va plunerli nasoslardan yuqori bosimda o‘zgarmas so‘rish zarur bo‘lgan hollarda foydalaniladi (kichik diametrli quduqlardan suv chiqarishda, zichligi katta bo‘lgan suyuqliklarni uzatishda, reagentlarni meyorlab uzatishda). Porshenli nasoslarning avzalligi-FIK ning yuqoriligidir.
Kamchiligi-kattaligi, qimmatga tushishi, ishlatishning murakkabligi.
Diafragmali nasoslar. Ximiyoviy aktiv suyuqliklarni va qattiq modda zarrachalar aralashgan suyuqliklarni so‘rish uchun porshenli nasoslarning maxsus turlari ishlatiladi. Bunday nasoslarning eng tarqalgan turi diafragmali yoki membranali nasosdir (raem). Bu nasoslar ishlash prinsipi bo‘yicha oddiy bir xarakatli plunjerli nasoslarga o‘xshaydi va suspenziyalar xamda metall qismlarning emirilishiga katta ta’sir qiluvchi aktiv suyuqliklarni so‘rishda ishlatiladi.
Rotorli nasoslar. SHesternyali nasoslar hosil qilgan bosimiga qarab past (10 kG/sm2 gacha), o‘rtacha (30 kg/sm2 gacha) va yuqori (100 kG/sm2) bosimli bo‘ladi. Past bosimli nasoslar stanok va mashinalarning moylash-sovitish sistemalarida qo‘llaniladi. O‘rtacha bosimli nasoslar kuch organlariga harakatni tez uzatish kerak bo‘ladigan stanoklarning gidrouzatmalarida (masalan, parmalash va jilvirlash stanoklarida) ishlatiladi. YUqori bosimli nasoslar stanokning ichki organiga katta kuch uzatish lozim bo‘lgan gidrouzatmalarda qo‘llanadi.Shesternyali nasos:

Vintli nasoslar suyuqlikni bir tekis tortish bilan farqladi. Ular yuqori FIK iga ega, ixcham, ishlatish qulay, yuqori bosimda va katta aylanishlar sonida shovqinsiz ishlay oladi. Bunday nasoslar bir, ikki, uch va xokazo vintli bo‘ladi.
Bir vintli nasoslar hajmiy nasoslarning xamma afzalliklari yuqori bosimda uzatilayotgan suyuqlikning juda kam aralashishi va katga so‘rish balandligi) ni mujassamlashtirganlar. Undan tashqari, plunjerli va porshenli nasoslardan harakatlanadigan detallarning kamligi, klapanlarning va murakkab o‘tish joylarining yo‘qligi kabi afzalliklari bilan farq qiladi. Bu nasoslar ixcham, engil, sodda tuzilgandir. Bir vintli nasoslar mamlakatimizda ko‘mir shaxtalaridan ifloslangan suvlarni tortib olishda, havzalardan neftni so‘rishda, quduqlardan suv tortishda va achitqilarni tashishda ishlatiladi.
Vintli nasos

Nazorat savollari
1. Hajmiy nasoslar hususiyatlari va guruhlanishi;
2. Porshenli, plunjerli nasoslar. Ishlash prinsipi va ishlatish sohalari;
3. Diafragmali nasoslar va ishlatish sohalari;